"NEET zawhna putru avanga zirlai nunna chan te sorkarin zangnadawmna pe ngei rawh se,"

Aizawl | July 23, 2026: Mizo Zirlai Pawl (MZP) General Headquarters, Aizawl buatsaihin vawiin khan Vanapa hall kawtah NEET zawhna putru duuh loh lantir nan an pungkhawm a, he hunah hian, resolution paruk an pass a.

MZP chuan, "NEET Question leak out avanga kan zirlaipui nunna chan ta te hi kan tawrhpui takzet a, sorkarin zangnadawmna pe ngei rawh se," an ti.

Aizawl rual hian, Lunglei leh Serchhip ah te pawh hetiang hi huaihawt niin, zirlai thahnem tak an pungkhawm a, kawng zawhin an au rual bawk a ni.

RESOLUTION

1. NEET (UG) 2026 Exam-a Question leak out hi kan dem takzet a, a thlen nawn tawhloh nan Central Sorkarin hma la nghal rawh se.

2. ⁠ NEET Question leak out avanga kan zirlaipui nunna chan ta te hi kan tawrhpui takzet a, sorkarin zangnadawmna pe ngei rawh se.

3. ⁠ Exam dan kalphung langtlang leh tha zawk kan neih theih nan National Testing Agency (NTA) siamthat ni rawh se.

4. ⁠ He thil thleng avanga peaceful protester te chunga Police te tharum thawhna thleng hi kan dem takzet a, democracy ramah hetiang hi thleng nawn tawhlo se kan duh.

5. ⁠ Tihluihna hmanga he protest hmahruaitu Sonam Wangchuk, sorkarin Safdarjung Hospital-a tihluihna hmanga a hreng lui hi kan dem takzet a, thu tiamkam awmloa chhuah nghal turin kan phut a ni.

6. ⁠ Mizo Zirlaite himna leh hamthatna atan vawiin a Mizo zirlai leh thalai kalkhawmte hian lungrual taka thawhho zel nise kan ti.