MZP-in Lunglei-ah NEET zawhna putru duh loh lantir nan kawng zawh!

Aizawl | July 23, 2026: Mizo Zirlai Pawl (MZP) Headquarters, Lunglei buatsaihin vawiin khan Old Tennis Court Venglai leh DC office kawtah ‘Solidarity March’  neih a ni a, he hunah hian college leh school zirlai naupangte bakah mi thahnem ngai mi sanghnih zanga chuang an kalkhawm a ni. 

Solidarity March hi MZP Hqrs. Lunglei President  H Lalhmingmawia  chuan kaihruaiin zirlai kal khawmte chu kan kal khawm chhanah chiang tur leh kan ram education system siamthatna atana theihtawp chhuah a aw chhuah turin a sawm a, tun hnaia paper leak bakah kan state chhung ngei a exam kaihhruai dan diklo awmte pawh siamthat anih theihna atan ke pen zel turin zirlai kal khawmte a sawm nghal bawk a ni.

Old Tennis Court Venglaia hun hmanna ah hian Lunglei Gov’t College Students Union Leader aiawhin T Lalremkima leh Govt’ J. Buana College Students’ Union Leader aiawh in R Lalhruaitluanga te'n thu an sawi a, zirlai kal khawmte chu an dikna chanvo au chhuahpui ngam tur leh thalaite khawvel a nih tawh avangin roreltute pawhin thalaite hmakhua ngai a thalaite dinhmun tha a an awm theihna atan hma la zawk turin an chah a ni.

Solidarity March hi DC Office kawtah tawpna hun siam a ni a, he hunah hian kalkhawmte hmaah resolution chhiar chhuahna hun hman niin, Lunglei DC hnenah memorandum theh luh nghal a ni a. Memorandum ah hian MZP Hqrs. Lunglei, Govt’ J Buana College SU, Lunglei Govt’ College SU leh Mizoram Polytechnic Lunglei SU aiawh te’n hming ziak in an sign hnan a ni.

Mizo Zirlai Pawl Headquarters, Lunglei chuan India ram a zirna siamthat anih theihna atan a theihtawp chhuah a zirlai naupangte au aw chuan awmzia a neih ngei a beisei tlat a, zirlaite’n an dikna chanvo an chan theihna atan leh education system diklo siamthatna atan a tawp thlengin ke a pen zel dawn a ni. Solidarity March-a tel zirlaite leh mi thahnem ngai rawn tel zawng zawngte chungah thinlung takin Mizo Zirlai Pawl Headquarters Lunglei chuan lawmthu a sawi a ni.

MIZO ZIRLAI PAWL HEADQUARTERS:LUNGLEI

PRESS RELEASE

PR.No-5 of 2026-2028

SOLIDARITY MARCH

Vawiin ni 23 July, 2026 (Ningani) chawhma dar 11:00 a.m. hian Mizo Zirlai Pawl Headquarters:Lunglei buatsaih in ‘Solidarity March’ Old Tennis Court Venglai leh DC office kawtah neih a ni a, he hunah hian college leh school zirlai naupangte bakah mi thahnem ngai mi sanghnih zanga chuang an kalkhawm a ni. Solidarity March hi Pu H. Lalhmingmawia President MZP Hqrs.:Lunglei chuan kaihruaiin zirlai kal khawmte chu kan kal khawm chhanah chiang tur leh kan ram education system siamthatna atana theihtawp chhuah a aw chhuah turin a sawm a, tun hnaia paper leak bakah kan state chhung ngei a exam kaihhruai dan diklo awmte pawh siamthat anih theihna atan ke pen zel turin zirlai kal khawmte a sawm nghal bawk a ni.

Old Tennis Court Venglaia hun hmanna ah hian Lunglei Gov’t College Students Union Leader aiawh in T. Lalremkima leh Govt’ J. Buana College Students’ Union Leader aiawh in R. Lalhruaitluanga te chuan thu an sawi a, zirlai kal khawmte chu an dikna chanvo au chhuahpui ngam tur leh thalaite khawvel a nih tawh avangin roreltute pawhin thalaite hmakhua ngai a thalaite dinhmun tha a an awm theihna atan hma la zawk turin an chah a ni.

Solidarity March hi DC Office kawtah tawpna hun siam a ni a, he hunah hian kalkhawmte hmaah resolution chhiar chhuahna hun hman niin, Lunglei DC hnenah memorandum theh luh nghal a ni a. Memorandum ah hian MZP Hqrs.:Lunglei, Govt’ J. Buana College SU, Lunglei Govt’ College SU leh Mizoram Polytechnic Lunglei SU aiawh te’n hming ziak in an sign hnan a ni.

Mizo Zirlai Pawl Headquarters:Lunglei chuan India ram a zirna siamthat anih theihna atan a theihtawp chhuah a zirlai naupangte au aw chuan awmzia a neih ngei a beisei tlat a, zirlaite’n an dikna chanvo an chan theihna atan leh education system diklo siamthatna atan a tawp thlengin ke a pen zel dawn a ni. Solidarity March-a tel zirlaite leh mi thahnem ngai rawn tel zawng zawngte chungah thinlung takin Mizo Zirlai Pawl Headquarters:Lunglei chuan lawmthu a sawi a ni.

Dated Lunglei the 23rd July, 2026

Issued by-Mizo Zirlai Pawl Headquarters:Lunglei