MZP-in Mizoram Engineering College tlawhin hnathawh dan an enfiah; a panna kawng duhthu a sam lo hle

Aizawl | July 14, 2026: Mizo Zirlai Pawl (MZP) Headquarters:Lunglei chuan vawiin ni 14 July, 2026 (Thawhlehni) khan Mizoram Engineering College, Pukpui-a mi chu tlawhin hmathawh kal mekte an enfiah a, PHE, PWD leh P&E Department hotute an telpui.

Mizoram Engineering College hnathawh kal lai mekah hian Department hrang hrang hnathawhte ngun taka en ho niin, tun dinhumah hian PHE Department leh P&E Department hna chu thawh zawh tawh niin, PWD chan chu working season anih loh avangin hna hi za a sawmhnih bawr vel bak thawh ala ni lova, GSB phah chungchangah mimal ramte nena harsatna a awm bawk avangin Engineering College panna kawng hi duhthu a sam lo hle a ni.

Mizo Zirlai Pawl Headquarters:Lunglei chuan Engineering College building hrang hrangte enfiah in, classroom atana ruahmanah light leh fan quality chhe tak tak dah a ni chu pawi a ti hle a, building chhunga room hrang hrang tawp leh duhthusam lo tam lutuk chu thuneitu lamin a rang lama enfiah turin MZP Hqrs.:Lunglei chuan a ngen a. Mizoram Engineering College chhunga hnathawh kal mekte zingah Higher & Technical Education Department chan muang chang lutuk leh kutthlak mumal la awmlo chu MZP Hqrs.:Lunglei chuan pawi a tiin, H&TE Department chu tun aia Mizoram Engineering College ngai pawimawh a ngaihsak turin a ngen nghal bawk a ni.

H&TE Minister Dr. Vanlalthlana’n Mizoram Engineering College 2026/2027 Academic session-a tan tura alo puan tawh chu tun dinhmunah Mizoram Engineering College hmunah hian tan theih a ni dawn lovin a lang a, ruahmanna felfai zawk nena Engineering College hi bul tan vat anih theihna atan hma la turin thuneitute MZP Hqrs.:Lunglei chuan a ngen a, Mizoram Engineering College chu tan vat anih theihna atan MZP Hqrs.:Lunglei chuan hnathawh kal mekte chu a vil zui zel dawn a ni.

MIZORAM ENGINEERING COLLEGE

Mizo Zirlai Pawl Headquarters:Lunglei chuan vawiin ni 14 July, 2026 (Thawhlehni) hian Mizoram Engineering College, Pukpui-a mi chu tlawh in, hmathawh kal mekte enfiahna hun an nei a, Mizoram Engineering College hnathawh enfiahna ah hian PHE, PWD leh P&E Department hotute an telpui bawk a ni.