Aizawl | July 23, 2026: Mizoram Govt. Adhoc-Aided High School Teachers’ Association (MIGAHTA) chuan Provincialise phuta sorkar an nawr mek laiin, School dinhmun hniam zawka dahna The Mizoram Education (Lumpsum Grants-in-Aid for General Maintenance of Private School) Rules, 2026 chu sorkarin thawhlehni khan a tihchhuah hnan avangin vawiin khan he Rules thar hi Mizoram hmun hrang hranga Adhoc High School 80 chuangah an hal.
MIGAHTA thuchhuah tarlan danin, "Adhoc High School te hi kum 30 kaltaa khawtlangin sorkar school an neih beiseia harsatna tam tak kara an din a ni hlawm a. Kum 2003 ah Lump-sum-grant in-Aid dinhmuna dah niin, kum 2008-ah Adhoc-grant-in-aid ah dah an ni leh a. Adoc statusah pawh kum 18 zet an awm hnuah; dinhmun hniam zawka sorkarin min dah a tumna Rules hi kan pawm thei ngai dawn lova, a tawp thlengin an dodal dawn thu an tarlang.
MIGAHTA chuan, "He Rules tharah hian zirtirtu thawk laite chu dinhmun tha zawka dahin, sorkar hnathawk nghet ang chiaha hlawh pek kan ni dawn a, a thawk laite chu kan dinhmun a tha dawn hle a ni. Amaherawhchu, khawtlangin harsa taka a din school te hi sorkar school ni thei tawh ngai lo tura indan pinna leh khawpuia zirna tha zawk pan ve theilo thingtlang naupang ten tunlai thiamna hrang hrang hmanga thuam sorkar school-in a neih angte an chhawr pha ve lo tur hi a pawi kan tihpui tak zet a," an ti,
"Tin, tuna thawk mekte kan Retire hunah kan aiawh tur zirtirtu chu hlawh tlemte hmanga lak an ni tawh tur hi zirtirtu dinhmun dahhniamnaah kan ngai a, thalai lehkhathiam, hna zawng mekte beidawnna siamtu a ni tur hi kan duh lova, kan dodal zel dawn a ni. He Rules hi a taka hman a nih chuan hna tha zawk zawng paha inhlawhnaah zirtirtu dinhmun hi a awm tawh dawn avangin a bik takin thingtlang lam zirna hi nasa takin a sawp chhe dawn bawk a ni.
Sorkara kan thil phutte tihhlawhtlin a nih theih nan vawiin hian Mizoram hmun hrang hranga Adhoc High School 80 chuangah ‘No Teaching Day’ kan hmanga, sorkar atanga thu lawmawm kan hriat loh chuan naktukah pawh ‘No Teaching Day’ hi kan hman chhunzawm leh anga, July 27&28ah Mass casual leave lain, Jul 29-30 ah Aizawlah Sit-in Demonstration kan nei bawk bawk ang. He ti chung pawha sorkar kan ko ei zo lo a nih chuan na zawka sorkar nawr dan tur pawh kan ruahman fel vek tawh a ni.
Sorkara kan thil phut hrang hrangte a hlawhtlin theih na tura kan hmalaknaah hun eng emaw tichhung chu zirna a khaihlak a nih pawhin a tuartu zirlaite leh nu leh pa, hawtlang hriatthiamna kan ngen a. Heng kan hmalaknate hi khawtlang school dinhmun tlahniam tur venna leh thangthar hna zawng mekte hmakhua a ni tih min hriat sak turin kan ngen a ni," tiin an thuchhuah hian a tarlang bawk.
MIZORAM GOVT ADHOC AIDED HIGH SCHOOL TEACHERS’ ASSCOCIATION (MIGAHTA) CHUAN RULES THAR HALIN, SORKAR LAKA KAN LUNGAWIH LOHNA KAN CHHUNZAWM.
Mizoram Govt. Adhoc-Aided High School Teachers’ Association (MIGAHTA) chuan Provincialised phuta sorkar kan nawr mek lain, School dinhmun hniam zawka dahna The Mizoram Education (Lumpsum Grants-in-Aid for General Maintenance of Private School) Rules, 2026 chu sorkarin thawhlehni khan min tihchhuah hnan avangin vawiin Dt.23.07.2026(Ningani) hian he Rules thar hi Mizoram hmun hrang hranga Adhoc High School 80 chuangah kan hal.
Adhoc High School te hi kum 30 kaltaa khawtlangin sorkar school an neih beiseia harsatna tam tak kara an din a ni hlawm a. Kum 2003 ah Lump-sum-grant in-Aid dinhmuna dah niin, kum 2008-ah Adhoc-grant-in-aid ah dah kan ni leh a. Adoc statusah pawh kum 18 zet kan awm hnuah; dinhmun hniam zawka sorkarin min dah a tumna Rules hi kan pawm thei ngai dawn lova, a tawp thlengin kan dodal dawn a ni.
He Rules tharah hian zirtirtu thawk laite chu dinhmun tha zawka dahin, sorkar hnathawk nghet ang chiaha hlawh pek kan ni dawn a, a thawk laite chu kan dinhmun a tha dawn hle a ni. Amaherawhchu, khawtlangin harsa taka a din school te hi sorkar school ni thei tawh ngai lo tura indan pinna leh khawpuia zirna tha zawk pan ve theilo thingtlang naupang ten tunlai thiamna hrang hrang hmanga thuam sorkar school-in a neih angte an chhawr pha ve lo tur hi a pawi kan tihpui tak zet a.
Tin, tuna thawk mekte kan Retire hunah kan aiawh tur zirtirtu chu hlawh tlemte hmanga lak an ni tawh tur hi zirtirtu dinhmun dahhniamnaah kan ngai a, thalai lehkhathiam, hna zawng mekte beidawnna siamtu a ni tur hi kan duh lova, kan dodal zel dawn a ni. He Rules hi a taka hman a nih chuan hna tha zawk zawng paha inhlawhnaah zirtirtu dinhmun hi a awm tawh dawn avangin a bik takin thingtlang lam zirna hi nasa takin a sawp chhe dawn bawk a ni.
Sorkara kan thil phutte tihhlawhtlin a nih theih nan vawiin hian Mizoram hmun hrang hranga Adhoc High School 80 chuangah ‘No Teaching Day’ kan hmanga, sorkar atanga thu lawmawm kan hriat loh chuan naktukah pawh ‘No Teaching Day’ hi kan hman chhunzawm leh anga, July 27&28ah Mass casual leave lain, Jul 29-30 ah Aizawlah Sit-in Demonstration kan nei bawk bawk ang. He ti chung pawha sorkar kan ko ei zo lo a nih chuan na zawka sorkar nawr dan tur pawh kan ruahman fel vek tawh a ni.
Sorkara kan thil phut hrang hrangte a hlawhtlin theih na tura kan hmalaknaah hun eng emaw tichhung chu zirna a khaihlak a nih pawhin a tuartu zirlaite leh nu leh pa, hawtlang hriatthiamna kan ngen a. Heng kan hmalaknate hi khawtlang school dinhmun tlahniam tur venna leh thangthar hna zawng mekte hmakhua a ni tih min hriat sak turin kan ngen a ni.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Sawrkar hian zirna a kalpui tum dan hi hmasawn zawng aiin a let/hniam zawnga kalpuina a ang riau mai. Heng hi a tha viau anih chuan givt school te thiatin heng ah hian dah vek mai awm a nia.
ReplyDeleteA tuartu tan chuan a na ngaih ngaih khawp mai.
ReplyDeleteKhawpui ah govt school a dah belh a thingtlang ah govt school a dah duh lo a ni ber mai.. Thingtlang lam in rahbehna diktak
ReplyDeletePost a Comment
He post chungchanga i ngaihdan lo sawi ve rawh: