Manipal Hospital Broadway-in chuap natna enkawl dan zirtirna pe

Aizawl | July 1, 2026: Manipal Hospital Broadway chuan National Doctor’s Day pualin Mizoramah chuap natna enkawl dan hrang hrang zirtirna an pe.

National Doctors’ Day pualin Manipal Hospitals Broadway chuan vawiin khan Aizawl Press Club ah Chuap natna enkawl dan hrang hrang leh natna inven dan an sawi a, Chanchinbumite nen inkawmin Mizoram nena thawhho dan tur hrang hrang an sawi a ni.

Dr Debraj Jash, HOD – Pulmonology, Manipal Hospital EM Bypass & Salt Lake Cluster (Broadway + Salt Lake chuan Chuap natna chu fur ah a awm duh tih sawiin hetiang kawnga invenna ṭha a awm theih nan enkawlna ṭha a pawimawh thu a sawi a, Chuap natna chu Fur ah natna tlanglawn anih thu sawiin enkawl vat a pawimawh thu a sawi.

Dr Debraj Jash chuan Fur ah natna hrang hrang pneumonia, bronchitis, and fungal infections a awm duh tih sawiin asthma, COPD, allergies te chu natna tlanglawn anih thu a sawi a, enkawlna ṭha zawk pe turin Manipal Hospital an inhawng reng tih a sawi bawk.

Manipal Hospital-a enkawl Lalhmingliani chuan enkawlna a dawn dan chungchang sawiin Aizawl ah hun rei tak enkawl anih hnuah Manipal Hospital ah referred ani tih sawiin Dr. Debraj Jash an a enkawl hnu kar khatah danglamna a hmu a ti a, thawk lama harsatna a neih ṭhin chu a a bo tih sawiin hlawhtling takin a in enkawl a ti a ni.

Manipal Hospital hian Mizo damlo tam tak enkawl tawhin Cancer natna vei tam tak a enkawl tawh a, Mizoram sawrkarin damlo te tana a duan MUHCS nena thlunzawm niin an damdawiin kaltlangin a thlawnin damlo enkawl theih an ni a, Kolkata bakah India rama khawpui hrang hrangah a awm bawk a ni.