Aizawl | July 28, 2026: Lunglei Municipal Council (LMC) leh Mizo Zirlai Pawl (MZP) Headquarters, Lunglei tangkawpin an buatsaih ‘Zirna Inpui’ chu vawiin chawhnu dar 2 khan MZP Pisa Venglaiah hawn a ni.
He hun hi MZP Hqrs Lunglei Vice President C Lalsiamthara chuan kaihruaiin, MZP Hqrs. Lunglei President H Lalhmingmawia chuan thu a sawi a, zirlaite runah ‘Zirna Inpui’ a awm tur chu a inhmeh thu leh Zirna Inpui kaltlang hian zirlai tam zawkten an hlawkpui ngei a beisei thu a sawi a ni.
LMC Chairman K Lalzuithanga chuan ‘Zirna Inpui’ hawnna hun neiin MZP chuan zirlaite an hmangaih tak tak tih a hmuhin MZP nena thawh ho zel a phurawm thu a sawi a, zirlaite tana an hmalakna zawng zawng an puan lan loh avangin mipui nawlpuite’n MZP chu an dem thin thu leh a demtute chuan MZP an hriat chian tawk loh vang a nih thu a sawi a. ‘Zirna Inpui’ chu LMC kal tlanga zirlaite tanpuina atana duan anih thu leh zirlai hrang hrang dinhmun inanglo tak tak an awm a, zirlai harsa zawkte tana hman tangkai theih tura Zirna Inpui hi kalpui anih thu a sawi bawk a ni.
LMC Chairman chuan zirlaite chu hlawhtlin tum tak tak a an zirna kawngah bei turin a fuih a, Zirna Inpui chu hlawhtlin tum tlatte puihna hmun tur anih thu leh zirlaite chu hruaitu Pathian hre reng chunga kal chho tur leh harsatna an tawh chang pawha hneh theih tuma bei zel turin a fuih bawk a ni.
LMC Vice Chairman K Lalrinawma chuan thu sawiin, ‘Zirna Inpui’ chu LMC-in zirlaite tana tangkaina a neih theihna kawnga hmalakna anih thu a tarlang a, hei aia changtlung zawka hmalak chhunzawm zel tura ruahman a nih thu a sawi a. Tun hnaia khawvel hmun hrang hranga Gen-Z hmalaknain a tha zawng leh a chhe zawnga nasa tak a nghawng a neih thu sawiin Mizo thalaite chu social media lama kan thil hmuh ang anga chet lak ngawt chi anih loh thu leh kan aia u zawkte leh kan nu leh pate ngaichang chunga chet a ngaih thu sawiin, kan phurna chu hmang fuh a ngaihtuahna fim hmang zel turin zirlaite chu a fuih bawk a ni.
‘Zirna Inpui’ hawnna hunah hian college zirlaite aiawh atangin thusawi ngaihthlak a ni a, zirlaite atang hian MZP pawimawhna leh zirlaite tana innghahna tlak an nih thute, Zirna Inpui MZP Pisa-a buatsaih a ni chu lawmawm an tih thu an sawi a ni.
Zirna Inpui hi LMC-in sum mamawh an thawh a, MZP in hmun thawhin, a takin an lo kalpui dawn a ni. ‘Zirna Inpui’ hawnna programme-ah hian Lunglei Municipal Council chuan zirlaite mamawh hrang hrang computer set - 2, photo copy / xerox khawl leh A4 paper box - 2 MZP Hqrs Lunglei kutah an hlan a ni.
.jpeg)
MIZO ZIRLAI PAWL HEADQUARTERS: LUNGLEI PRESS RELEASE
PR.No.6 of 2026-2028
ZIRNA INPUI HAWN
Vawiin ni 28 July, 2026 (Thawhlehni) chawhnu dar 2:00 hian MZP Pisa Venglaiah Lunglei Municipal Council leh Mizo Zirlai Pawl Headquarters:Lunglei tangkawpin ‘Zirna Inpui’ hawnna hun buatsaih a ni a. He hun hi Pu C. Lalsiamthara Vice President MZP Hqrs.:Lunglei chuan kaihruaiin, pawl aiawhin Pu H. Lalhmingmawia President MZP Hqrs.:Lunglei chuan thu a sawi a, zirlaite runah ‘Zirna Inpui’ a awm tur chu a inhmeh thu leh Zirna Inpui kaltlang hian zirlai tam zawkten an hlawkpui ngei a beisei thu a sawi a ni.
LMC Chairman Pu K. Lalzuithanga chuan ‘Zirna Inpui’ hawnna hun neiin MZP chuan zirlaite an hmangaih tak tak tih a hmuhin MZP nena thawh ho zel a phurawm thu a sawi a, zirlaite tana an hmalakna zawng zawng an puan lan loh avangin mipui nawlpuite’n MZP chu an dem thin thu leh a demtute chuan MZP an hriat chian tawk loh vang anih thu a sawi a. ‘Zirna Inpui’ chu LMC kal tlanga zirlaite tanpuina atana duan anih thu leh zirlai hrang hrang dinhmun inanglo tak tak an awm a, zirlai harsa zawkte tana hman tangkai theih tura Zirna Inpui hi kalpui anih thu a sawi bawk a ni.
LMC Chairman chuan zirlaite chu hlawhtlin tum tak tak a an zirna kawngah bei turin a fuih a, Zirna Inpui chu hlawhtlin tum tlatte puihna hmun tur anih thu leh zirlaite chu hruaitu Pathian hre reng chunga kal chho tur leh harsatna an tawh chang pawha hneh theih tuma bei zel turin a fuih bawk a ni.
LMC Vice Chairman Pu K. Lalrinawma chuan thu sawiin, ‘Zirna Inpui’ chu LMC-in zirlaite tana tangkaina a neih theihna kawnga hmalakna anih thu a tarlang a, hei aia changtlung zawka hmalak chhunzawm zel tura ruahman anih thu a sawi a. Tun hnaia khawvel hmun hrang hranga Gen-Z hmalaknain a tha zawng leh a chhe zawnga nasa tak a nghawng a neih thu sawiin Mizo thalaite chu social media lama kan thil hmuh ang anga chet lak ngawt chi anih loh thu leh kan aia u zawkte leh kan nu leh pate ngaichang chunga chet a ngaih thu sawiin, kan phurna chu hmang fuh a ngaihtuahna fim hmang zel turin zirlaite chu a fuih bawk a ni.
‘Zirna Inpui’ hawnna hunah hian college zirlaite aiawh atangin thusawi ngaihthlak a ni a, zirlaite atang hian MZP pawimawhna leh zirlaite tana innghahna tlak an nih thute, Zirna Inpui MZP Pisa-a buatsaih ani chu lawmawm an tih thu an sawi a ni.
‘Zirna Inpui’ hawnna programme-ah hian Lunglei Municipal Council chuan zirlaite mamawh hrang hrang computer set-2, photo copy/xerox khawl leh A4 paper box-2 MZP Hqrs.:Lunglei kutah an hlan a ni.
Dated Lunglei the 28th July, 2026
Issued by-Mizo Zirlai Pawl Headquarters:Lunglei
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: