"Kum 2026 - 27 chhungin Financial Assistance to states / UTs for public health infrastructure (FASPHI) atangin Rs. 120 Crore kan hmu dawn,"

Aizawl | July 27, 2026: Chief Minister Lalduhoma chuan vawiin khan Zoram Medical College and Hospital (ZMC&H) Falkawn a tlawh a, Health Minister Lalrinpuii leh Adviser to CM TBC Lalvenchhunga ten an tawiawm.

Thusawiin Chief Minister chuan, “16th Finance Commission hun chhung hian sorkar laipui chuan Financial Assistance to states/UTs for public health infrastructure (FASPHI) scheme a kalpui dawn a. Kum 2026-27 chhung atan Rs. 4200 crore a dah hrang a, Mizoram chuan Rs. 120 Crore kan chang ve dawn a ni.

He scheme-ah hian indicator – 4 (pali) – (1) Infant mortality rate (IMR), (2) Maternal mortality ratio (MMR), (3) Tuberculosis mortality rate (TB-MR), leh (4) damdawiin (sub-centre te tiamin) National quality assurance standards (NQAS) certify zat – te hmanga state hrang hrang ten lawmman an dawn tur hi chhut a ni a.

Mizoramin lawmman (incentive) kan dawnna indicators te chu – IMR leh NQAS certified damdawiin neih tam (percentage of health facilities that are NQAS certified) te an ni a. IMR hi 2023 ah 13(naupiang 1000 zela 13 thi) niin 2024 ah 12 a tlakhniam avangin Rs. 20 crore incentive dawn a ni a.

NQAS certified damdawiin te hi 2024-25 atanga 2025-26 a a punna hi 21.07% a nih avangin Rs. 100 crore incentive dawn a ni a. Hei hi a dawn theih sang ber a ni.

Ministry of Health & Family Welfare (MoHFW) atangin kan claim tur zat hi min rawn hrilh tawh a. Rs. 120.00 crores man hu project proposal thehluh tawh niin MoHFW hian min pawmsak tawh a ni. MoHFW hian July thla ral hmain proposal-te hi Ministry of Finance ah a thehlut dawn a ni”, a ti.

He Scheme atanga Mizorama hnathawh tur project approve tawhte a tarlang nghal a, chungte chu:

1. Upgradation of Sakawrdai non-first referral unit (non-FRU) - community health centre (CHC) to a FRU-CHC, Project Cost Rs. 20,43,97,000.00

2. Upgradation of Kawrthah non-first referral unit (non-FRU)- community health centre (CHC) to a FRU-CHC, Project Cost Rs. 20,80,08,000.00

3. Upgradation of West Phaileng non-first referral unit (non-FRU)- community health centre (CHC) to a FRU-CHC, Rs. 20,80,08,000.00

4. Upgradation of Bungtlang South non-first referral unit (non-FRU)- community health centre (CHC) to a FRU-CHC, Project Cost Rs. 21,53,37,000.00

5. Establishment of Infectious Diseases Ward at Lunglei District Hospital, Project cost Rs. 3,82,45,100.00

6. Establishment of Infectious Diseases Ward & Tuberculosis Treatment Unit at Kulikawn Sub-District Hospital, Aizawl, Project Cost Rs. 6,36,42,400.00

7. Establishment of Infectious Diseases Ward at Lawngtlai District Hospital, Project Cost Rs. 3,84,55,205.00

8. Procurement of equipment for strengthening of Tuberculosis diagnosis in Mizoram, Project Cost Rs. 1,54,20,000.00

9. Equipment for Maternal & Child Care at various levels of health facilities, Project cost Rs. 20,84,87,295.00

an ni.

Chief Minister chuan, hnathawh that vanga lawmman (incentive) kan dawng thin hi a lawmawm a, hmalakna tur dik taka kut kan thlak thinzia tilangtu a ni a, a chhuanawm a ni, tiin Health Minister Pi Lalrinpuii leh H&FW Department-a a thawktute chungah lawmthu a sawi a ni. Chief Minister hian ZMC & H hmunhmate a fang a, an mamawh hrang hrangte a hmunah a enpui nghal a ni.

ZMC &H ah hian tunah hian zirlai zawng zawng hi 494 an awm mek a, intern ti lai 97 an awm a ni. Kum 2025 - 26 Academic Year bikah MBBS zirlai 100 a nei a, an zinga 70 hi state quota a ni a, 15 hi All India quota a ni a, a dang 15 te hi Non - Resident Indian quota a ni. National Medical Commission chuan Post Graduate zirna seat 10 a rawn phalsak a.

Master of Public Health zirna hi kum 2024 khan an hawng tawh bawk a, tunah hian zirlai 8 an awm mek.

ZMC & H ah hian MCON, RIPANS leh Pharmacy College hrang hrang atangin Nurse leh Laboratory Technician zirlaiten Internship leh clinical posting programme an nei reng thin.

Department pariat: Blood Bank, Accident & Emergency, General Administration, Labour Room, Maternity OT, Paediatrics OPD, Paediatrics Ward leh SNCU ten NQAS National Certificate an hmu tawh a ni.

Tun kum hnih leh a chanve chhungin Cabin hi a thar 30 siam belh niin Cabin hi a vaiin khum 40 a awm tawh a. ICU pawh hi hemi hun chhung vek hian a thar 13 siam belh niin a vaiin ICU hi 26 a awm a ni. ZMC & H ah hian kum 519 a awm a, Mizorama Hospital lian ber a ni.