Aizawl | July 15, 2026: Mizoram chhunga Rel hmanga Car Dealer Car chah lut thei awm chhun GIG Motors chuan vawiin khan Car 125 Rel hmangin a ti thleng leh ta.
Rel hian Wagon 25 hnukin, Mizoram bik atan chuan Wagon 25 khat a nih loh chuan Rel hian motor a rawn phur lut theilo tluk a ni. Wagon 1 zelah hian Car 5 zel rawn phurh thin niin, Wagon 25 X 5 chu Car 125 tihna a ni.
GIG Motors chuan December 10, 2025 khan a vawikhat nan Rel hmangin Car 119 a ti thleng a, hemi tum hian 125 a tlin theihlohna chhan chu helam an unload na tur hmanrua motor tlan thlakna tur te an rawn thawn tel vang a ni. Hemi hnu hian April 30, 2026 khan Car 70 ti thleng lehin, May 21, 2026 ah Car 50, June 19, 2026 ah Car 115 leh July 11, 2026 ah Car 125 rawn thawn chhuah niin, kalkawngah tih khawtlai hret a nih avangin vawiin July 15, 2026 khan car 125 te hi hlan thlak fel chauh a ni.
Rel lo luh hnu hian GIG Motors chuan rel hmangin Car 479 lai a la lut tawh a ni.
Car 125 tling chiah lo awm te hi chu Silchar a Maruti Suzuki Dealer te nena an rawn kawp vang a ni.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: