Aizawl | June 8, 2026: Mizoram Pradesh Congress Committee (MPCC) chuan vawiin khan Bhavan-ah Political Session an nei a, he hunah hian James Thanghmingmawia, Chairman, Environment Protection & Social Justice Cell chuan thu sawiin "ZPM te hi an sawrkar hma a, an thutiam an tihhlawhtlin loh zia leh an sawi letling hlauha an kal dan hi a makin a vanduai thlak hle a ni." a ti.
24 October 2023 khan ZPM MLA candidate te chu a huhoa thutiam lak tir an ni a, chuta an thutiam rual chu, "Chhung leh khat, mahni mi leh sa leh midang tute pawh duhsak bikna lak ah ka in thiar fihlim ang" tih a ni a. Minister zahawm tak Pu K Sapdanga hian an sawrkar hma 7 August 2023 khan ZPM hi thuneia mipui ten an siam chuan contract hna chu contractor in an thawk leh ang, tiin a sawi bawk a ni. An sawrkar hma a, an thutiam leh an thusawi ka han tarlan chhun te mai pawh hi an tihhlawhtlin loh zia leh an sawi letling hlauh a an kal dan hi a makin a vanduai thlak hle a ni.
Chhung leh khat, mahni mi leh sa leh midang tu pawh duhsak bikna lak a inthiar fihlim tur ang a Zoram mipui laka thutiam sawi rual tute khan, duhsak bik te hnen a contract hna an pek theih nan sawrkar lo awm tawh zawng zawng ten an la tih ngai miah loh ang in 6 June 2024 a Council of Minister thukhawm chuan contract tender chhanna chu 5% below leh 10% above a chhan khapna a pawmta hmiah mai a, chu Council of ministers thurel bawhzui nan chuan 15 July 2024 khan he khapna hi Commissioner & Secretary to Govt of Mizoram, Finance Dept.in notification a chhuah ta a ni.
Hetiang anga duhsak bik ten contract hna duh tawka in pekna tur hian tu sawrkar mah in council of Minister meeting-ah an la rel ngai lo reng reng a ni. Hetiang ang khapna hi MNF sawrkar hmasa khan 24 August 2007 khan PWD Secretary hmingin an lo siam tawh a, he order hi Congress sawrkar khan tha lo tiin kum 2013 khan kan sut ta a ni. Tuna ZPM sawrkar hian chu kalphung tha lo tak fair compettition nuai bo a, duhsak zawng te contract hna duh tawka inpek theihna chu rawn thar thawh leh a, an mi leh sa leh an chhungte vulh an tum ta a ni.
He khapna ZPM sawrkarin a siam leh hi kan ram tan a that lo em a vangin Pu Ruata Sailo chuan High Court ah khingin High Court chuan 20 May 2026 khan he khapna hi a ti tawp lai lawk ta a, chu mi a vang chuan 26 May 2026 khan a hmaa an order tih tawp lai lawkna tur order an siam ve ta chuk chuk a ni. HC order vang ni ngeia ngaih turin Home deptt. a hna tender chhuah tawh thenkhat chu cancelled a ni nghe nghe a ni.
ZPM te hian an sawrkar hma khan Restricted Tender hi an sawisel nasa in Pu Lalduhawma phei chuan Assembly House ah te khan nasa takin a dodal thin a. 24 August 2023 a ZPM campaign kick off na ah phei chuan Restricted Tender an tih ve loh ringawt hian kan sum dinhmun chu nasa takin a siam tha nghal ang, tiin a sawi a nih kha, an han sawrkar ta cheng a, sawrkar kal tawh te zawng zawng ai a uchuak in Restricted Tender hi an uar ta zawk a, contract chu contractor in an thawk ang ti a an sawi te chuan awmzia a awm lovin, an thusawi letling hlauhin an kal ta bawrh bawrh mai a ni. Dt.17.04.2024 khan ZPM sawrkar hian hna hrang hrang 76, cheng vaibelchhe 629.17 man chu a hlawmin Restricted Tender blanket Approval in an duhsak zawng te an pe vek a. Dt.22.10.2025 khan hna chi hrang hrang 41,cheng vaibelchhe 328 man lai chu Restricted blanket Approval tho vin an duhsak bik te an pe leh vek bawk a ni.
Social Welfare, Women & Child Development Dept.hnuai ah Dt 18.09.2025 khan SC Hostel pathum a vaiin cheng vaibelchhe 150.97 man chu Restricted Tender hmang a duhsak zawng te pek a ni bawk.
Tourism Dept-in Swedesh Darshan hnuaia an project hmuh Heritage and Cultural Centre, Champhai, cheng nuai 3885.45 leh Eco-Resort Experience at Keilungliah, Champhai, cheng nuai 3387.25 lai man chu Restricted Tender hmangin an duhsak zawng te pek a ni bawk. Keilungliah tuikhuah phei khi chu Congress sawrkar hma lakna liau liau a khuah a ni a, PHE dept. hnuai atanga hmalak niin October 2018 ah tuikhuahna tur lungphum niin Rs 1988 lakhs dah niin kan sawrkar khan kan khawih chhunzawm hman ta lo a ni. Keilungliah Eco-Resort hna khi Joint venture P&V Eastern Engineers and its Associates te pek an ni a, he company hi Champhai North ZPM MLA Pu Ginzalala ta ni a sawi a ni nghe nghe. Tuna Keilungliah tuikhuah a dah tur a House Boat chuan sawi a hlawh hle a nuai 50 tur nia sawi niin a man nen a in phu lo hle in mitta hmutu ten an ngai a ni.
ZPM te hian thuneihna duh vang mai maiin thil tha an lo sawi mai niin a lang. Midang aia tha zawka inzuar te hi an that zawkna hmuhtur a awm lo va, midang te aiin an 'over' zawk a ni.
MPCC Political Session hi Golden Hall, Congress Bhavan ah neih niin Zolawmi, General Secretary, MPCC chuan a kaihruai a ni.
MPCC/Media/PR-2026/35
Dated: Aizawl, June 8, 2026
PRESS RELEASE
Vawiin June 8, 2026 Thawhtanni hian Mizoram Pradesh Congress Committee chuan Bhavan-ah Political Session kan nei a, he hunah hian James Thanghmingmawia, Chairman, Environment Protection & Social Justice Cell chuan thu sawiin "ZPM te hi an sawrkar hma a, an thutiam an tihhlawhtlin loh zia leh an sawi letling hlauha an kal dan hi a makin a vanduai thlak hle a ni." a ti.
24 October 2023 khan ZPM MLA candidate te chu a huhoa thutiam lak tir an ni a, chuta an thutiam rual chu, "Chhung leh khat, mahni mi leh sa leh midang tute pawh duhsak bikna lak ah ka in thiar fihlim ang" tih a ni a. Minister zahawm tak Pu K.Sapdanga hian an sawrkar hma 7 August 2023 khan ZPM hi thuneia mipui ten an siam chuan contract hna chu contractor in an thawk leh ang, tiin a sawi bawk a ni. An sawrkar hma a, an thutiam leh an thusawi ka han tarlan chhun te mai pawh hi an tihhlawhtlin loh zia leh an sawi letling hlauh a an kal dan hi a makin a vanduai thlak hle a ni.
Chhung leh khat, mahni mi leh sa leh midang tu pawh duhsak bikna lak a inthiar fihlim tur ang a Zoram mipui laka thutiam sawi rual tute khan, duhsak bik te hnen a contract hna an pek theih nan sawrkar lo awm tawh zawng zawng ten an la tih ngai miah loh ang in 6 June 2024 a Council of Minister thukhawm chuan contract tender chhanna chu 5% below leh 10% above a chhan khapna a pawmta hmiah mai a, chu Council of ministers thurel bawhzui nan chuan 15 July 2024 khan he khapna hi Commissioner & Secretary to Govt of Mizoram, Finance Dept.in notification a chhuah ta a ni.
Hetiang anga duhsak bik ten contract hna duh tawka in pekna tur hian tu sawrkar mah in council of Minister meeting-ah an la rel ngai lo reng reng a ni. Hetiang ang khapna hi MNF sawrkar hmasa khan 24 August 2007 khan PWD Secretary hmingin an lo siam tawh a, he order hi Congress sawrkar khan tha lo tiin kum 2013 khan kan sut ta a ni. Tuna ZPM sawrkar hian chu kalphung tha lo tak fair compettition nuai bo a, duhsak zawng te contract hna duh tawka inpek theihna chu rawn thar thawh leh a, an mi leh sa leh an chhungte vulh an tum ta a ni.
He khapna ZPM sawrkarin a siam leh hi kan ram tan a that lo em a vangin Pu Ruata Sailo chuan High Court ah khingin High Court chuan 20 May 2026 khan he khapna hi a ti tawp lai lawk ta a, chu mi a vang chuan 26 May 2026 khan a hmaa an order tih tawp lai lawkna tur order an siam ve ta chuk chuk a ni. HC order vang ni ngeia ngaih turin Home deptt. a hna tender chhuah tawh thenkhat chu cancelled a ni nghe nghe a ni.
ZPM te hian an sawrkar hma khan Restricted Tender hi an sawisel nasa in Pu Lalduhawma phei chuan Assembly House ah te khan nasa takin a dodal thin a. 24 August 2023 a ZPM campaign kick off na ah phei chuan Restricted Tender an tih ve loh ringawt hian kan sum dinhmun chu nasa takin a siam tha nghal ang, tiin a sawi a nih kha, an han sawrkar ta cheng a, sawrkar kal tawh te zawng zawng ai a uchuak in Restricted Tender hi an uar ta zawk a, contract chu contractor in an thawk ang ti a an sawi te chuan awmzia a awm lovin, an thusawi letling hlauhin an kal ta bawrh bawrh mai a ni. Dt.17.04.2024 khan ZPM sawrkar hian hna hrang hrang 76, cheng vaibelchhe 629.17 man chu a hlawmin Restricted Tender blanket Approval in an duhsak zawng te an pe vek a. Dt.22.10.2025 khan hna chi hrang hrang 41,cheng vaibelchhe 328 man lai chu Restricted blanket Approval tho vin an duhsak bik te an pe leh vek bawk a ni.
Social Welfare, Women & Child Development Dept.hnuai ah Dt 18.09.2025 khan SC Hostel pathum a vaiin cheng vaibelchhe 150.97 man chu Restricted Tender hmang a duhsak zawng te pek a ni bawk.
Tourism Dept.in Swedesh Darshan hnuaia an project hmuh Heritage and Cultural Centre, Champhai, cheng nuai 3885.45 leh Eco-Resort Experience at Keilungliah, Champhai, cheng nuai 3387.25 lai man chu Restricted Tender hmangin an duhsak zawng te pek a ni bawk. Keilungliah tuikhuah phei khi chu Congress sawrkar hma lakna liau liau a khuah a ni a, PHE dept. hnuai atanga hmalak niin October 2018 ah tuikhuahna tur lungphum niin Rs 1988 lakhs dah niin kan sawrkar khan kan khawih chhunzawm hman ta lo a ni. Keilungliah Eco-Resort hna khi Joint venture P&V Eastern Engineers and its Associates te pek an ni a, he company hi Champhai North ZPM MLA Pu Ginzalala ta ni a sawi a ni nghe nghe. Tuna Keilungliah tuikhuah a dah tur a House Boat chuan sawi a hlawh hle a nuai 50 tur nia sawi niin a man nen a in phu lo hle in mitta hmutu ten an ngai a ni.
ZPM te hian thuneihna duh vang mai maiin thil tha an lo sawi mai niin a lang. Midang aia tha zawka inzuar te hi an that zawkna hmuhtur a awm lo va, midang te aiin an 'over' zawk a ni.
MPCC Political Session hi Golden Hall, Congress Bhavan ah neih niin Zolawmi, General Secretary, MPCC chuan a kaihruai a ni.
Sd/-
(Peter Vanropuia)
Media Department
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: