Aizawl | June 17, 2026: Mizoram Pradesh Congress Committee chuan, vawiin khan thukhawmin, Member of Parliament (Rajya Sabha) member thlanna neih turah Congress party chuan Congress MLA neihin vote thlak lovin hai mai se an ti.
MPCC MLA neihchhun, lawngtlai west bialtu MLA C Ngunlianchunga chuan vote thlak lovin a 'hai' dawn a ni.
Hemi chungchangah hian MPCC chuan, ""MNF te hi rorel lai ZPM party te ang thova kan ram, kan hnam, kan sakhua himna atana hlauhawm BJP nena puan inzarzawm te tho an ni a, Parliament-ah BJP te thlawp tur tho an nih avangin an candidate vote pui chu BJP te thlawpna tluk a nih avangin Congress party chuan kan vote pui thei lo a ni," an ti.
Vawiin June 17, 2026 Nilaini hian Mizoram Pradesh Congress Committee a thuneitu sang PAC thukhawm chuan Member of Parliament (Rajya Sabha) member tur thlanna neih tur chungchang a ngaihtuah a. Mizo National Front (MNF) party atangin an candidate vote pui tura sawmna zahawm tak an dawn te pawh uluk taka ngaihtuah a ni.
MPCC/Media/PR-2026/38
Dated: Aizawl, June 17, 2026
PRESS RELEASE
Vawiin June 17, 2026 Nilaini hian Mizoram Pradesh Congress Committee a thuneitu sang PAC thukhawm chuan kan hma lawka Member of Parliament (Rajya Sabha) member tur thlanna neih tur chungchang a ngaihtuah a.
Mizo National Front (MNF) party atangin an candidate vote pui tura sawmna zahawm tak kan dawn te pawh uluk taka ngaihtuah a ni a. MNF te hi rorel lai ZPM party te ang thova kan ram, kan hnam, kan sakhua himna atana hlauhawm BJP nena puan inzarzawm te tho an ni a, Parliament-ah BJP te thlawp tur tho an nih avangin an candidate vote pui chu BJP te thlawpna tluk a nih avangin Congress party chuan kan vote pui thei lo a ni.
Hei vang hian kan hma lawka Member of Parliament (Rajya Sabha) member thlanna neih turah Congress party chuan kan MLA neihin vote thlak lovin hai(abstain) mai se kan ti a ni.
Mizoram mipui leh political party te 'Kan ram, kan hnam leh kan sakhua' tana hlauhawm BJP ten thiam taka an aiawt chah (bait) chhungah lut lo turin PAC chuan a ngen a. Kan ram, kan hnam leh sakhua himna atan Congress party chuan theihtawp chhuahin hma a la zel dawn a ni.
Sd/-
(LALREMRUATA)
Secretary
Media Department
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: