NEET Exam nawn tur avangin India-ah June 22 thleng Telegram khap lailawk!

Aizawl | June 17, 2026: NEET Exam nawn tur avangin India-ah Telegram khap lailawk!

National Testing Agency (NTA) ngenna avangin sorkar laipui chuan, June 22 thleng India ramah Telegram a khap lailawk.

Zawhna putru avanga exam tawh an sut leh. hnuin, NEET hi June 21 hian an exam ṭha leh dawn a ni.

June 16 tlai lama sorkar thupek a chhuah hnu lawkah network hrang hrangin telegram hi luh theih loh turin an dang (block) nghal a. Google Play leh Apple App Store-ah pawh he thu buatsaih lai hian hmuh theih a ni tawh lo.

Telegram hi a luh theih a, mahse, engmah thil a thawn thei lova, a dawng thei bawk lo a ni.

Telegram hmanga thu leh thil hrang hrang inthawn darh nasat theih avang leh, group lian tak tak siama thil hrang hrang inthawn theih a nih avangin khap niin sawi a ni.

Tun ṭum hi Ministry of Electronics and Informaton Technology in messaging apps a khap vawikhatna a ni a. Telegram lam chuan. he thutlukna hi New Delhi Court-ah an khing a, hetiang hi danpui (constitution) kalh a ni, an ti.

Telegram hi a lo hmang tawhte phone-ah chuan a la awm reng a, a hman theih loh ringawt a, mahse, VPN (Virtual Private Network) hmang erawh chuan a khawih theih reng a, hemi avang hian VPN hmanga luh tum leh, VPN install an tam phah hle niin EXPLORE MIZORAM thudawnna chuan a sawi.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]