Mamit MLA-in zirnaa hlawhtlingte MLA Proficiency Award hlan

Aizawl | June 4, 2016: Mamit bialtu MLA Er H. Lalzirliana chuan vawin khan a bial chhunga Zirna lama hlawhtlinna changte hnenah MLA Proficiency Award a hlan.

Proficiency Award hlanna inkhawm tawi hian Bialtu MLA Er H Lalzirliana chuan, zirna leh thalaite hmasawnna lamah mamit district chu nasa takin a thang chho ve zel a, khawtlang mipuite leh zirtirtu thahnem ngai tak takte thawhrimna a nih thu a sawi.

Kan ram leh hnam din chhuahna atan zirna leh kan eizawnna te hi Pathian in min pek rawngbawlna a ni tih vawng nung reng turin zirlaite leh Officer tling tharte chu a chah bawk a ni.

Heng mite hnenah hian Bialtu MLA chuan lawmpuina thuziak leh Pawisa fai bakah Lehkhabu a hlan a ni.

MBSE-in HSLC 2026 Result a tih chhuah taka Mamit bial atanga Top 10-a lang thei mi 3:-

• HSLC RANK- 2: Marvin Lalrinenga S/o Aldrin Lalrinsanga, St. Pauls HSS, Lengpui khua.

• HSLC RANK- 3: Frederick Vanlalchhuanga S/o Lalthakima, St Pauls HSS, Mamit Khua

• HSLC Rank- 10: Lallawmzuala S/o Lalbiakthanga Pachuau, Mount Carmel School, Mamit khua.

Mizoram Public Service Commission(MPSC) hnuaia tun hnaia tling thar heng mi pathum hnenah hian chawimawina a hlan bawk a ni.

1. Dr Zohmingmawia, Assistant Professor, Political Science Department, Rawpuichhip

2. Dr Vanlaltanpuia, Assistant Professor, Geography Department, Lengpui

3. Emmanuel Lalrinchhana, Mizoram Engineering Service, Mamit

Tin, heng bakah hian Mamit bialtu MLA chuan MBSE-in HSLC leh HSSLC 2026 Result a tih chhuah taka, a bial chhunga 100% Pass percentage nei thei School 7 hnenah chawimawina a hlan bawk a ni.

1. Govt. Rawpuichhip High School

2. Govt. Mamit Higher Secondary school

3. New Mamit Secondary School

4. Lengpui Secondary School

5. Baptist Mission Higher Sec. School, Damparengpui

6. Tuipuibari Secondary School

7. Synod Home Mission School, Damparengpui.

He inkhawm buatsaiah hian Pu HB Lianmunga chuan hun kaihruaiin, ZoCareer Solutions Director RK Hnuna chuan zirlaite fuihna leh Career Guidance Program a nei bawk a ni.