DP&AR Secretary atan Udit Prakash Rai ruat

Aizawl | June 25, 2026: Mizoram Sorkar chuan vawiim khan order a tichhuak a, DP&AR Secretary chelh mektu Lalthawmmawia chu thlakin Commissioner & Secretary, Disaster Management & Rehabilitation (DM&R) leh Cooperation Department chelh mektu Udit Prakash Rai, IAS AGMUT cadre chu DP&AR Secretary atan a ruat thar.

Udit Prakash Rai hi Delhi leh AGMUT cadre chhunga a hnathawhnaah thubuai leh inquiry hrang hrang nen nei mek a ni a, Central Bureau of Investigation (CBI), Directorate of Enforcement (ED), Delhi Police leh Ministry of Home Affairs (MHA) te'n a chungchang thubuai hrang hrang an lo ngaihtuah tawh a ni.

Udit Prakash Rai thubuai neih hrang hrang te:

1) Udit Prakash Rai hi Delhi Sorkar hnuaia Education Director a nih laiin, Delhi Tamil Education Assistant (DTEA) School hnuaia document lem hmangin mi eng emawzat a la nia hria a ni a, a nupui pawh a tel nghe nghe. CBI in a lakah kum 2025 khan Case an register a, chhui mek a ni.

2) 2025 khan Directorate of Enforcement (ED), Delhi Zonal Office chuan, Pu Udit Prakash, IAS hi Delhi Jal Board CEO a nih laiin, tender document ti danglam a, thamna pawisa Rs 6.73 crores a thawhpuite nen la a puh a ni a, Directorate of Enforcement hian Pu Udit Prakash hi 'Prevention of Money Laundering Act, 2002 hnuaiah thubuai an siamsak mek.

3) Delhi Police-in kum 2023 khan thubuai siamsak in, Pu Udit Prakash Rai hian a Performance Appraisal Report-ah Reporting, Reviewing Authorities te signature a forge nia puh a ni a, Chief Secretary of Delhi leh Andaman & Nicobar-te signature a forge ni a puh a ni. Special Secretary vigilance YVVJ Rajeskhar-a’n FIR a thehluh atanga he thubuai hi intan a ni. PAR report (2017-2021) inkar a thil thleng a ni a, chhui mek a ni.

4) Kum 2024 khan Delhi Lieutenant Governor V.K. Saxena chuan Ministry of Home Affairs ( AGMUT cadre control-tu) hnenah Udit Prakash Rai chungah disciplinary action la turin a thawn a, Vice Chairman, Delhi Agriculture Marketing Board (DAMB) a nih laiin thamna Rs 50 lakhs la a puh a ni.

5) Heritage Structure tihchhia a, ama quarter a sak avangin Ministry of Home Affairs-in alo suspend tawh bawk. Tunah hian Ministry of Home Affairs, Govt. of India-in case hi a kalpui mek a, inquiry a ti mek. IAS Selection Grade (level-14) ni tawh tur a ni a, a case avang hian IAS JAG (Level-12) ah a la awm mek a ni.