Aizawl | June 20, 2026: Food Corporation of India (FCI) chuan, tun dinhmuna Buhfai leh Wheat neih sain, Mizoram thla 4 chhung mamawh a phuhru dawn niin an sawi.
Mizoram chhunga Food Corporation of India (FCI) kudam hrang hranga vawiin thlenga Buhfai leh Wheat- stock awm zat chu Metric Ton (MT) 24,858 niin, Buhfai MT 23,862 leh Wheat MT 996 a ni.
FCI thuneitute tarlan danin, Tun dinhmun a stock awm zat hi a tha hnem tawk hle a, MT 24,858 hian National Food Security Act (NFSA) leh welfare scheme dangte hnuaia Mizoram pum mamawh thla 4 chhung vel chhung a daih a, thlatin atana NFSA leh welfare scheme mamawh zat chu - Rice MT 6,209 leh Wheat MT 123 a ni.
Furpui khaw chhiat huna ei tur supply-ah harsatna tawh loh nan leh stock a awm reng theih nan, surplus region atangin Rel hmangin Buhfai leh Wheat an rawn phur mek a. Hei hi Bairabi rail head (FSD Bualpui, Kolasib leh Bairabi tan) leh Sairang rail head (FSD Sairang, Aizawl, Lunglei leh Lawngtlai tan) kaltlangin a lo thleng thin a ni.
Tin, tun hnaia rail hmang a ruahman sa lo kal tur leh kal mek zat hi MT 20,032 a ni a, hetah hian June leh July 2026 chhunga ruahman rail-ah a tel nghal bawk a. Stock awm mek leh lo thleng tura ruahman sa hi safety buffer norm aiin a thahnem zawk a ni.
FCI chuan Mizoram Sawrkar mamawh belhchhah a neih theih nan Open Market Sale Scheme – Domestic (OMSS-D) hnuaiah e-auction tel lovin Buhfai a pe a, hemi bakah hian, June thla atan Buhfai MT 3,000 chu sem tura ruahman a ni tawh a, chumi tipuitling tur chuan rail rake dang MT 2,600 a chah belh leh a ngaih a rinawm.
FCI chuan ei leh bar lo luh dan hi nitin a thlithlai reng a, a chhek khawlna lam storage facility-te pawh mipuite tan tha taka ei tur a vawn that reng theih nan a tha thei ang berin a enkawl mek a ni.
Food Corporation of India (FCI)
Divisional Office, Aizawl, Mizoram
PRESS RELEASE
Mizoram chhunga FCI godown hrang hranga Buhfai leh Wheat- stock tun dinhmun (20th June 2026) a awm zat chu 24,858 MT a ni a. Chung zinga ah chuan Buhfai – 23,862 MT leh Wheat – 996 MT te an ni.
Furpui khaw chhiat huna ei tur supply naa harsatna a tawh loh nan leh stock a awm reng theih nan, surplus region atang hian Mizoram lamah rail hmangin Buhfai leh wheat an rawn phur mek a. Hei hi Bairabi rail head (FSD Bualpui, Kolasib leh Bairabi tan) leh Sairang railhead (FSD Sairang, Aizawl, Lunglei leh Lawngtlai tan) kaltlangin a lo thleng thin.
Tin, tun hnaia rail hmang a ruahman sa lo kal tur leh kal mek zat hi 20,032 MT a ni a, hetah hian June leh July 2026 chhung a ruahman rail-ah a tel nghal bawk.
Tun dinhmun a stock awm zat hi a tha hnem tawk hle a, 24,858 MT stock hian National Food Security Act (NFSA) leh welfare scheme dangte zoram pum mamawh thla 4 vel chhung a daih a ni.
Thlatin atan a NFSA leh welfare scheme mamawh zat chu:
Rice – 6,209 MT
Wheat – 123 MT
Chuvangin, stock awm mek leh ruahman sa lo kal turte hi safety buffer norm aiin a thahnem zawk a ni.
FCI chuan Mizoram Sawrkar mamawh belhchhah a neih theih nan Open Market Sale Scheme – Domestic (OMSS-D) hnuaiah e-auction tel lovin Buhfai a pe a, hei bakah hian, June thla atan Buhfai 3,000 MT chu sem tur ruahman ni tawh in chu mi ti puitling tur chuan rail rake dang 2,600 MT pawh a chah belh leh a ngaih a rinawm.
FCI chuan ei leh bar lo luh dan hi nitin a thlithlai reng a, a chhek khawlna lam storage facility-te pawh mipuite tana ei tur quality a vawn that reng theih nan a tha thei ang berin a enkawl mek bawk a ni.
Sd-
Divisional Manager
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: