Aizawl | June 20, 2026: Aizawl Mihlun Thlahte Inkhawmpui Lian 'High Council' Aijal Club-ah an hmang a, mi za tel an pungkhum a, Lok Sabha MP Vanlalhmangaiha chuan khuallian niin a hmanpui.
Khuallian Richie-a chuan, Aizawl Mihlun Thlahte pawl a ding chu lawmawm a tih thu leh thlahtute avanga he pawl zahawm taka a tel ve thei chu lawmawm a tih thu a sawi a. Aizawl khawpui chuan hmangaihtu leh neitu thinlung pu mi a mamawh a ti. Aizawl chu rel lo luh hnuah khualzin miten an tlawh nasat lehzual avangin; Aizawla cheng te chu kawng engkima inbuatsaiha, hmasawnna lam hawia ngaihtuahna seng turin a sawm.
High Council hi an pawl Vice Chairman John Rotluangliana Ex-Minister chuan a kaihruai a, an General Secretary Vee Mathara hnen atangin pawl hmalakna chanchin a tarlang a, an member ropuinaa a kaisang mi 31 te hriatrengna hun an hmang. An pawl Chairman K Liantlinga Ex-MLA chuan thuchah a sawi a. An member zinga ram hruaitu atana thlan thar Richard Vanlalhmangaiha MP leh AMC Corporator Dr Lalmalsawma Nghaka te chawimawina thuziak an hlan a, Agenda hrang hrang ngaihtuahin High Council rorelna an nei zui a, MJA General Headquarters kaihhruaiin kum 2026 - 2028 chhunga pawl hruaitu thlanna an nei bawk a. Hruaitu atana an thlan chhuahte chu V Lalnunthara (Mathara), K Liantlinga, Dr Vanlalruata, John Rotluangliana, K Vanlalnghaka leh Zochhuanmawia te thlan an ni.
Aizawl Mihlun Thlahte hi kum 2017 June ni 21 khan V Thanga In, Dawrpui-ah din a ni a. Kum 1950 hmalama Aizawla inbengbel tawh, an tu leh faten an din a ni a. Tun dinhmunah member 1,666 an nei mek.
HIGH COUNCIL-IN AIZAWL MIHLUN THLAHTE 2026 - 2028 a Hruaitu a thlan te :
1. V LALNUNTHARA (Mathara) Dawrpui
2. K LIANTLINGA (Ex-MLA) Venghlui
3. Dr VANLALRUATA Bungkawn
4. JOHN ROTLUANGLIANA (Ex-Minister) Dawrpui
5. K VANLALNGHAKA Dam Veng
6. ZOCHHUANMAWIA Venghnuai
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: