VANNEI - VIJAY

Tamil Nadu ah Thalapathy Vijay-a kaihhruai Tamilaga Vettri Kazhagam (TVK) chu mak takin Tamil party lian pahnih DMK leh AIADMK inkarah a rawn par chhuak nawlh mai.

Engvangin nge TVK?

Tamil Nadu-ah chuan cinema leh politics hi a inthlunzawm tlat a. Film star-te hi pathian ang hiala biak an ni ṭhin a, an larna piah lamah mipui sang tam tak an thunun nghal thei tlat.

Vijay-a larna hi TVK party lian ber an nihna chhan bulpui ber a ni thei ang. Mi nuai telin a thusawi ngaithla tur leh amah hmu turin an pungkhawm ṭhin a. He superstar hi rethei leh hausa, hmeichhia leh mipa, naupang leh tar thlengin an ngaisang a.

Hun hmasa lam a MG Ramachandran (MGR) leh Jayalalitha te ang bawkin lemchan khawvel atangin state khat Chief Minister dinhmunah a ding ve dawn niin lang.

Hetih lai hian Tamil film star lar politics a zuang lut nazawngin hlawhtlinna an hmu lem lo. Kamal Haasan-khan kum 2018-ah Makkal Needhi Maiam (MNM) a din a, 2019 Lok Sabha inthlanah seat pakhat mah an la lo a. Rajinikanth pawh politics-a luh tum hle a, a hlawhtling dawn a inhriat loh avangin a zuzi zui ta zawk.

Vijay-a erawh a supporters-ten ruahmannna an siam ṭha hle a. Kum 2021-a tualchhung inthlan (local body polls)-ah khan a fans club ten an thlawp candidate te chuan seat 169 awmah seat 115 an la daih tawh a ni.

A fans te hi ground-level worker leh social media ah vawrh lar zual tu mi pawimawh tak an ni a. Thisen pek (blood donation free medical camp, social works an thawk nasa a. Hei mai niloin, India rama digital volunteer network lian ber pawl an neih thu Vijay hian a lo sawi tawh a ni.

Vijay-a larna hian mipui nen inzawmna a lo siam tawh sa chu hmang tangkaiin TVK party tana rinawm tak leh ṭhahnemngai taka thawktu an ni zawm nghal thei. Hei hian hun rei lo te chhungin an party nasa takin a ti ṭhanglian zui ta zel.

Vijay chuan a party dinna chiang taka a sawi thin DMK chu an politics-a khingpui lian ber an nih laiin,AIADMK (BJP) te pawh an party ideology daltu, an hmelma an nih thu a sawi thin.

Tamil mipui ten hun rei tak an lo enchhin tawh DMK emaw AIADMK (BJP thlawp) nilo duhthlan tur leh 'itawm' taka TVK te an rawn inlar hlauh hi lal dang neih chak Dravidian zingah an lian chak hle a.Heng bakah anti-incumbency, north-south divide, three-language policy, leh delimitation duh lo tu leh dodal tum TVK te hian mipui thlawpna a hmu ṭha hle.

Manifesto

• Hmeichhiate Hamṭhatna:

Chhungkaw lu hmeichhia (kum 60 hnuailam) tan thlatin ₹2,500 ṭanpuina pek te;

kum khatah ₹5 lakh hnuai lam la lut chhungkua a mi pasal nei tur te tan rangkachak gram 8 lehsilk saree pek te; kum khatah LPG cylinder paruk a thlawna pek te a ni.

• Ṭhalaite leh Hna Chungchang:

Sawrkar hna nuai 5 siam te; internship hlawh nei (CM People Service Associate) sing 5 siam te; zirlai graduate hna la nei lote tana thlatin ₹4,000 allowance pek

• Loneitute Tana Hmasawnna:

Loneitu acre 5 hnuailam nei tana cooperative crop loan rulh ngai zawng zawng ngaihdam te; loneitu dangte tan 50% ngaihdam te; leh buh (paddy) quintal khat zela ₹3,500 thlenga MSP siamsak

• Zirna leh Hriselna:

Residential School 100 (Kamarajar schools) din te; zirna sang atana loan ₹20 lakh thlenga pek te; leh chhungkaw hriselna insurance (family health insurance) ₹25 lakh thlenga hman theih tur siamsak.

• Infrastructure leh Sawrkar Inrelbawlna:

AI City/University din te; 'Citizens' Privilege Card' siam te; unit 200 thlenga electric chhit man awm lo (free electricity) scheme kalpui te; "Right to Service Act" hman te .

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]