Aizawl | May 30, 2026: State Transport Authority (STA)-in Mizo Taxi oline kalpui a tum chungchangah Mizoram Taxi Association (MTA) chuan vawiin khan thuchhuah siamin, an hmalakna ngaichang a, thu leh awm hma chu, he application hi lo download lo turin leh registration pawh lo ti lo turin an member bakah taxi-a ei zawngte an hriattir.
MTA thuchhuahin a tarlan danin, "State Transport Authority (STA) chuan thuchhuah siam in, 1st July 2026 a tanga Mizo Taxi Online kalpui a tum thu leh he mi hmang tur hian Taxi te in register a, registration tih manah, kum tin Rs 600 /Rs1000 chawi ngai turin thuchhuah a rawn siam ta mai hi, Mizoram Taxi Association (MTA) chuan pawi a ti hle a ni," an ti a.
"He thilah hian STA chuan Mizoram Taxi Association (MTA) pawh a lo rawn ve tawh ngei a, MTA chuan man chawi ngai a he application hmang tur a in-register a ngai tur hi tha a tih loh thu a lo thlen tawh a, heti chunga kan ngaihdan te ngaipawimawh lo leh sawiho lehna pawh awm lo a, sum chawi a in-register ngai tur a Order min rawn chhuah hnan ta mai hi pawi kan ti a, he thilah hian Mizoram Taxi Association (MTA) chuan rang takin hma lak dan tur a ngaihtuah nghal dawn a, thu leh awm hma chu, he application hi lo download lo turin leh registration pawh lo ti lo turin Mizoram Taxi Association (MTA) chuan, member te leh Taxi a eizawng tu zawng zawng te kan in hriattir e," tiin vawiina an thuchhuah chuan a tarlang.
STA chuan thuchhuah siamin, Aizawl khawpui chhunga service lai, taxi (4 wheel, 2 wheeler leh auto rickshaw) te chu June 2026 chhungin Mizo Taxi office, DTO (LA) office-ah registration tifel vek turin a hriattir a. June 2026 chhunga registration ti te chu cheng 600 an chawi ang a, a hnu lama tiute chuan cheng 1000 an chawi dawn niin a tarlang a. Mizo TAxi app hi July 1 atanga hman tan tura tih a ni a, Aizawlah hmang phawtin, a hnuah a tahtawlin district dangah kalpui chhoh an tum a ni.
MTA MEMBER TE HRIATTIRNA
State Transport Authority (STA) chuan thuchhuah siam in, 1st July 2026 a tanga Mizo Taxi Online kalpui a tum thu leh he mi hmang tur hian Taxi te in register a, registration tih manah, kum tin Rs 600 /Rs1000 chawi ngai turin thuchhuah a rawn siam ta mai hi, Mizoram Taxi Association (MTA) chuan pawi a ti hle a ni.
He thilah hian STA chuan Mizoram Taxi Association (MTA) pawh a lo rawn ve tawh ngei a, MTA chuan man chawi ngai a he application hmang tur a in-register a ngai tur hi tha a tih loh thu a lo thlen tawh a, heti chunga kan ngaihdan te ngaipawimawh lo leh sawiho lehna pawh awm lo a, sum chawi a in-register ngai tur a Order min rawn chhuah hnan ta mai hi pawi kan ti a, he thilah hian Mizoram Taxi Association (MTA) chuan rang takin hma lak dan tur a ngaihtuah nghal dawn a, thu leh awm hma chu, he application hi lo download lo turin leh registration pawh lo ti lo turin Mizoram Taxi Association (MTA) chuan, member te leh Taxi a eizawng tu zawng zawng te kan in hriattir e.
Sd/-
Malsawmkima
General Secretary
Mizoram Taxi Association
General Headquarters, Aizawl
Dated, The 30th May 2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: