Mizoram 9 Ball Pool Championship 2026 - 2027 a hmawr bawk, Lalsangzela a champ!

Aizawl | May 30, 2026: Mizoram Snooker & Billiards Association (MSBA) buatsaih Mizoram 9 Ball Pool Championship 2026 - 2027 chu zanin khan a hmawr bawk a ni a, Lalsangzela, Khatla South a champion.

Mizoram 9 Ball Pool Championship 2026 - 2027 final hi tlai dar 5 khan khelh tan niin, Race to 8 a khelh a ni a, Lalsangzela leh Larina Renthlei, Tuikhuahtlang an insu a, Sangzela'n game a thunun hle a, inkhelh hmuhnawm tak an entir hnu-ah Lalsangzela'n 8 - 2 hnehna a chang a, champion a ni ta a ni.

A champion zinkawng atan hian Lalsangzela hian, semi final-ah Zonuntkuanga, Electric veng a hmachhawn a, 7 - 1 in a lo hneh tawh a, Quarter final-ah Lalchhandama, Dinthar hmachhawnin 6 - 1 in a lo hneh tawh bawk a ni.

Mizoram 9 Ball Pool Championship 2026 - 2027 hi May 25, 2026 atang khan khelh niin, Mizoram chhung hmun hrang hrang atangin player 100 chuang an tel a, Championship hi Mizoram Snooker & Billiards Association (MSBA) Hall, Hawla Indoor Stadium, Republic Vengthlang, Aizawl-ah khelh a ni.