Speaker-in Agilus Diagnostics Kulikawn a hawng

Ram leh hnam hmasawn tur chuan a chhunga chengte hriselna dinhmun a ṭha tur a ni -Assembly Speaker

Aizawl | May 6, 2026: Ram leh hnam hmasawn tur chuan a chhunga chengte hriselna dinhmun a ṭha tur a ni a. Kan hriselna dinhmun kan hriat a, enkawlna ṭha kan dawn thuai hi sum tam tak senralna laka min vengtu a ni, tiin Assembly Speaker Lalbiakzama chuan a sawi.

Agilus Diagnostics Ltd. Kulikawn hawnna inkhawm, ni 6.7.2026 tlai dar 4:00 a neihah khuallian Lalbiakzama, Assembly Speaker Lalbiakzama chuan thusawiin, Doctor te rinhlawh leh fak ni phak Mizoram mipuiin kan hriselna dinhmun kan hriat zung zung theihna tur Mizoramin nei thei dawn ta hi thil lawmamwm leh hmasawnna duhawm ber zinga mi a ni, a ti a Damlo ten an natna dik tak an hriat loh chuan enkawl (treatment)-na tha an hmu thei lo a. Hetianga damlo te, an natna lak aṭanga damna kawng an zawhna kailawn hmasa ber chu Diagnosis rintlak leh dik a ni, a ti.

India rama diagnostic network lian leh rintlak ber zinga mi Agilus Diagnostics Ltd. hi kum 1995 khan din a ni a. Kum 29 zet ram mipuite hriselna endik leh damdawi lam hna (diagnostic excellence) an lo thawk tawh a ni. Kum 2024 khan 'Best Diagnostics Chain of The Year' leh kum 2023-ah 'National Diagnostics Chain of The Year' chawimawina lo dawng tawh an ni.

Agilus Diagnostics Ltd. hi tunhma kha chuan SRL Diagnostics tih a ni ṭhin a. India ram hmun hrang hrangah 400 labs chuang, Centres 300 chuang, leh NABL/CAP accredited lab 40 chuan an nei a, hriselna check-up, thisen test, leh hriat loh natna hrang hrang (pathology, genomics, etc.) a thlawnin an enfiah sak ṭhin a. Mizoram ah, a bik takin Aizawl-ah pawh Branch hrang hrang leh sample collection point hawn belh zel a ni tur a ni a. Aizawl bakah District hrang hrangah hetiang hawn belh zel tum a ni. Agilus Diagnostic Ltd. hi mipui tana awlsam leh man tlawm zawk leh rintlak zawk tura ruahman a ni. Mamawhtute tan awlsam zawka anmahni dawr theih nan Agilus app leh website-ah book theih a ni a, Test result-te hi Agilus App leh website-ah awlsam takin a en theih a, mobile-ah thawn nghal ṭhin a ni bawk.

Agilus Diagnostics Ltd. ah hian natna hrik zawn chhuah leh enfiahna (Accurate Diagnosis) test chi hrang hrang 3,600 chuang an nei a, chung zingah chuan Pathology (thisen, zun, etc.), Radiology (X-ray, Ultrasound), leh Molecular Diagnostics (genetics leh cancer enfiahna) te a tel a, an laboratory tam tak hi NABL leh CAP accredited an ni a, hei hian an test result-te chu khawvel huapa rintlak a ni tih a nemnghet a ni. Laboratory-a kal kher ngai lovin, in aṭangin sample (thisen etc.) an rawn la thei a, hei hi damlo tan a awlsam hle tura ngaih a ni.

Agilus Diagnostics Ltd. hawnna inkhawmah hian Agilus Diagnostics Ltd. neitu Dr.Johny Rosangkima chuan mamawhtute tan an in hawn reng thu sawiin, Mizo mipuiten tangkai zawka hmang turin sawiin a sawm bawk a ni. Agilus Diagnostics Ltd. hi C.Lalramzauva building awmin, Kulikawn Sub-Centre bul a ni.

Thusawi : Pu Lalbiakzama, Hon’ble Speaker

Agilus Diagnostics Ltd. Grand Opening Programme

at Kulikawn on 6/5/2026

Vawiinah Mizoram tana rahbi thar kan kaina huna hmalatute chibai ka buk che u a, in chungah lawmthu ka sawi a ni.

Ram leh hnam hmasawn tur chuan a chhunga chengte hriselna dinhmun a ṭha tur a ni a. Kan hriselna dinhmun kan hriat a, enkawlna ṭha kan dawn thuai hi sum tam tak senralna laka min vengtu a ni. Agilus Diagnostics Ltd. hi tunhma kha chuan SRL Diagnostics tih a ni ṭhin a. India rama diagnostic network lian leh rintlak ber zinga mi niin kum 1995 khan din a ni a. Kum 29 zet ram mipuite hriselna endik leh damdawi lam hna (diagnostic excellence) an lo thawk tawh a ni. Kum 2024 khan 'Best Diagnostics Chain of The Year' leh kum 2023-ah 'National Diagnostics Chain of The Year' chawimawina lo dawng hial tawh an ni a. Doctor te rinhlawh leh fak ni phak Mizoram mipuiin kan hriselna dinhmun kan hriat zung zung theihna tur kan nei thei dawn ta hi thil lawmamwm leh hmasawnna duhawm ber zinga mi a ni.

Agilus Diagnostics Ltd hian India ram hmun hrang hrangah 400+ labs leh 300+ Centres leh NABL/CAP accredited lab 40+ an nei a, hriselna check-up, thisen test, leh hriat loh natna hrang hrang (pathology, genomics, etc.) a thlawnin an enfiah sak ṭhin a. Mizoram ah, a bik takin Aizawl-ah pawh Branch hrang hrang leh sample collection point hawn belh zel a ni tur te, Aizawl bakah District hrang hrangah hetiang hawn belh zel tum a ni hi a lawmawm tak meuh a. Agilus Diagnostic Ltd. hi mipui tana awlsam leh man tlawm zawk leh rintlak zawk tura ruahman a ni. Mamawhtute tan awlsam zawka anmahni dawr theih nan Agilus app leh website-ah book theih a ni te, Test result-te hi Agilus App leh website-ah awlsam takin a en theih a, mobile-ah thawn nghal ṭhin a ni leh zel te hi mipui tana samkhaina duhawm tak niin ka hria a, Mizoram tan mellung pawimawh tak a ni.

Diagnostic hi a pawimawh em em a. Damlo ten an natna dik tak an hriat loh chuan enkawl (treatment)-na tha an hmu thei dawn lo a. Hetianga damlo te an natna lak aṭanga damna kawng an zawhna kailawn hmasa ber chu Diagnosis rintlak leh dik a ni a. Chumi aṭang chuan enkawlna (treatment) ṭha in a zui ṭhin. Agilus Diagnostics Ltd. hian natna hrik zawn chhuah leh enfiahna (Accurate Diagnosis) test chi hrang hrang 3,600 chuang an nei a, chung zingah chuan Pathology (thisen, zun, etc.), Radiology (X-ray, Ultrasound), leh Molecular Diagnostics (genetics leh cancer enfiahna) te a tel a, an laboratory tam tak hi NABL leh CAP accredited an ni a, hei hian an test result-te chu khawvel huapa rintlak a ni tih a nemnghet a ni. Laboratory-a kal kher ngai lovin, in aṭangin sample (thisen etc.) an rawn la thei a, hei hi damlo tan a awlsam hle dawn a, hetiang hmasawnna pawimawh kan neih te hi ṭangkai taka mipuiin an hman theih nan duhsakna ka hlan a ni.

Ka lawm e.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]