Sorkarin OSD to CM atan R Lalrodingi a ruatna tichhuak ṭha

Aizawl | May 18, 2026: Mizoram Sorkar chuan, OSD to CM atana R Lalrodingi a ruatna chu May 15 khan a tichhuak ṭha.

Sorkar thupek chhuahin a tarlan danin, May 15-a thupek hian, April 24-a thupek lo chhuah tawh chu a luahlan a. R Lalrodingi chu OSD to CM niin, secretary rank a ni ang a, a term hi sorkar dinglai tawp ruala tawp tur (Co Terminus) a ni.

He thupek hian, April 24-a tuna a nihna baka Tourism Director atana rawih nawnna chu hnawlin a luahlan ta a ni.

Tourism director atana rawih nawn a ni kha MZP-in an dodal a, sorkar pawh May 14 thleng hun an pe a. Sorkar nena an inbiak hnuah MZP chuan May 13 zan khan thuchhuah siamin, sorkarin hma a lak dawn avanga an la ngaihchan dawn thu an tarlang a ni.