Adhoc aided school ten sorkara luh vek phut

Aizawl | May 18, 2026: Adhoc aided school te chuan vawiin khan sorkara luh vek phutin CMO Gate kawtah an pungkhawm.

Heng pungkhawmte hian, "School Provincialiazation hi naupang enrolment behchhana kalpui a nih dawn chuan thingtlang school tam zawkte hian enrolment ngai zat hi engtikah mah an tlin thei dawn lo va. Hemi chungchang hi kan sorkar hian ngaihtuah nawn leh se kan ti takzet a ni." an ti a.

"School tlemte chauh Provincialiazation tuma hmalakna awm mek hi ngaihtuah nawn leh tur leh Provincialised ve loh tur school-te dinhmun leh thawktute beiseinate hrethiam a, sorkar ruahmannaah kan vaia kan len vek theih nan thutlukna siam ṭha leh turin kan sorkar kan ngen tak meuh meuh a ni, " an ti bawk.

"Sorkar hmasain Mass Provincialization a kalpui tawh, Relaxation Clause awm loh avanga sorkar tharin a revoke leh tak hnuah dante siam ṭhat a ni tawh a. Kan Education Minister zahawm takin min tiam ang ngeiin kan zavaia lenna tur dan thar hi a taka hmanga, Mass Provincialization kalpui leh turin kan sorkar kan ngen a ni, " an ti. a.

Mizoram Adhoc Aided High School Teachers Association (MAHSTA) chuan hemi chungchangah hian Chief Minister hnenah ngenna an thehlut a, "Adhoc Aided High School tam tak hi kum 30 chuanga upa ni tawhin, henga thawktu tam tak hi khawtlangin a mamawh em avanga hun harsa tak karah pawh kum 30 chuang thawk tawhte kan ni a. I sorkar hnuaia dinhmun ṭha beisei a, nghakhlel taka lo thlirtute kan ni, " an ti.

". . . “Power to Relax” in the School Education conditions for provincialization of schools a pass tak hi a taka kalpui a, school zawng zawngte min ngaihnathiam turin kan ngen tak meuh meuh bawk che a ni," an ti a.

Dt.17.05.2026

Aizawl

To,

The Hon’ble

Chief Minister,

Govt. of Mizoram

Subject: School Provincialised tura ngenna

Ka pu,

A hmasain Mizoram Adhoc Aided High School Teachers Association(MAHSTA) hmingin chibai kan buk a che.

Adhoc Aided High School tam tak hi kum 30 chuanga upa ni tawhin, henga thawktu tam tak hi khawtlangin a mamawh em avanga hun harsa tak karah pawh kum 30 chuang thawk tawhte kan ni a. I sorkar hnuaia dinhmun ṭha beisei a, nghakhlel taka lo thlirtute kan ni.

Tunhnaiah sorkarin Adhoc High School engemaw zat chu dinhmun sang zawka dah a, Provincialised a tum tih kan lo hria a. He in hmalakna hi a lawmawm kan tih rualin keini thingtlang school tam zawkte leh khawpui a school \henkhatten lei rem kan rah ve theih nan i sorkar hnuaia Notification ṭha tak, No.F.23015/5/2023-EDN, the 14th January,2025 –a ‘Power to Relax’ hmanga Adhoc High School zawng zawngte min Provincialised vek turin kan ngen a che.

Tin, i sorkar kalphung thar hnuaia, Dt.20th December, 2024-a Council of Ministers Meeting-in, Proposal for addition of the new provision “Power to Relax” in the School Education conditions for provincialization of schools a pass tak (Kum 2023 a school provincialization dan siama conditions ṭhenkhat chu; khawpui lam school tana zawm harsa lo, thingtlang lam school tana zawm harsa tak si a awm thei nia hriat a nih avangin. He rules pawhfan theihna dan siam belhna a ni) hi a taka kalpui a, school zawng zawngte min ngaihnathiam turin kan ngen tak meuh meuh bawk che a ni.

He kan ngenna hi min tih hlawhtlin sak chuan kan lawm hle ang.

I rintlak,

(PT LALNUNNGAIA) (REMLALNGHAKA)

Convener Convener

MIZORAM ADHOC AIDED HIGH SCHOOL TEACHERS ASSOCIATION (MAHSTA)

Dt.15.05.2026

PRESS RELEASE NO 1

1) Adhoc Aided High School tam tak hi kum 30 chuanga upa ni tawhin, henga thawktu tam tak hi khawtlangin a mamawh em avanga hun harsa tak karah pawh kum 30 chuang thawk tawhte kan ni a. Khawtlang leh thawktuten hun rei tak aṭanga sorkar school neih ve kan chakna leh kan awhnate min tih hlawhtlin saka, sorkarin school provincialiazation tur a kalpui mekah hian kan za vai huapin hma min lak sak se kan duh takmeuh a ni.

2) Sorkar hmasain Mass Provincialization a kalpui tawh, Relaxation Clause awm loh avanga sorkar tharin a revoke leh tak hnuah dante siam ṭhat a ni tawh a. Kan Education Minister zahawm takin min tiam ang ngeiin kan zavaia lenna tur dan thar hi a taka hmanga, Mass Provincialization kalpui leh turin kan sorkar kan ngen a ni.

3) School Provincialiazation hi naupang enrolment behchhana kalpui a nih dawn chuan thingtlang school tam zawkte hian enrolment ngai zat hi engtikah mah an tlin thei dawn lo va. Hemi chungchang hi kan sorkar hian ngaihtuah nawn leh se kan ti takzet a ni.

4) Kalphung thar sorkar hnuaia, Dt 20' December, 2024-a Council of Ministers Meeting-in, Proposal for addition of the new provision "Power to Relax" in the School Education conditions for provincialization of schools a pass tak (Kum 2023 a school provincialization dan siama conditions ṭhenkhat chu; khawpui lam school tang zawm harsa lo, thingtlang lam school tang zawm harsa tak si a awm thei nia hriat a nih avangin. He rules pawhfan theihna dan siam belhna a ni) hi a taka kalpui a, school zawng zawngte min ngaihnathiam turin sorkar kan ngen a ni.

5) School tlemte chauh Provincialiazation tuma hmalakna awm mek hi ngaihtuah nawn leh tur leh Provincialised ve loh tur school-te dinhmun leh thawktute beiseinate hrethiam a, sorkar ruahmannaah kan vaia kan len vek theih nan thutlukna siam ṭha leh turin kan sorkar kan ngen tak meuh meuh a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]