Pro Volleyball | Anastasia-in 3

MIZORAM RURAL BANK PRO VOLLEYBALL LEAGUE 2026

May 11 - June 13, 2026 @ LPS Arena, Falkland, Aizawl

RESULT

ROUND 1 : May 11, 2026 - Thawhtanni Zan

Anastasia Electric Veng def Thutak Nunpuitu Team (mipa)

= 25-21, 25-27, 25-7, 25-17 (3-1)

* Pro Volleyball League vawi kuana hawn zanah Anastasia-in trophy humhim thei turin tha takin bul an tan. May 24, 2025 khan final-ah 26-24, 25-10, 21-25, 25-21 (3-1)-a TNT hnehin a vawi hnih nan an champion a, Pro Volleyball-a an intawn lehna hmasa berah set thum set khat tho ni mah se an intawn hnuhnun ber aiin an chak awlsam zawk.

* Nikum final-ah khan a chak lo team tan Zosangzuala (Mama) chuan a khel a, TNT chhuahsana club dang tan Pro Volleyball-a a inlan hmasak berah a team hlui hmachhawn nghalin point 17 a hmu a, hloh a nei lo. Anastasia tan a khelh hmasak berah Kuriz Player of the Match a ni nghal a, Pro Volleyball a khelh tawha mi mala a chet that ber pawl a ni nghal bawk.

* 2025 champion team player pawimawh Karthik, Laldinsanga, Lalruatsanga, setter Ramdintluanga'n Anastasia-ah hmun pawimawh luah zui zelin, Mizo player langsar pahnih Mama leh Zomuansanga an neih belh.

* TNT-in nikum final-a an rinrawl player paruk zingah captain Vanlalchhantluanga Sailo chiah an kawl zui a, 2025 Mizo Best Player Vanlaltanchhana bakah Mama, Saidingpuia Sailo, Sadrak Fanai leh K Zodinglianate an kalsan a, team thar dinin inelna sangah an player-te ruh a la no deuh a, an hriam zo lo.

* Inkhel tan hmain season kal meka Anastasia player Lalnunfela (26) sunna hun hman a nih bakah, Mizoram Volleyball Association chuan thla liam ta Aizawl Municipal Corporation inthlana tling, an President Dr Lalmalsawma Nghaka (Ward 19) leh Adviser Pu VL Zamlova (Ward 15) hnenah lawmpuina thuziak an hlan.

Kuriz Player of the Match

- Zosangzuala (Anastasia)

Cheetak Fan of the Night

- Vanlalhruaii (TNT)

STATS :

ANASTASIA ELECTRIC VENG

Zosangzuala : Point Hmuh - 17, Point Hloh - 0

Karthik Madhu : Point Hmuh - 21, Point Hloh - 9

Laldinsanga : Point Hmuh - 16, Point Hloh - 10

Lalruatsanga : Point Hmuh - 7, Point Hloh - 5

Zomuansanga : Point Hmuh - 5, Point Hloh - 4

THUTAK NUNPUITU TEAM