MZP-in Tourism Pisa kai tur dan titawp lailawk; an duh ang thu lawmawm a awm loh chuan punkhawm leh an tum!

Aizawl | May 25, 2026: Mizo Zirlai Pawl (MZP) chuan Tourism director atana R Lalrodingi ruat nawn an duh lohna lantir nana tukin dar 7 atanga Tourism Dept. Pisa kai tur an dan chu tlai dar 4:00 khan an titawp lailawk rih a. An duh ang thu lawmawm a awm loh chuan punkhawm leh an tum!

MZp chuan, tukin dar 7:30 atang khan, Commerce & Industries Addl. Director Pension ta, R Lalrodingi Tourism Director atan a rawih nawnna order sut tura ngenna hmalakna kal zelah, Tourism Pisa kai tur an dang.

He hmalakna kal zelah hian, Tourism Director hi a bang emaw, order hi sut a nih loh chuan a hun leh a hmun ngaiah punkhawm leh nise tiin MZP chuan an rel a ni.

Tourism Dept. Pisa kai tur dannaah hian sawrkar hnathawk kal tum tumah an awm lova, tlai dar 4:00 khan titawp lailawk rih a ni.

Mipui thlawpna nasa tak an dawn avangin, MZP chuan lawmthu an sawi a, he hunah hian College zirlai, Hnampual hruaitu zawng zawngte he thil diklo tak dodalna hmunah hian lo tel leh vek turin MZP chuan a sawm nawn nghal bawk a ni.

Hemi chungchanga social mediaa thu thehdarh thenkhatte:

A. Pi R. Lalrodingi Assembly committee in project engmah khawih tawh lo turin a recommend

Seventh Mizoram Legislative Assembly, Committee on Estimate (2014-2016) chuan an report 5th Report March 2016 a an submit-ah Industry Department hnuaia Bamboo Development Agency (BDA)sumhmanna hrang hrang a chhui naah khatih laia Inudstry Department Joint Director leh BDA General Manager Pi R Lalrodingi chu project engmah khawih tawhlo turin rawtna alo siam tawh.

He Comiittee on Estimates Chairman hi Pu Lalrinliana Sailo niin member atan Dr Ngurdingliana, Pu Vanlalzawma, Pu T. Sangkunga, Pu R. Vanlalvena leh Pi Vanlalawmpuii Chawngthu te an ni a. An report-a a lan danin 28.5.2015 khan BDA sum hman dan chungchangah official pathum koh an ni a, hemi zingah hian Pi R. Lalrodingi, General Manager, BDA & Jt Dirtector Industries chu a tel ve a.

Report 4.4 ah hian project sum tam tak chu a nihna ang taka hman loh niin an ngai a, Committee chuan BDA enkawlna leh administration lama mawhphurhtu official-te hian an mawhphurhna hlen zolo ah a ngai deuh a niang. Committee chuan BDA enkawlna lama mawhphurhtu official-te chu tunhnuah project kaihhnawih mawhphurhna pawimawh nei post-ah dah tawh lo turin a recommend nghe nghe a ni.

B. MZP tan zahna emaw buaina tur a awm lem lo, Sorkar tan hian zahna leh buaina a thleng thei zawk.

Engnge a chhan:

1. Pi Rodingi hi Commerce & Industry Addl. Director a ni. Tourism Joint Director a ni lo.

2. Supreme Court thutlukna: “Cadre post can be filled only by cadre officers unless RR specifically allows deputation”. Tourism RR ah deputation a sawi lo.

FR 56 & CCS Pension Rules:

> “A Government servant shall retire on the last day of the month in which

he attains the age of 60 years. No re-employment beyond 62 except in public interest with Cabinet approval.”

Dan bawhchhia kan ti em?:

1. Pension tawh chu Sorkar hnathawk a ni tawh lo. “Additional Charge” tih hi regular Govt servant inkarah chauh hman theih a ni.

2. Pension tawh hnena charge pek dawn chuan “Re-employment” order hran siam a ngai a (Cancel ani tawh) Cabinet in a pawm tur a ni. Kha order ah kha chuan a lang lo.

Chief Secretary pension tawh pawh “Advisor” tih chauh an pe thin. “Secretary charge” an pe ngam tawh lo.

3. FINANCIAL RULES BAWHCHHIATNA - PAY & DDO POWER

Director nih chuan DDO a ni a, Crore tel a sign thei. Pension tawh in DDO power a chelh chuan:

1. GFR 2017 bawhchhia - Non-Govt servant in Govt money a handle thei lo.

2. Audit objection a tling nghal. CAG in a hmuh chuan “Irregular expenditure” tiin a hau ang.

3. Treasury in bill a pass sak thei lo tur a ni. An pass lui a nih chuan Treasury Officer pawh a buai thei.

“OSD to CM” a nih avang ringawta Dept dang Director charge pek hi political appointment a ngaih a ni a, Judicial Review ah a tlo lo tlangpui.

ENGE THLENG THEI?

Sorkar tan, Pi Rodingi tan, Dept tan:

1. Court in order a quash chuan zahna a ni.

2. CAG in audit para a siam ang. 1. Pay a lak tawh kir leh a ngai thei.

3. DDO anga decision a lak zawng zawng “void” a ni thei. 1. File a sign tawh sanction zawng zawng buai thei.

4. Scheme a muhil thei.

Chuvangin Kalphung thar an inben harh deuh a ngai zawk mai thei e.

C. CM SPECIAL DUTY TITU R.LALRODINGI Rs 4879 Lakh HMAN ZAWH TAWHNA EKTA MALL BUILDING HI!!!!

19.5.2026: A chunga Building sakna tur laih vel khi vawiin(19.5.2026) a thlalak a ni a,Tourism Director (CM Special Duty titu) R.LALRODINGI hova sak a ni.SASCI Loan veka sak a ni.

Rs 4879 Lakh (High Court Building sakna zat zet) senral tawh a ni a.Ataka thlen chin chu a lem ang khi a ni.CBI chhui tir ngei ngei chi a ni.Vai company hmanga nasa taka sum suasam niin sawi a ni.

A chunga khi Rs 4879 Lakh hman zawh tawhna UC lem lem chu sipisial duty nu hian a signed ngei e!

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]