Casual Teacherte'n engagement order tichhuak vat turin thuneitute an ngen

Aizawl | May 25, 2026: All Mizoram Casual Teachers’ Association chuan a rang thei ang bera Engagement Order tihchhuahsak turin thuneitute ngen.

All Mizoram Casual Teachers’ Association Executive Committee vawiina thukhawm chuan Casual Teacher Engagement Order (Inchhawrna order) chhuak lo chungchang an sawiho a, Engagement Order (Inchhawrna Order) vawiin thlenga a la chhuah theih loh avangin nasa takin kan buai mek a ni, an ti.

All Mizoram Casual Teachers’ Association-ah hian member 1250 an awm mek a, Mizoram kilkhawr ber thleng dapchhuaka thawk te an ni a, mahni in lum atanga hnathawk thei lo hi zaa sawmkua (90%) aia tam an ni.

All Mizoram Casual Teachers’ Association chuan thuchhuah siamin, "Engagement Order (Inchhawrna Order) vawiin thlenga a la chhuah theih loh avangin nasa takin kan buai mek a. Mizoram Casual Teacher (PS / MS / HS) Engagement Order hnuhnung ber hi March 2026 khan a tawp tawh a ni," an ti.

"Engagement Order hi March thla tawp emaw April thla tira chhuak tura beisei, January thla tira Directorate of School Education atanga DP&AR a thawn thlak tawh chu a chhuah har tak em avangin a theih ang anga chhui zui leh a chhuah har chhan te zawh chian a nih hnuah chhuak mai tura kan beisei chu tun thleng hian a la chhuak lo a ni. Engagement Order a chhuak lo chung hian Casual Teacher te hian thuawih takin heng Census, Training, zirtirna hna leh school a kan mawhphurhna dangte chu thla hnih chhung dawn kan thawk chhunzawm reng bawk a ni," an ti a.

"Casual Teacher te hi Mizoram kilkhawr ber thleng dapchhuaka thawk te kan ni a, mahni in lum atanga hnathawk thei lo hi zaa sawmkua (90%) aia tam kan ni. Kan tarlan tak anga Engagement Order a chhuah theih loh avang hian thla hnih dawn chu hlawh la thei lovin kan awm mek a, hei vang hian Casual Teacher hmun hla taka thawk mek tam tak chu chhuanchhamin kan awm mek a ni," an ti bawk.

PRESS RELEASE

May 25, 2026 (Thawhtanni) a All Mizoram Casual Teachers’ Association Executive Committee chuan Casual Teacher Engagement Order (Inchhawrna order) chhuak lo chungchang-ah hetiang hian thuchhuah a siam.

All Mizoram Casual Teachers’ Association chu Engagement Order (Inchhawrna Order) vawiin thlenga a la chhuah theih loh avangin nasa takin kan buai mek a ni. Mizoram Casual Teacher (PS / MS / HS) Engagement Order hnuhnung ber hi March 2026 khan a tawp tawh a ni. Engagement Order hi March thla tawp emaw April thla tira chhuak tura beisei, January thla tira Directorate of School Education atanga DP&AR a thawn thlak tawh chu a chhuah har tak em avangin a theih ang anga chhui zui leh a chhuah har chhan te zawh chian a nih hnuah chhuak mai tura kan beisei chu tun thleng hian a la chhuak lo a ni. Engagement Order a chhuak lo chung hian Casual Teacher te hian thuawih takin heng Census, Training, zirtirna hna leh school a kan mawhphurhna dangte chu thla hnih chhung dawn kan thawk chhunzawm reng bawk a ni.

Casual Teacher te hi Mizoram kilkhawr ber thleng dapchhuaka thawk te kan ni a, mahni in lum atanga hnathawk thei lo hi zaa sawmkua (90%) aia tam kan ni. Kan tarlan tak anga Engagement Order a chhuah theih loh avang hian thla hnih dawn chu hlawh la thei lovin kan awm mek a, hei vang hian Casual Teacher hmun hla taka thawk mek tam tak chu chhuanchhamin kan awm mek a ni.

Hetiang hi kan dinhmun a nih avangin All Mizoram Casual Teachers’ Association te chuan a rang thei ang bera Engagement Order min tih chhuahsak turin thuneitute kan ngen tak meuh a ni.

Sd/-

(LALRAMDINTHARA)

Secretary

Mizoram Casual Teachers’ Association

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]