Kolasibah Self-Defence Training hawng

Kolasib | May 29, 2026: Directorate of Women and Child Development leh Mizoram Amateur Taekwondo Association te thawk dun chuan Mizoram hmun hrang hrangah Hmeichhia naupang leh Mipa naupang tan Self-Defence Training nei turin ruahmanna a siam a. Kolasib District ah pawh Kolasib District Amateur Taekwondo Association leh WCD Kolasib District te chuan school thenkhat leh YMA chhang (Thingdawl) khua ah te kalpui turin ruahmanna an siam a. Vawiin ni 29.5.2026 khan a hawnna hun leh training bul tanna chu PM Shri Govt.Model Primary School - I ah neih a ni.

He hun hi KDATA Vice President Lalrammawia'n a kaihruai a, WCD lam atangin Elizabeth Lalmuankimki (District Mission Coordinator, District Hub for Empowerment of Women, Women & Child Development) chuan thu a sawi bawk. School Head Master Lalbiakhluni'n thu a sawi bawk.

Hemi hnu hian Self-Defence training tan nghal a ni a zirlai naupang 200 chuangin Self-Defence Training hi an zawm nghal a ni.

Self-Defence Training Programe hi zirna in thenkhat bakah YMA te nena thawk hova la kalpui chhunzawm tur a ni.