ITI Veng High School-in zirlai pass tharte lawmpuina hun hmang; "Zirna kawtchhuah in chuang chhuak ta a, a taima apiang in dingchhuak dawn"

Aizawl | May 8, 2026: ITI Veng High School-in ITI YMA Hall-a vawiina an zirlai pass tharte lawmpuina hun an hmang a, he hunah hian Aizawl Municipal Corporation (AMC) Executive Corporator thar leh Ward XVIII Corporator ni bawk K Lalrodinga chu khuallian a ni.

K Lalrodinga chuan zirlaite fuihna thu sawiin zirlaite chu theih tawp chhuaha lehkha zir turin a fuih a, social media hmang tlem a, zirna pui thei tur lam inchhiar zau turin a chah. HSLC pass tharte chu, "Zirna kawtchhuah in chuang chhuak ta a, a taima apiang in dingchhuak dawn" tiin ''Intuaihriam reng a pawimawh a, ruih theih thil lakah inthiar fihlimin malsawm tlakin nung ula, eizawnna tin zawn thei ber zirlai zir thiam ang che u" a ti bawk. Nimin maia AMC Executive Corporator atana lakluh hian ITI Veng High School programe a hmanpui hi official-a a programme hmasa ber a ni.

ITI Veng High School hi Adhoc Aided status nei ni mekin kumin HSLC exam-ah an zirlai 28 ten hlawhtlinna an chang a, an pass percentage hi 84.85% a ni.

Zirlai pass tharte lawmpuina hun hi F Lalchhanhimi, Senior Teacher-in a kaihruai a, ITI Veng Local Council Chairman leh Managing Committee Chairman ni bawk Synod Sanga leh HeadmasterJames Lalthanmawia, te paw'n thu an sawi bawk.