Central YMA in Ruihhlo Do Street Campaign buatsaih

Aizawl | May 23, 2026: Central YMA chuan tukin dar 7:30 khan Vaivakawn-ah Ruihhlo Do Street Campaign a buatsaih a. YMA Vaivakawn Branch President PC Lalhuapzauva'n a kaihruai a, Ramsangliana CEC-in thu a sawi.

Ramsangliana chuan Ruihhlo chi hrang hrangin mihring nun, khawtlang nun leh chhungkua a tihchhiat nasat zia sawiin ruihhlo do kawnga theihtawp chhuah tlang turin mipuite a ngen a. Ruihhlo avanga chhungkua in kan tlak chhiat phah nasat zia leh ruihhlo tihnan sum leh pai a ngaih hnem zia te, ruihhlo ngai nei chhungkua ten rilru hah leh hlim lohna an nei mai piah lamah nasa taka chhungkaw khawsakin a tuar zia te hi a rapthlak tak meuh a. Zan lama thalai tei vak nasa leh hlimna zawng nasa in ruihhlo a hnimhnaih thu a sawi bawk.

Street Campaign ah hian Central YMA General Secretary Prof Malsawmliana leh CEC memberte leh a chhehvell Branch YMA hruaitute an tel bawk.

Central YMA hian Ruihhlo Do Street Campaign Aizawl khawpui chhung hmun 15 a buatsaih tawh a, May 30, 2026 hian Lengpui ah neih leh a ni ang. Street Campaign hi mipuiin Ruihhlo Do a tul zia an hriatna tura infuihtharna hun remchang a nih avangin Central YMA chu a hlawk viau in an hria a, a remchan angin chhunzawm zel an tum bawk.