"Alternative agriculture hian ram leh leilung a tichhe lo va, sum sen a tihniam a, sum lakluh a ti pung bawk,"

Aizawl | May 14, 2026: College of Veterinary Sciences & Animal Husbandry, Central Agricultural University (CAU) Dean Dr Lalnuntluangi Hmar chuan, "Alternative agriculture hian ram leh leilung a tichhe lo va, sum sen a tihniam a, sum lakluh a ti pung bawk," a ti.

"Alternative agriculture chu chemical (fertilizer, pesticide) a innghat lova, daih rei zawk leh leilung tichhe lo zawnga kan bul vela kan hmuh leh hman mai theihte hmang tangkai zawnga lo neih dan (organic farming, natural farming, etc) kalpui hi a ni," a ti a. "Hetiang farming / lo neih hian ram leh leilung a tichhe lo va, sum sen a tihniam thei a, sum lakluh a ti pung bawk," a ti.

"Tunlai khawvelah agriculture hian harsatna tam tak a tawk mek a. Lei hriselna (Soil fertility) a tlahniam zel a, thlai thar chhuah nan senso a sang chho zel bawk a, sik leh sa inthlakin (climate change) lo neih dan a nghawng nasa a, tin, chemical fertilizer-ah kan innghat nasa telh telh bawk. Chuvangin, tunlai hunah chuan agriculture hi thar chhuah tihpun (production) ringawt ni lovin, daih rei zawk leh leilung hriselna humhalh chunga kuthnathawktute tana hlawk zawka thar chhuah dan kawng zawn a lo tul ta hle a ni," a ti a.

"Hei vang hian alternative agriculture chu India ram pumah leh Mizoram bikah pawh a pawimawh ta hle a ni," a ti bawk.

Dr Lalnuntluangi Hmar chuan, Hemi tihhlawtlinna kawng ah hian College of Horticulture, Thenzawl pawhin Liquid Biofertilizer (Lei tha tui) siam chhuakin loneitute hnenah an pe chhuak bawk.

"Heng institution te hian tunlai thiamna hi mitin hnen a thlen theih nan hma lak zel an tum a, chumi hmalakna pakhat atan chuan vawiin niah pawh Press Conference hi neih niin, kuthnathawktu zawng zawngte hemi kawnga ngaihtuahna lo seng a, hmalak pui turin kan sawm a ni. Tin, heng kawnga hmalak tum, harsatna nei te chuan Central Agricultural University hnuaia mithiamte an rawn thei reng an ni," a ti.

PRESS NOTE/ DEAN SPEECH

15th May, 2026

Dr Lalnuntluangi Hmar

Dean, CVSC&AH, CAU, Selesih.

College of Veterinary Sciences & Animal Husbandry, Central Agricultural University aiawhin, vawiina press conference-a lo kal zawng zawngte hi ka lo lawm a che u. Vawiina kan thupui chu "Promoting Alternative Agriculture Practicesleh Enhancing Nutrient Management Efficiency" tih a ni a. He thupui hi tun dinhmunah ei leh bar intodelh nan a pawimawh hle.

A hmasa berin, Mizoram Journalist Association chungah lawmthu ka sawi duh a. Sustainable agriculture leh environment humhalh chungchangah mipuite hriatna tihpun nan kan thawhhona hi a hlu em em a ni.

Tunlai khawvelah agriculture hian harsatna tam tak a tawk mek a. Lei hriselna (Soil fertility) a tlahniam zel a, thlai thar chhuah nan senso a sang chho zel bawk a, sik leh sa inthlakin (climate change) lo neih dan a nghawng nasa a, tin, chemical fertilizer-ah kan innghat nasa telh telh bawk. Chuvangin, tunlai hunah chuan agriculture hi thar chhuah tihpun (production) ringawt ni lovin, daih rei zawk leh leilung hriselna humhalh chunga kuthnathawktute tana hlawk zawka thar chhuah dan kawng zawn a lo tul ta hle a ni.

Hei vang hian alternative agriculture chu India ram pumah leh Mizoram bikah pawh a pawimawh ta hle a ni. Alternative agriculture tih chuan chemical (fertilizer, pesticide) a innghat lova, daih rei zawk leh leilung tichhe lo zawnga kan bul vela kan hmuh leh hman mai theihte hmang tangkai zawnga lo neih dan (organic farming, natural farming, etc) kalpui hi ni. Hetiang farming / lo neih hian ram leh leilung a tichhe lo va, sum sen a tihniam thei a, sum lakluh a ti pung bawk.

Mizoram chhunga Central Agricultural University institutionkan neih pathumte -CVSC&AH, Selesih, College of Horticulture, Thenzawl leh KVK, Aizawl te chuan Alternative Agriculture lamahma kan sawn theih nan Farmer's Awareness programme, Training, Kisan Gosthi, Field Demonstration leh Social media te hmangin Mizoram hmun hrang hrangah hmalakna an kalpui a ni.

Hemi tihhlawtlinna kawng ah hian College of Horticulture, Thenzawl pawhin Liquid Biofertilizer (Lei tha tui) siam chhuakin loneitute hnenah an pe chhuak bawk.

Heng institution te hian tunlai thiamna hi mitin hnen a thlen theih nan hma lak zel an tum a, chumi hmalakna pakhat atan chuan vawiin niah pawh Press Conference hi neih niin, kuthnathawktu zawng zawngte hemi kawnga ngaihtuahna lo seng a, hmalak pui turin kan sawm a ni. Tin, heng kawnga hmalak tum, harsatna nei te chuan Central Agricultural University hnuaia mithiamte an rawn thei reng an ni.