Aizawl | April 25, 2026: United Pentecostal Church of North East India inkhawmpui lian ber, General Conference vawi 58-na chuan vawiin khan LPS Arena, Falkland Vengah rorel inkhawm neiin, nasa zawka ruihhlo do kawnga hmalak an rel. Kum 2026 - 28 UPC-NEI General Superintendent atan Rev Zohmingthanzama an thlang nawn.
April ni 23, Ningani zan aṭanga ṭan UPC-NEI General Conference hi naktuk zanah a ṭiak dawn a, inkhawmpui thupui atan 'Isua Krista lo kal lehna' Thupuan 22:12 hman a ni.
Vawiin chawhma dar 10:30 khan LPS Arena-ah General Kohhranpui Rorel Inkawm an nei a, UPC North East India (NEI) huam chhunga rawngbawlna kawnga hmalak dan tur hrang hrang rel niin, chu'ng zingah chuan India hmarchhak pumhuapa ruihhlo do kawnga hmalak rawtna chu an pawm a, General Hruaitute kaihhruai Executive Board bawhzui turin an dah.
Tukin zing khan Mualpui Kohhran Biak-inah UPC-NEI General hruaitute thlanna neih niin, kum 2026-28 chhunga General Superintendent atan General Suptd. nilai Rev. Zohmingthanzama thlan nawn niin, General Secretary Rev. Lalmalsawma Sailo leh
General Treasurer Rev R Laichhingpuia te pawh an post ngaiah thlan nawn leh an ni bawk.
Inkhawmpui report bu-in a tarlan dan chuan, UPC-NEI hnuaiah hian District 12 leh Mission Field 11 awmin, kohhran member 1,23,199 an awm mek a ni.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: