D-3 Inter College Debate Competition Govt Hrangbana College an thiam ber!

Aizawl | April 25, 2026: Mizo Zirlai Pawl (MZP) leh Mizo Official Channel tangkawpin a buatsaih, D-3 Inter College Debate Competition chu April 23 & 24, 2026 chhung khan Vaivakawn Cultural Centre cum Auditorium-ah  inelna neih a ni a. Nizan khan a hmawr bawk niin, Govt Hrangbana College (Lalmalsawma & Lalrinmawii) te an thiam ber!

D-3 Inter College Debate Competition-ah hian, Govt Hrangbana College (Lalmalsawma & Lalrinmawii) chuan lawmman 1na lain pawisa fai cheng 30,000/- Trophy leh Certificate an dawng a, HBC zirlai Lalrinmawii hi Best Debater atan thlan niin, pawisa fai cheng 10,000/-, Trophy leh Certificate a dawng bawk.

Pachhunga University College (Vanlalkhawngaihdawngzeli & H Rosangpuia) chu 2na niin, pawisa fai cheng 20,000/- Trophy leh Certificate an dawng.

Final zan April ni 24, 2026 (Zirtawpni) hian Environment, Forest & Climate Change Minister Lalthansanga chu khuallian niin, C Ramniengmawia chu Moderator a ni a, Treasurer Rothanliana chuan he hun hi a kaihruai a ni.

Khuallian Lalthansanga chuan, "Debate hi inhnialna ringawt a nilo a, thil kal zel dan tur thiam taka thliar hranna leh ngaihtuahna sawizawina a ni a, inelna thupui sawi turte hi sawrkar leh mipuite'n a an ngaihven tak tak thupui a ni dawn a, zirlai thiam tak takte'n in ngaihtuahna leh thu in rawn phawrhchhuahte hi ram pumin a ngaihven leh sawi zui tur a ni" a ti.

Mizote hi hnam tlemte kan ni a, ILP hi kan hnam inhumhimna tur atana sap hoin a min duan sak a ni a, kan kalpui zel dan turah ngaihtuahna thui tak kan sen a tul a hle a ni. Tin, Zu zawrh hi kan khawtlang leh Kohhran nghawng a ni a, zirlaite'n a in thiamna zau tak nen a he debate thupui hi ngaihtuah zui turin zirlai kalkhawmte a sawm a ni.

Khuallian chuan, "Forest dept. hian theihtawp chhuahin thing leh mau kan humhalh a, kan thing leh mau te a chereu zawh vek chuan global warming nasa chho zel nen, kan economic nasa takin min nghawng chho zel a, ramngaw kan humhalh a kan hman tangkai chhoh zel a ngai tawh a ni." a ti.

MZP President Dr C Lalremruata chuan, "MZP in a Debate Competition kan buatsaih chhan chu Zirlaite tan inpuan chhuahna (exposure) remchang, mi hma a thusawi kan zir nan leh kan zirna kawnga hma kan sawn zel theih nan a ni a, kan topic chungchangah phei chuan MZP in a hman atanga hma kan lo lak tawhna thin leh Mizo mipuite, Political Party te ah pawh a inhnialna tawp awm theilo, zu zawrh chungchangte a ni a, heng hmang hian zirlaite'n ngaihtuahna thar kan sen theih nan he Debate competition hi buatsaih kan ni" a ti.

MZP President chuan, Matric result a rawn chhuak a, tum dang ang lo takin result bu ah Top-10 leh kan pass na Division thuneitute'n an rawn tarlang talo a, hemi chungchangah hian MZP chuan ngaihdan a  nei a, Top-10 leh Division tarlan loh chungchangah Byheart system tih bo na atan tih hi MZP chuan kan pawm lo a, Byheart system tihbo nan hian MZP chuan kan exam system leh kan question set dan pattern kan thlak danglam a ngaih thu a sawi.

Remruata chuan, "MZP in a hmanni lawk a Inner Line Permit(ILP) kan check tum a kan hmuhchhuah mahni leh mahni in sponsor theihna dan kum 2016 khan Mizoram Gazette in a chhuah leh kum 2017 Gazette a chuang hnamdang(vai) leh vai in sponsor theihna dan hmuhchhuah a ni a, hemi chungchangah hian Home Minister leh Chief Minister te pawh he Gazette hi min sut sak turin ngenna thehluh a ni a. Tun thlengin ngaihtuah a la nilo a, Mizoram sawrkar thuneitute he dan hi min sut sak ngei turin kan ngen nawn a ni" a ti.

MZP in a kum 35 ngawt mai a lo kalpui tawh mizo zirlaite inkarah inelna thianghlim zawk a awm zel theih nan ti a, HSLC Top-10 a Mizo tlingte chawimawina hun kumtin a buatsaih thin chu neih leh ngei an tum thu a sawi a, sawrkar thuneitute ngenin, April ni 28, 2026 (Thawhlehni) hian Vanapa Hall-ah neih an tum thu a sawi bawk.

Debate Competition hi thupui pahnih, 'Mizo hnam himna atan ILP hi a tha tawk a ni' leh 'Mizoramah zu zawrh hi a hun tawh a ni,' hmangin neih a ni a. College paruk; Govt Aizawl College, Govt Hrangbana College, Govt T Romana College, Govt Serchhip College, Pachhunga University College leh NIELIT, Aizawl te an tel a ni.

MZP PRESS RELEASE

Mizo Zirlai Pawl(MZP) leh Mizo Official Channel tangkawpin a buatsaih, D-3 Inter College Debate Competition chu Vaivakawn Cultural Centre cum Auditorium-ah April ni 23 & 24, 2026 chhung khan inelna neih a ni a. Final zan April ni 24, 2026(Zirtawpni) hian Pu Lalthansanga, Environment, Forest & Climate Change changtu Minister chu Khuallian niin, Pu C. Ramniengmawia chu Moderator a ni a, Pu Rothanliana, Treasurer chuan he hun hi a kaihruai a ni.

MZP President Dr. C. Lalremruata chuan, "MZP in a Debate Competition kan buatsaih chhan chu Zirlaite tan inpuan chhuahna (exposure) remchang, mi hma a thusawi kan zir nan leh kan zirna kawnga hma kan sawn zel theih nan a ni a, kan topic chungchangah phei chuan MZP in a hman atanga hma kan lo lak tawhna thin leh Mizo mipuite, Political Party te ah pawh a inhnialna tawp awm theilo, zu zawrh chungchangte a ni a, heng hmang hian zirlaite'n ngaihtuahna thar kan sen theih nan he Debate competition hi buatsaih kan ni" a ti.

MZP President chuan, Matric result a rawn chhuak a, tum dang ang lo takin result bu ah Top-10 leh kan pass na Division thuneitute'n an rawn tarlang talo a, hemi chungchangah hian MZP chuan ngaihdan a  nei a, Top-10 leh Division tarlan loh chungchangah Byheart system tih bo na atan tih hi MZP chuan kan pawm lo a, Byheart system tihbo nan hian MZP chuan kan exam system leh kan question set dan pattern kan thlak danglam a ngaih thu a sawi.

Pu Remruata chuan, "MZP in a hmanni lawk a Inner Line Permit(ILP) kan check tum a kan hmuhchhuah mahni leh mahni in sponsor theihna dan kum 2016 khan Mizoram Gazette in a chhuah leh kum 2017 Gazette a chuang hnamdang(vai) leh vai in sponsor theihna dan hmuhchhuah a ni a, hemi chungchangah hian Home Minister leh Chief Minister te pawh he Gazette hi min sut sak turin ngenna thehluh a ni a. Tun thlengin ngaihtuah a la nilo a, Mizoram sawrkar thuneitute he dan hi min sut sak ngei turin kan ngen nawn a ni" a ti.

MZP in a kum 35 ngawt mai a lo kalpui tawh mizo zirlaite inkarah inelna thianghlim zawk a awm zel theih nan ti a, HSLC Top-10 a Mizo tlingte chawimawina hun kumtin a buatsaih thin chu neih leh ngei an tum thu a sawi a, sawrkar thuneitute ngenin, April ni 28, 2026(Thawhlehni) hian Vanapa Hall-ah neih an tum thu a sawi bawk.

Khuallian Pu Lalthansanga chuan, "Debate hi inhnialna ringawt a nilo a, thil kal zel dan tur thiam taka thliar hranna leh ngaihtuahna sawizawina a ni a, inelna thupui sawi turte hi sawrkar leh mipuite'n a an ngaihven tak tak thupui a ni dawn a, zirlai thiam tak takte'n in ngaihtuahna leh thu in rawn phawrhchhuahte hi ram pumin a ngaihven leh sawi zui tur a ni" a ti.

Mizote hi hnam tlemte kan ni a, ILP hi kan hnam inhumhimna tur atana sap hoin a min duan sak a ni a, kan kalpui zel dan turah ngaihtuahna thui tak kan sen a tul a hle a ni. Tin, Zu zawrh hi kan khawtlang leh Kohhran nghawng a ni a, zirlaite'n a in thiamna zau tak nen a he debate thupui hi ngaihtuah zui turin zirlai kalkhawmte a sawm a ni.

Khuallian chuan, "Forest dept. hian theihtawp chhuahin thing leh mau kan humhalh a, kan thing leh mau te a chereu zawh vek chuan global warming nasa chho zel nen, kan economic nasa takin min nghawng chho zel a, ramngaw kan humhalh a kan hman tangkai chhoh zel a ngai tawh a ni." a ti.

Debate Competition-ah hian , heng thupui hmang hian inelna hi neih a ni:-

1. Mizo hnam himna atan ILP hi a tha tawk a ni.

2. Mizoramah zu zawrh hi a hun tawh a ni.

College 6 telin,  

1. Govt. Aizawl College

2. Govt. Hrangbana College

3. Govt. T Romana College

4. Govt. Serchhip College

5. Pachhunga University College 

6. NIELIT, Aizawl

He inelna ah hian, Govt. Hrangbana College(Lalmalsawma & Lalrinmawii) chuan lawmman 1na la in pawisa fai cheng 30000/- Trophy leh Certificate an dawng a, Pachhunga University College(Vanlalkhawngaihdawngzeli & H. Rosangpuia) chu 2na niin, pawisa fai cheng 20000/- Trophy leh Certificate dawngin, Best Debator atan HBC atangin, Lalrinmawii thlan niin, pawisa fai cheng 10000/- Trophy leh Certificate an dawng a ni.

Sd/-

(C. LALHMINGSANGA)

General Secretary 

MZP-GHQ

Ph: +91 7005941431