Aizawl, 23rd March, 2024: Sorkar lai ZPM Party chuan, Vawiin thawhtanni khan Vanapa Hall-ah kum 2026 Aizawl Municipal Corporator inthlan awm tura ZPM Candidate puanna leh Campaign Kick-off chu ZPM General Headquarters buatsaihin neih a ni a, chawhma hunah ZPM sorkar hnathawh tlangzarhna hun hmangin Chief Minister Lalduhoma'n thusawina hun hmangin ZPM sorkar kum hnih hmalakna lehkhabu a tlangzarh a, chawhnu hunah party president Lalliansawta chuan ZPM candidate tur mi 19-te puangin campaign a kick off a, Home Minister K Sapdanga chuan AMC Election Manifesto a tlangzarh bawk.
AMC Candidate puan leh campaign kick off-na chawhma hun hi Minister leh ZPM General Headquarters Adviser Lalnghinglova Hmar chuan kaihruaiin thusawitu Lalduhoma, EOB, ZPM Gen Hqrs chuan, "Kum hnih chhung leka he rama Kalphung thar mipui sorkar hnathawh a ropui a, Aizawl khawpui hmasawnna tura kan thawh mek leh ruahmanna te hi tipuitling turin ZPM kaihhruai AMC kan mamawh," a ti a. "Aizawl khawpuia chengte mamawh leh a tel lova kan awm theih loh chu tui in tur thianghlim kan neih theih nan Assam Rifle chhuahsan ramah tui litre nuai 12 leng, cheng nuai 400 senga sak kan tum a. Aizawlah hian Consumer chhungkaw 86,200 vel kan awm mek a, thlatin tui connection thar 200 atanga 250 vel pekchhuah ziah a nih avangin tui mamawhna a sang chho zel a ni. Alternative Gravity Water Supply Scheme-ah Rs.6,300 dah a ni a, water treatment plant atan Rs.350 lakh kan dah a, Aizawl Northern Pipeline thawh mek a ni bawk a, kan tuizema tui a lo khahin buaipui ngai lovin amahin a in off mai tawh dawn a ni. Aizawl khawthlang lam tan distribution system tihchangtlun nan Rs.688 lakh kan dah bawk. Rain Water Harvesting lamah mipuiten tan kan lak a ngai a, ruahtui khawl kawngah theih tawp chhuah turin mipuite ka ngen a ni," a ti.
Lalduhoma chuan, "Hriselna lamah nasa takin hmalak thar a ni a, Zemabawkah Cancer Super Speciality hospital tih chhoh mek a ni a, Japan company te nen an hnen atanga loan lain Rs.70,000 lakh sengin hmalak chhoh mek a ni a, a puitlin hunah chuan Mizoram mipuiten kan chhawr tangkai hle dawn a ni. Tin, Civil Hospital nasa taka tihchangtlun chhoh niin Trauma Centre kan hawng tawh a, maternity ward leh labour room chngkang tak kan siam tawh a, kan awh em em MRI khawl thar chu K Sapdanga hmalakna azarah kan nei tawh a, man tlawm zawkin mipuiten kan chhawr tangkai thei tawh a ni. Hei mai hi ni lovin Lung zaina neih kan tum mek a, kidney transplant thlengin tun atanga rei vak lovah neih kan tum a, fa nei thei lo tan IVF khawl thlengin Civil Hospital-ah bun kan tum a ni. Civil Hospital kan chei nasa em em a, tun hmaa la awm ngai lo khawl thar tun hnaiah 28 zet kan nei thar a, hospital building hlui Block A leh B sak thar nan Rs. 8,833 lakh kan dah fel vek tawh a ni. Nasa takin ZMC kan thuam tha tawh a, RIPANS pawh khum 100 awm theihna turin siam mek a ni a, hawn thuai kan tum bawk. Kulikawna damdawiinah khum 50 awm theihna tur sak chhoh mek a ni a, chumi atan chuan Rs.3,475 lakh kan dah a, a bul maiah Psychiatry hospital sak nan khum 100 awm theihna Rs.1,972 lakh dah a ni a, Kulikawnah khum 50 awm theihna tur damdawiin kan nei dawn a ni, a ti.
Duhoma chuan, "Power lama kan harsatna sutkian nan Lammualah Rs.2,236 lakh sengin Power sub station, hnawksak lo leh mawi takin dah tum a ni a, kan power line ban te thlak nan Rs.1,110 lakh kan ruahman a, tun hmaa transformer hlui chei thar leh ngawt ang kha ni lovin kan sorkar hnu hian a thar kan lei hnem tawh hle a ni. Smart meter thar vuah chhoh mek a ni a, Aizawl khawpui chhunga power line hrui hnawk te thenfai mek zel a ni bawk. Aizawl khawpuiin kan mamawh em em dang leh chu Market lian, thianghlim leh tha a ni a, Chawnpuiah te, Falkland-ah te leh AMC Market tur Zemabawkah kan ruahman a, cheng vaibelchhe tam tak man Vaivakawnah kan siamtha dawn bawk. Chawnpuiah Unity Mall Rs 12,700 lakh zet man kan khawih tan mek tawh a, Mizote chauh ni lo, India ram state tinin dawr an rawn hawng dawn a ni.
Bawlhhlawh sawngbawlna, insakna bungraw hlui thlenga paih theihna tur Hualngohmunah siam mek a ni a, tawih thei leh thei lo, engkim paiha sawngbawl theihna tur kan ruahman chho zel a ni. Falkland-a student hostel sak tur te, AMC Building zawm sanna tur te, MPSC Examination Hall lian tha tak cheng nuai tam tak man tur te, ITI building sak that a ngai tawh sak thatna tur te, Hrangbana leh J.Thankima College sakthatna tur te, Innovation Centre te, Bru Hostel te, Industrial Worker Hostel te, Khatlaa Community Hall thar sak mekte, Khatla South a Multipurpose Centre turte, MUP building te leh veng hrang hrangah hmasawnna tur ruahmanna hrang hrang hmun tam takah ruahmanin sum pawh kan dah a ni. Nasa takin kawngpui siam that leh zauh a ni a, bypass road hmun tam takah siam mek niin ruahman sa a tam hle bawk a, kawng chhawng te pawh kan buatsaih dawn a, tuna kan thawh mek kawngpui siam that leh a tul tula hman atan Rs.3,500 lakh kan dah a ni. Tun ang tluka Aizawl khawpui kawng a that hi ka la hre ngai lova, kum hnih chhung leka kan tih pawh heti a nih chuan kqn sorkar leh hunah phei chuan Mizorama khawpui hrang hrang leh khaw kar kawng thlengin a la tha dawn chauh a ni," tiin ZPM sorkar hnuaia Minister hrang hrangte thawhrimna leh inpekna a fak a, Aizawl khawpui hmasawnna tur leh din thar lehna tura mipuiten ZPM siam AMC thar thlang turin mipuite a chah.
Chawhnu hun hi ZPM Gen.Hqrs Media Chairman B Lalchhanzova chuan kaihruaiin party President Lalliansawta chuan AMC inthlan awm tura ZPM candidate tur mi 19-te puangin campaign hawnna hun a hmang zui nghal bawk. 2026 AMC Election Manifesto tlangzarhtu K Sapdanga, Adviser chuan, " Budget session zawh tak kha mithiamte chuan hawiher thar leh mipui huap session hlu tak a ni an ti a, hemi kawngah hian Finance changtu leh Chief Minister ni bawk Pu Lalduhoma ka fak tak zet a, kan speaker te leh MLA zawng zawngte chungah pawh lawmthu ka sawi a ni. Mipuite min hmuh dan chu, session-ah khan sorkar laiin mark an hmu sang zawk a, opposition-ten an hna an tlin lo tih hi a ni," a ti.
K Sapdanga chuan, "Kum hnih chhung lekin thil ropui tak a la tih hman lova, bul kan tan chauh a ni. Heti chung hian kum tam tak lo sorkar tawhten an thiltih leh tuna kan tih chin an khaikhin chiam fo hi a lawmawmah ka ngai. Kawng tam takah Zoram hmel thar kan hmu mawlh mawlh a, thalaiten min beisei san zia kan hriat hian kan phur tak zet a ni. Mipuite hian kalphung hluia lut leh turin he ram hi an duh lovang tih ka chiang a ni. Tunah hian Aizawl khawpuia roreltu tur kan thlang dawn a, kan phur tak zet a ni. Aizawl hmel thar bul tan nan Bazar Bungkawn atanga Treasury Square kawng zauh hna kan tan mek a, thing kih tur engemawzat awm, clearance kan neih loh pawh tunah chuan MCC in a huam loh turin hmalak a ni a, sumfai Rs.126.56 crore kan dah fel vek tawh a ni. Tuiluankawr tha tak kan siam vek dawn a, hei ringawt pawh hi Aizawl hmel ti thar thei tur a ni a, inkalpawhna tam zawk siam a ni dawn a, kalphung hlui ni lo, kalphung thar kan zawrh hi Mizorama sorkar mek nen lungrual taka thawh a nih theih nan mipuiten thlantlin tur kan hriat a pawimawh takzet a ni. Ram rorelnaah Pathian ram tundin kan tih ang bawkin Municipal-ah pawh Pathian ram lo thleng rawh se," a ti bawk.
AMC Candidate puan leh campaign kick off-na hun chhawng hniha neihah hian chawhma hun dar 11:00 atanga tanah Rev Dr Vanlalbela chuan hunserh hmangin Dr H Vanlalhluna chuan thusawi tawi hun a hmang a, General Secretary Eddy Zosangliana Colney, chuan kum hnih chhunga ZPM sorkar hmalakna sawi zauhna hun hmangin MZI General Headquarters zaipawlten mipui an awi bawk. Chawhma leh chawhnu hun inkarah chhunchawlh intihhlimna hun hmangin zaithiam hrang hrangte an zai a, chawhnu hun dar 1:00 atanga tanah J Lalruatsangi chuan zaia mipui awiin Organising Committee Convener Laltluangkima, chuan lawmthu sawina hun hmangin hun hman zawh a ni.
Aizawl Municipal Corporation (AMC) General Election 2026-a ZPM Official Candidate te -
1. Vanlalhriata, Ward I
2. R Lalmawipuii, Ward II
3. Vanlalfaka, Ward III
4. Vanlalhriatrengi, Ward IV
5. Dr Lallawmkimi Tochhawng, Ward V
6. H Lalremtluanga, Ward VI
7. Zochhuana, Ward VII
8. Christina Roluahpuii Sailo, Ward VIII
9. Zoramchhana, Ward IX
10. PB Lallawmzuala, Ward X
11. Helen Rualchhingi, Ward XI
12. C Vanlalhruaii, Ward XII
13. Vanlalhruaia, Ward XIII
14. Roy Lalhriatpuia, Ward XIV
15. VL Zamlova, Ward XV
16. R Lalawmpuii, Ward XVI
17. Lalremruati Sailo, Ward XVII
18. K Lalrodinga, Ward XVIII
19. Dr C Malsawmtluangi, Ward XIX
AIZAWL MUNICIPAL CORPORATION ELECTION 2026
ZPM Candidate biodata leh an bial chhung Local Council
Compiled by Zoa Tlau, Buannel Cabin
23.03.2026
Media & Publicity Dept.
1. WARD NO - I
Selesih, Durtlang North, Durtlang, Durtlang Leitan, Leitan Ramthar, Muanna Veng leh Zuangtui
ZPM Candidate -
Vanlalhriata, (Pu Hriata) kum 51, Durtlang Mel 5
Pu Hriata hi unau paruk zinga pathumna niin, a nupui Pi Zodinpuii nen fa 4 mipa 2 leh hmeichhe 2 an nei a, a pa Pu C. Lalbiakmawia hovin tunah hian Durtlang Mel 5-ah an khawsa mek a ni.
Thiamna lamah B.Sc (Zoology) niin, High School-ah zirtirtu hna te a lo thawk tawh a, ama pualin School te dinin zirtir hna hi a tuina a ni.
Durtlang Presbyterian Kohhranah Sunday School Zirtirtu kum 25 a ṭang tawh a, Chawimawina (Diploma Award) pawh a lo dawng tawh bawk, tunah hian Puitling Sunday School zirtirtu a ni. A hun laiin KŢP-ah Branch hruaitu niin, Kohhran Zaipawl Conductor-ah hun rei tak a lo tang tawh a, Synod Choir Member pawh a lo ni tawh bawk.
YMA Section OB kum engemaw zat a lo chelh tawh a, Branch Executive Member pawh a lo ni tawh bawk. Tunah hian Durtlang Local Council Member a ni mek a ni.
////////
2. WARD - II (Reserved)
Chaltlang, Chaltlang North, Bawngkawn, Bawngkawn South leh Bawngkawn West
ZPM Candidate -
R. Lalmawipuii, Chaltlang Ruam Veng
R. Lalmawipuii hi Pu Kawlhuliana (L) leh Pi Thanmawi (L) te fanu a ni a, an unau hi mipa pali leh hmeichhia pahnih an ni. Ani hi a upa lam aṭanga chhiara pathumna a ni.
B.A (Hons) niin, Post Graduate Diploma in Addiction and HIV/AIDS Counselling, Mumbai aṭangin a zir zo bawk.
Mizoram State Sports Council-ah kum 1990 aṭangin a thawk ṭan a, kum 2009 aṭangin Accounts Officer-ah kaisangin ni 31.8.2025-ah Superannuation pension-in a chhuak a ni.
KṬP Branch leh Group-ah te Office Bearer leh Committee member ni reng ṭhin a ni a. Kum 1993 aṭangin Sunday School Zirtirtu naupang leh puitlinah lamah niin, chawl lova a zawn-a kum 25 chin chunglam zirtirtu ṭang Sunday School Zirtirtu chawimawina a dawng.
HIV/AIDS leh Ruihhlo ngaite chhanchhuahna Master Trainer niin 'training' te a pe ṭhin a. Hunawl a neih apiangin voluntary in Damna In Zuangtui, Dropping & Counselling Centre Seling leh MSM Centre Dawrpui Vengthar-te vawiin thlengin enkawltu zingah a tel a. Aizawl leh India ram hmun hrang hrangah training a nei ṭhin. Sports lamah Mizoram pum huap Sports Association hrang hrangah OB a lo ni tawh bawk.
//////
3. WARD - III
Ramhlun North, Ramhlun Venglai, Ramhlun Vengthar, Ramhlun Sports Complex leh Laipuitlang
ZPM Candidate -
Vanlalfaka, Faka (60), Ramhlun North
Pu Vanlalfaka hi Upa Lutvunga (L) leh Pi Dengziki (L) fa 9 zinga naupang ber dawttu niin, unau mipa 4 leh hmeichhia 5 an ni.
Hrangbana College aṭangin B.Com a zo. A nupui Pi H. Lalfakmawii nen fa 3, mipa 1 leh hmeichhia 2 an nei.
Asst. Divisional Accountant (ADA), Finance Officer, MSACS, Finance Asst., Fiscal Management Unit Finance Dept., Accounts Officer PWD, E-in-C Office, Mamit Treasury Officer, Aizawl North Treasury Officer te niin, July 31, 2025-ah MFAS Sr. Grade-in Aizawl North Treasury aṭangin Superannuation pension-in a chhuak a ni.
Ramhlun North Branch leh Bial KṬP Office Bearers post hrang hrang chelhin, kum 2004-2006 khan Ramhlun North Presbyterian Kohhran Tual Upa a ni a. Ramhlun North Kohhran Upa atan kum 2006-ah nemngheh a ni. Kum 2016 khan Ramhlun North Presbyterian Kohhran Pavalai Chairman a ni bawk.
Bial huap Kohhranah nihna hrang hrang chelhin, kum 2019-2024 chhungin Synod Pension and Provident Fund Board Member a ni a. Kum 2015 & 2016-ah Synod Auditor zingah a tel ve a ni. Ramhlun North Branch YMA Section OB ni tawhin, Ramhlun North Branch YMA Executive Committee Member a ni tawh bawk.
//////
4. WARD No. IV (Reserved)
Ramhlun South, Ramthar North, Ramthar leh Aizawl Venglai
ZPM Candidate -
NI. Vanlalhriatrengi (Hriati), Ramthar Veng
Pu Lalnghinglova (L) leh Pi Lalthlengkimi te fa upa ber a ni a. Amah hi nula hnahkhat a ni.
Zirna lamah Mizoram University aṭangin M.Sc. (Mathematics) a zo a, eizawnna lamah hian Entrepreneurship lama kala mahni kea dingin, kum 2023 khan Rotling Handloom & Handicraft Business chu Ramhlun North, Industry pengah a din ve ta a ni.
Kohhran rawngbawlna lamah hian Ramthar Veng Branch KȚP Committee member-ah kum ruk (6) chhung a awm tawh a. Sunday School-ah Beginner, Primary leh Senior Department-ah te zirtirtu ni tawhin, tunah hian Intermediate Department-ah zirtirtu a ni mek bawk.
Entrepreneurship leh sumdawnna tenau chi hrang hrang te tanpui tur leh chawisang turin a thawhpuite nen pawl an lo din tawh bawk a ni.
///////
5. WARD - V (Reserved)
Electric Veng, Chanmari leh Zarkawt
ZPM Candidate -
Dr. Lallawmkimi Tochhawng (Sentei) 34, Electric Veng
Nu leh pa : Laldingngheta Tochhawng (L)
(PADINGA) leh Hmingthanzuali
Bachelor of Dental Surgery (BDS)
Mimal sumdawnna kalpuiin DENTAL HAUS a enkawl a ni.
Dr. Lallawmkimi Tochhawng te hi unau pathum, mipa pakhat leh hmeichhia pahnih an ni a, an unau zinga naupang ber a ni. A pa chu Laldingngheta Tochhawng (Pa Dinga, Footballer) a ni a, a nu hi Pi Hmingthanzuali a ni. A pa hian kum 2002 khan a lo boral san tawh a, a nu hobin Electric Veng, Aizawlah an cheng mek.
Kum 2019 aṭanga tun thlengin naupang Sunday Sikul Zirtirtu rawngbawl hna a thawk a, KṬP Group OB post hrang hrang te a lo chelh tawh ṭhin.
Musician niin, Mizo hmeichhe Gospel band The Chosen, kum 2009-a dinah Guitarist a ni ve nghe nghe.
///////
6. WARD - VI
Chanmari West, Edenthar leh Hunthar
ZPM Candidate -
H. Lalremtluanga (Pu Rema) 43, Chanmari West, Corporator AMC Ward - VI (2021-26)
A nu leh pa H. Biakchhunga leh Biakchungnungi an ni.
Diana Zosangpuii Sailo d/o Dr. Lalsawmliana Sailo, Zotlang nen
inneiin, fa pali 4, mipa 3 leh hmeichhia pakhat an nei a, Chanmari West (Vanapa Section)-ah an cheng mek a ni.
Thiamna lamah BA (Eng)
a ni.
Hnathawh tawh te:
i) Outreach Worker, FXB International
(ii) Teacher, New Horizon School
(iii) Assistant, SIPMIU, Aizawl
(iv) Corporator, AMC- Ward No. VI
Chanmari West Branch YMA-ah Executive member leh Adviser te a lo nih tawh a, Section Office Bearer te pawh a lo ni tawh a ni.
Chanmari West Hmar Veng Presbyterian Kohhran Branch leh Bial KṬP-ah Office Bearer post hrang hrang kum 10 chuang a lo chelh tawh a, tunah hian Chanmari West Hmar Veng Presbyterian Kohhran Upa a ni mek a ni.
//////
7. Ward - VII
Zemabawk, Zemabawk North, Zemabawk South, Zemabawk West, Falkland leh Ṭhuampui
ZPM Candidate -
Zochhuana, Zemabawk Kawnveng
A nu leh pa Laichhinga (L) leh Ngurchhawni (L) an ni a, unau 7 (mipa-4 hmeichhia-3) mipa 3 an boral tawh.
MBA a ni a, Pivate Business-a eizawngin, Zemabawk Kawnveng Presbyterian Kohhran Upa a ni a. Zemabawk Branch YMA-ah kum 16 Office bearer
a ni tawh a, Central YMA CEC-ah kum 13 chhung a tel tawh bawk.
///////
8. WARD - VIII
Armed Veng, Armed Veng South leh Chite
ZPM Candidate -
Nl. Chistina Roluahpuii Sailo, 31 Armed Veng South, Coporator AMC Ward - 8 (2021-26)
A nu leh pa Ngursavunga Sailo (L) Police (Rtd.) leh Lalrokimi Hrahsel an ni.
A pa hnathawh avanga hmun hran hrana an awm kual hnuah, kum 2004 khan Armed Veng South-a an inpuiah lokirin, Armed Veng South YMA Section II, Presbyterian Biak In
bulah an unauin an cheng mek.
Master of Commerce (M. Com), Symbiosis College of Art & Commerce, Maharashtra - PUNE
Kum 2021 khan AMC Ward - VIII Corporator atana ZPM ticket-a thlan tlin niin, a hnathawh ṭhat avanga fak hlawh tak a ni nghe nghe.
/////////////////
9. WARD - IX
Dawrpui, Saron, Chhinga Veng leh Tuithiang
ZPM Candidate -
Zoramchhana, (55) Chhinga Veng
A nu leh pa Romawii leh Liandanga (L) an ni a. HSLC zir thlengin, a nupui hi Er. Lalnunpuii, SE P&E Dept. hna chelh mêk a ni a, a nupui fanaute nen tunah chhinga Vengah an cheng mek a ni. Fa pathum mipa 2 leh hmeichhia 1 an nei a, an fa naupang ber hi kum 2002 khan a boral.
Kum 1997 khan Excise & Narcotics Dept. ah lutin, kum 21 a service hnuin, kum 2019 khan Voluntary Pension-in a chhuak a. Tunah hian Chhinga Veng Local Council member a ni.
Kum 1990 – 1994 chhung khan Dawrpui Pastor Bial Zaipawl member a ni a. Tunah hian Chhinga Veng Presbyterian Kohhran-ah
Thuhriltu, Puitling Sunday School zirtirtu leh Kohhran Pavalai Pawl Chairman a ni mek bawk a ni.
////////
10. WARD - X
Chawnpui, Zotlang, Zonuam leh Ainawn Veng
ZPM Candidate -
PB Lallawmzuala, (48) Zotlang
A nu leh pa hinPu PB Japanthanga leh Pi Lalbiaktluangi an nina, a nupui Helen Remveli nen fa mipa 3 an nei a. An chhungkuain Zotlang Aizawl-ah an cheng mek a ni.
Zirna lam : BA
Zotlang Presbyterian Kohhran Naupang Sunday School-ah Department hrang hrangah zirtirtu a ni ṭhin a, kum 2026-ah hian Puitling Sunday School zirtirtu a ni mek a ni.
Kum 11 chhung Zotlang Branch YMA hruai hna a chelh a, kum 3 chhung Branch President a ni tawh. Kum 2024 leh 2025 chhung khan Central YMA CEC member a ni a, Kum 2015 aṭanga tun thlengin Aizawl West Joint YMA Executive member a ni.
Kum 2025 Local Council inthlanah ZPM aiawhin Zotlang Local Council election-ah thlan tlin niin, Vice-Chairman hna a chelh mek a ni.
///////
11. WARD - XI (Reserved)
Luangmual, Chawlhhmun, Tanhril, Sakawtuichhun, Rangvamual, Tuivamit leh Phunchawng.
ZPM Candidate -
Nl. Helen Rualchhingi, Luangmual
A nu leh pa hi Pu KL Zikpuia & Pi Zathangpuii (L) an ni.
MA (Pol. Sc.) Pune University.
Kum 2025 Luangmual LC Bye Election neihah ZPM Party aṭanga Member atana thlan tlin a ni.
YMA- Branch YMA-ah hun rei tak Executive member leh Section- ah Treasurer rei tak niin, phai lama Post Graduate a tih dawn a vangin YMA hruaitu lam thlah ta chauh a ni.
Blue Heaven Academy, Luangmualah zirtirtu hna a thawk ṭhin a. School hi amahin enkawl chhunzawmin, Principal hna a chelh a, Kum 2002 – 2014 chhung ṭha takin a enkawl a ni.
///////
12. WARD - XII (Reserved)
Tuikual North, Tuikual South leh Dinthar
ZPM Candidate -
C. Vanlalhruaii (Nubawihi) 52, Tuikual North
Zirna lam : BA
Pi C. Vanlalhruaii hi Pu C.Vanlalsiama leh Pi Zirkungi Sailo (L) Dinthar te fanu a ni a. An
unau hi 10 niin a upa lam aṭanga chhiara Pasarihna a ni. Kum 2002 khan Pu H. Lalhmingliana S/O Pu H.Thangzova (L) ZOMI VILLA, Tuikual North nen innneiin fa Pathum an nei a. Tunah hian Tuikual North a an Inah hian an cheng mek a ni.
Tun thleng hian a lawina kohhranah Naupang Sunday zirtirtu bakah kohhran hnuaia rawngbawina peng hrang hrangah committee member a ni mek a. A nulat lai hian YMA Section OB, Dinthar Sporting Club OB, Dinthar Football Club Committee member bakah Mizoram Amature Boxing Association Committee Member te a lo ni tawh ṭhin a ni.
////////
13. WARD - XIII
Dawrpui Vengthar, Vaivakawn leh Kanan
ZPM Candidate -
Vanlalhruaia (Pu Hruaia) 58, Dawrpui Vengthar
Pu Vanlalhruaia hi Pu V. Thangzama leh Pi Vanlalengi te fa panga zinga a naupang ber dawttu niin, farnu pakhat a nei a ni. A nupui Doris Ngurbiakveli nen 1998 khan inneiin, fapa pakhat leh fanu pakhat an nei. A nu leh pa thlazar hnuaiah Dawrpui Vengthar-ah an cheng a ni.
Zirna lamah B.A a ni a. YMA-ah Branch committee member a ni ṭhin a, CYMA Sports committee a ni tawh bawk. KṬP Branch leh Bial OB a ni ṭhin a, Mizoram Synod Choir-ah a tel ṭhin a ni.
Tunah hian Dawrpui Vengthar Presbyterian Kohhran Puitling Sunday School Zirtirtu leh Thuhriltu rawngbawlna a chelh mek a.
Khawtlang rawngbawlna lamah chuan VC/LC inthlanah tum 6 thlan tlin a ni ve tawh a. Tunah hian a tum hnih nan LC Chairman ni mêk.
Term hmasa khan Aizawl City Local Council Association (ACLCA) Secretary leh General Secretary hna a lo chelh tawh a. ZPM Gen. Hqrs.ah Secretary ni lai a ni.
//////
14. WARD - XIV
Khatla, Khatla East, Khatla South leh Mission Vengthlang
ZPM Candidate -
Roy Lalhriatpuia, (42) Khatla South
A nu leh pa C Lalfakzuala leh Vanlalnghaki Sailo an ni.
Zirna : Bachelor of Arts
Entrepreneur and Aspirants / Construction works ( Structure and Interiors) lama eizawng a ni a. Roy Lalhriatpuia hi Khatla South Venga anmahni inah an cheng mek a. A Nupui nen fanu pahnih neiin, kum 2021 AMC inthlan dawnah Khatla South ZPM Unit Secretary a ni a, 2023-2026 chhungin ZPM Aizawl West III block Secretary a ni bawk.
City Tiffin Service tih Business idea hmangin 3rd Mizoram Rahbi Business idea competition-ah lawmman a la a, kum 2022-ah 4th Mizoram Rahbi Business idea competition-ah City Coffin Suppliers tih project hmangin a partner te nen winners lawmman an la leh bawk a ni.
Khatla South YMA Branch Executive Committee member te ni tawhin Committre peng hrang hrangah a tel bawk a. Khatla South Presbyterian Kohhran Intermediate leh Senior Department Leader, Khatla South Presbyterian Chawhnu Tleirawl Inkhawm Leader, Kristian Thalai Pawl Khatla South Branch Office Bearers te kum engemaw zat a lo ni tawh a ni.
///////
15. WARD - XV
Bungkawn, Bungkawn Vengthar, Maubawk, Lawipu leh Nursery
ZPM Candidate -
VL Zamlova, (70) Bungkawn Venglai
Tunah hian a fate 4 leh tunu 1 nen Bungkawn Venglaiah an cheng mek a ni.
Bungkawn Presbyterian-ah rawngbawintu a ni a, tunah hian Social Front Comtt. member a ni mek.
Hruaitu hlun chawimawina dawng phak khawpin Bungkawn Branch YMA Office Bearer hna a chelh tawh a, Bungkawn VDP-ah kum 16 chhung OB ni tawhin, Bungkawn MPF Secretary te pawh a ni tawh a, Branch YMA-ah leh VDP ah te Adviser a ni mek.
Kum 39 zet EF&CC Dept. ah thawkin Deputy Ranger-in a pension a ni.
Mizoram aiawha Voleyball khelh a chawlhsan hnuah MVA-a inhmangin kum 15 chhung zet MVA-ah hian OB nihna a chelh a ni. Kum 2025 Local Council inthlanah khan Bungkawn Vengah thlan tlin niin, Chairman nihna a chelh mek. Party-ah Aizawl West IlI Block Vice President (Elect) a ni mek bawk.
///////
16. WARD - XVI
Bethlehem, Bethlehem Vengthlang leh College Veng
ZPM Candidate -
Pi R. Lalawmpuii (Maawmi), (45) Bethlehem Vengthlang, Corporator, AMC Ward-XVI 2021 - 2026
Pasal hming : Pu C.Lalrothanga
Nu leh Pa : Pu R. Lalhmingthanga leh Pi HD Lalṭanpuii
M.A Political Science in International Polities and Civies from University of Mumbai. Kum 2023 aṭanga tun thlengin President. Zonu General Headquarters. a ni.
Mizoram sawrkarah Member, Telecom Advisory Committee a ni a. Pi R. Lalawmpuii hian unau hmeichhia pakhat Pi Lalrozuali Rokhum (Aro-i) a nei a ni.
Kum 2009 khan Pu C.Lalrothanga s/o Pu C.Lalengzauva fapa pahnih leh fanu pakhat an nei a. Pi Maawmi hi Doodarshan Kendra, Aizawl Commercial Cell-ah Resource Person hna a thawk ṭhin a, Private Higher SS leh Springdale School, Bethlehem Vengthlangah-te zirtirtu hna a lo thawk tawh ṭhin bawk.
Presbyterian, Bethlehem Venglai Kohhran KṬP Group 0.B te ni tawhin, tunah hian Puitling Sunday School zirtirtu a ni.
///////
17. WARD - XVII
Venghlui, Republic, Upper Republic leh Republic Vengthlang
ZPM Candidate -
Lalremruati Sailo (Eli),
(54) Republic Venglai
Nu leh pa : Lalzuala Sailo (L) leh Lalthantluangi Sailo (L)
Zirna : Class X
Lalremruati Sailo te hi unau panga (5) niin a naupang ber dawttu a ni. A pa hi Chhuanvawra Sailo (L) Muallungthu Lal fapa a ni a, a nu hi Lalsailova Sailo(L) Kelsih Lal fanu a ni. A pasal Pu Lalrinfela S/o Upa L. Biakchhunga Republic Veng nen an innei a, fanu pakhat leh fapa pahnih an nei a, Republic Venglaiah an khawsa mek.
Kum 2025 Local Council inthlanah khan ZPM candidate niin hneh taka thlan tlin a ni a, Pasal a neih hma hian an Veng Upper Republic Kohhran leh YMA-ah te inhmangin Section YMA hruaitute pawh lo ni tawh ṭhin a. Pasal a neih hnu pawh hian Republic Vengah khawtlang leh Kohhranah theih ang tawkin a inhmang leh bawk.
//////
18. WARD - XVIII
Mission Veng, Tuikhuahtlang, Salem Veng, Damveng, Venghnuai, Thakthing, ITI Veng leh Model Veng
ZPM candidate -
K. Lalrodinga (Marova), 47 Salem Veng
Nu leh pa : Lianhlira Khiangte leh Hrangmawii (L)
Khawhri, Cherhlun, Thingsai, Biate, Hnahthialahte a naupan lai hun a hmang. A Pi Liandawngi (L) hi Mizo hla phuah thiam Pi Saikuti (L) tunu a ni.
A nupui Dr. Ruatpuii Chhangte leh a fate pahnih nen Salem Veng, Aizawl-a anmahni inah an khawsa mek a, a nupui Dr. Ruatpuii Chhangte hi Helen Lowry College-a Asst. Professor hna thawk mek a ni.
Zirna lam: Madurai Kamaraj University atangin MA (Economics) a zo a ni.
“ SORAZO” chaw ṭha siamchhuaktu a ni a, tunah hian Salem Vengah Industrial Manufacturing Unit changtlung tak an nei.
A thil hmuhchhuah leh siamchhuah avang leh khawtlang tana mi inphal tak a nih avangin Vaivakawn 7th-Day Tlanga an awm laiin ‘VAIVAKAWN AWARD’ hlan a ni tawh nghe nghe. Teacher’s Day-a an hla sak nasat leh lar em em, ‘ZIRTIRTU ṬHA” (A AW B, A B C ) tih hla hi Pu K. Lalrodinga phuah hi a ni.
7th-Day Tlang Kohhranah Thalai (Adventist Youth Society) Leader, Naupang Department hotu ber( Co-ordinator) te, Rawngbawltu (Deacon) nihnate a chelh tawh a. Aizawl South huam chhunga Adventist Youth Federation-ah President nihnate a chelh tawh bawk.
Section YMA OB nihna te pawh a lo chelh tawh a. Salem Veng Local Council Chairman a ni a, Salem Veng Branch YMA Committee member a ni ṭhin.
NIHNA A CHELH MEK TE:
1. Salem Veng Local Council Chairman
2. Salem Veng Football Club Chairman
3. Aizawl District Football Association(ADFA) Executive Committee Member
4. ADFA hnuaia Disciplinary Sub-Committee Member
5. Mizoram Football Association(MFA) hnuaia Veteran Committee Member
//////
19. WARD - XIX
Kulikawn, Tlangnuam, Tlangnuam West, Tlangnuam Vengthar, Saikhamakawn, Melthum leh Hlimen.
ZPM Candidate -
Dr. C. Malsawmtluangi (Tuki) 46, Hlimen, AMC Corporator Ward - 19 (2024-26)
A nu leh pa C. Lalhmingliana leh Zahmingthangi (L) an ni a, a pasal Lalmuanawma leh an fa te 3 nen Hlimenah an cheng mek a ni.
Ph.D, Department of Zoolgy, NEHU, Shillong 2011 niin, Research presentation te India ram hmun hrang hrangah lo pe tawhin. Award pawh vawi 4 lai a lo dawng tawh a ni. Research publication pawh thahnem tak neiin, chung zingah chuan sangha rulhut chi thar te pawh Mizoram aṭangin an lo hmu chhuak tawh a ni.
Hna chelh tawh te:
1. Science teacher Hlimen HS 2001
2. Science teacher Mamawii Higher Secondary School 2002-2004
3. Guest faculty, Department of Zoology, PUC, 2011
4. Department of Science and Technology hnuaiah 2014 - 2016 khan Women Scientist (WOS-A) PUC-ah a lo thawk tawh a.
5. Kum 2018-2021-ah National Mission on Himalayan Studies (NMHS) hnuaiah Research Associate angin PUC-ah a lo thawk tawh bawk.
6. Corporator Ward XIX, 2024-26
KALPHUNG THAR MIPUI SAWRKAR
PRESS RELEASE
(ZPM General Headquarters, Aizawl)
AMC INTHLAN AWM TURA ZPM CANDIDATE TURTE PUAN AN NI A, CAMPAIGN KICK-OFF A NI
Aizawl, 23rd March, 2024: Vawiin thawhtanni khan Vanapa Hall-ah kum 2026 Aizawl Municipal Corporator inthlan awm tura ZPM Candidate puanna leh Campaign Kick-off chu ZPM General Headquarters buatsaihin neih a ni a, chawhma hunah ZPM sorkar hnathawh tlangzarhna hun hmangin Pu Lalduhoma'n thusawina hun hmangin ZPM sorkar kum hnih hmalakna lehkhabu a tlangzarh a, chawhnu hunah party president Pu Lalliansawta chuan ZPM candidate tur mi 19-te puangin campaign a kick off a, Pu K Sapdanga chuan AMC Election Manifesto a tlangzarh bawk.
AMC Candidate puan leh campaign kick off-na chawhma hun hi Pu Lalnghinglova Hmar, Adviser, ZPM General Headquarters chuan kaihruaiin thusawitu Pu Lalduhoma, EOB, ZPM Gen.Hqrs chuan, "Kum hnih chhung leka he rama Kalphung thar mipui sorkar hnathawh a ropui a, Aizawl khawpui hmasawnna tura kan thawh mek leh ruahmanna te hi tipuitling turin ZPM kaihhruai AMC kan mamawh," a ti a. "Aizawl khawpuia chengte mamawh leh a tel lova kan awm theih loh chu tui in tur thianghlim kan neih theih nan Assam Rifle chhuahsan ramah tui litre nuai 12 leng, cheng nuai 400 senga sak kan tum a. Aizawlah hian Consumer chhungkaw 86,200 vel kan awm mek a, thlatin tui connection thar 200 atanga 250 vel pekchhuah ziah a nih avangin tui mamawhna a sang chho zel a ni. Alternative Gravity Water Supply Scheme-ah Rs.6,300 dah a ni a, water treatment plant atan Rs.350 lakh kan dah a, Aizawl Northern Pipeline thawh mek a ni bawk a, kan tuizema tui a lo khahin buaipui ngai lovin amahin a in off mai tawh dawn a ni. Aizawl khawthlang lam tan distribution system tihchangtlun nan Rs.688 lakh kan dah bawk. Rain Water Harvesting lamah mipuiten tan kan lak a ngai a, ruahtui khawl kawngah theih tawp chhuah turin mipuite ka ngen a ni," a ti.
Pu Lalduhoma chuan, "Hriselna lamah nasa takin hmalak thar a ni a, Zemabawkah Cancer Super Speciality hospital tih chhoh mek a ni a, Japan company te nen an hnen atanga loan lain Rs.70,000 lakh sengin hmalak chhoh mek a ni a, a puitlin hunah chuan Mizoram mipuiten kan chhawr tangkai hle dawn a ni. Tin, Civil Hospital nasa taka tihchangtlun chhoh niin Trauma Centre kan hawng tawh a, maternity ward leh labour room chngkang tak kan siam tawh a, kan awh em em MRI khawl thar chu Pu K.Sapdanga hmalakna azarah kan nei tawh a, man tlawm zawkin mipuiten kan chhawr tangkai thei tawh a ni. Hei mai hi ni lovin Lung zaina neih kan tum mek a, kidney transplant thlengin tun atanga rei vak lovah neih kan tum a, fa nei thei lo tan IVF khawl thlengin Civil Hospital-ah bun kan tum a ni. Civil Hospital kan chei nasa em em a, tun hmaa la awm ngai lo khawl thar tun hnaiah 28 zet kan nei thar a, hospital building hlui Block A leh B sak thar nan Rs. 8,833 lakh kan dah fel vek tawh a ni. Nasa takin ZMC kan thuam tha tawh a, RIPANS pawh khum 100 awm theihna turin siam mek a ni a, hawn thuai kan tum bawk. Kulikawna damdawiinah khum 50 awm theihna tur sak chhoh mek a ni a, chumi atan chuan Rs.3,475 lakh kan dah a, a bul maiah Psychiatry hospital sak nan khum 100 awm theihna Rs.1,972 lakh dah a ni a, Kulikawnah khum 50 awm theihna tur damdawiin kan nei dawn a ni, a ti.
Pu Duhoma chuan, "Power lama kan harsatna sutkian nan Lammualah Rs.2,236 lakh sengin Power sub station, hnawksak lo leh mawi takin dah tum a ni a, kan power line ban te thlak nan Rs.1,110 lakh kan ruahman a, tun hmaa transformer hlui chei thar leh ngawt ang kha ni lovin kan sorkar hnu hian a thar kan lei hnem tawh hle a ni. Smart meter thar vuah chhoh mek a ni a, Aizawl khawpui chhunga power line hrui hnawk te thenfai mek zel a ni bawk. Aizawl khawpuiin kan mamawh em em dang leh chu Market lian, thianghlim leh tha a ni a, Chawnpuiah te, Falkland-ah te leh AMC Market tur Zemabawkah kan ruahman a, cheng vaibelchhe tam tak man Vaivakawnah kan siamtha dawn bawk. Chawnpuiah Unity Mall Rs 12,700 lakh zet man kan khawih tan mek tawh a, Mizote chauh ni lo, India ram state tinin dawr an rawn hawng dawn a ni.
Bawlhhlawh sawngbawlna, insakna bungraw hlui thlenga paih theihna tur Hualngohmunah siam mek a ni a, tawih thei leh thei lo, engkim paiha sawngbawl theihna tur kan ruahman chho zel a ni. Falkland-a student hostel sak tur te, AMC Building zawm sanna tur te, MPSC Examination Hall lian tha tak cheng nuai tam tak man tur te, ITI building sak that a ngai tawh sak thatna tur te, Hrangbana leh J.Thankima College sakthatna tur te, Innovation Centre te, Bru Hostel te, Industrial Worker Hostel te , Khatlaa Community Hall thar sak mekte, Khatla South a Multipurpose Centre turte, MUP building te leh veng hrang hrangah hmasawnna tur ruahmanna hrang hrang hmun tam takah ruahmanin sum pawh kan dah a ni. Nasa takin kawngpui siam that leh zauh a ni a, bypass road hmun tam takah siam mek niin ruahman sa a tam hle bawk a, kawng chhawng te pawh kan buatsaih dawn a, tuna kan thawh mek kawngpui siam that leh a tul tula hman atan Rs.3,500 lakh kan dah a ni. Tun ang tluka Aizawl khawpui kawng a that hi ka la hre ngai lova, kum hnih chhung leka kan tih pawh heti a nih chuan kqn sorkar leh hunah phei chuan Mizorama khawpui hrang hrang leh khaw kar kawng thlengin a la tha dawn chauh a ni," tiin ZPM sorkar hnuaia Minister hrang hrangte thawhrimna leh inpekna a fak a, Aizawl khawpui hmasawnna tur leh din thar lehna tura mipuiten ZPM siam AMC thar thlang turin mipuite a chah.
Chawhnu hun hi Pu B.Lalchhanzova, Media Chairman, ZPM Gen.Hqrs chuan kaihruaiin party President Pu Lalliansawta chuan AMC inthlan awm tura ZPM candidate tur mi 19-te puangin campaign hawnna hun a hmang zui nghal bawk. 2026 AMC Election Manifesto tlangzarhtu Pu K.Sapdanga, Adviser chuan, " Budget session zawh tak kha mithiamte chuan hawiher thar leh mipui huap session hlu tak a ni an ti a, hemi kawngah hian Finance changtu leh Chief Minister ni bawk Pu Lalduhoma ka fak tak zet a, kan speaker te leh MLA zawng zawngte chungah pawh lawmthu ka sawi a ni. Mipuite min hmuh dan chu, session-ah khan sorkar laiin mark an hmu sang zawk a, opposition-ten an hna an tlin lo tih hi a ni," a ti.
Pu Sapdanga chuan, "Kum hnih chhung lekin thil ropui tak a la tih hman lova, bul kan tan chauh a ni. Heti chung hian kum tam tak lo sorkar tawhten an thiltih leh tuna kan tih chin an khaikhin chiam fo hi a lawmawmah ka ngai. Kawng tam takah Zoram hmel thar kan hmu mawlh mawlh a, thalaiten min beisei san zia kan hriat hian kan phur tak zet a ni. Mipuite hian kalphung hluia lut leh turin he ram hi an duh lovang tih ka chiang a ni. Tunah hian Aizawl khawpuia roreltu tur kan thlang dawn a, kan phur tak zet a ni. Aizawl hmel thar bul tan nan Bazar Bungkawn atanga Treasury Square kawng zauh hna kan tan mek a, thing kih tur engemawzat awm, clearance kan neih loh pawh tunah chuan MCC in a huam loh turin hmalak a ni a, sumfai Rs.126.56 crore kan dah fel vek tawh a ni. Tuiluankawr tha tak kan siam vek dawn a, hei ringawt pawh hi Aizawl hmel ti thar thei tur a ni a, inkalpawhna tam zawk siam a ni dawn a, kalphung hlui ni lo, kalphung thar kan zawrh hi Mizorama sorkar mek nen lungrual taka thawh a nih theih nan mipuiten thlantlin tur kan hriat a pawimawh takzet a ni. Ram rorelnaah Pathian ram tundin kan tih ang bawkin Municipal-ah pawh Pathian ram lo thleng rawh se," a ti bawk.
AMC Candidate puan leh campaign kick off-na hun chhawng hniha neihah hian chawhma hun dar 11:00 atanga tanah Rev.Dr.Vanlalbela chuan hunserh hmangin Dr.H.Vanlalhluna chuan thusawi tawi hun a hmang a, Pu Eddy Zosangliana Colney, Gen.Secretary chuan kum hnih chhunga ZPM sorkar hmalakna sawi zauhna hun hmangin MZI General Headquarters zaipawlten mipui an awi bawk. Chawhma leh chawhnu hun inkarah chhunchawlh intihhlimna hun hmangin zaithiam hrang hrangte an zai a, chawhnu hun dar 1:00 atanga tanah J.Lalruatsangi chuan zaia mipui awiin Pu Laltluangkima, Convener, Organising Committee chuan lawmthu sawina hun hmangin hun hman zawh a ni.
Aizawl Municipal Corporation (AMC) General Election 2026-a ZPM Official Candidate te -
1. Vanlalhriata, Ward I
2. R.Lalmawipuii, Ward II
3. Vanlalfaka, Ward III
4. Vanlalhriatrengi, Ward IV
5. Dr.Lallawmkimi Tochhawng, Ward V
6. H.Lalremtluanga, Ward VI
7. Zochhuana, Ward VII
8. Christina Roluahpuii Sailo, Ward VIII
9. Zoramchhana, Ward IX
10. PB Lallawmzuala, Ward X
11. Helen Rualchhingi, Ward XI
12. C.Vanlalhruaii, Ward XII
13. Vanlalhruaia, Ward XIII
14. Roy Lalhriatpuia, Ward XIV
15. VL Zamlova, Ward XV
16. R.Lalawmpuii, Ward XVI
17. Lalremruati Sailo, Ward XVII
18. K.Lalrodinga, Ward XVIII
19. Dr.C.Malsawmtluangi, Ward XIX
Sd/-
(BRIAN LALNUNHLIMA)
Secretary
Media & Publicity Department,
ZPM General Headquarters, Aizawl
PR No.ZPM-02/02A/2026/24
Dated 23th March, 2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: