Aizawl | March 30, 2026: ZPM chuan Party Office-ah vawiin khan chhung inkhawm hun an hmang a, thusawitu ZPM Leader & Chief Minister Lalduhoma, chuan, “Opposition kan nih laia kan lo vahvaihpui leh innghahna tam tak chu kan kutah tih theih turin a lo thleng a, Pathian thuin, “Ka thlarau zawkin le” a tih angin he sorkar-ah hian Pathian Thlarau hnathawh a thleng mek a, Assam Rifle sawnchhuah chungchangah te leh Territorial Army din tur chungchangah pawh Zerubabela hunlai ang mai khan thlarau hnathawh a lo thleng mai a ni,” tiin ram pum huap tlawmngai pawl (MZP, MTF etc.)-a nihna pawimawh tak tak chelh leh party hrang hrang atangin ZPM zawm thar mi 15 a lawmlut a. Heng lawmluh tharte hian an awmna veng atangin mi thahnem tak ZPM party-ah membership fee pein an luhpui a ni.
.jpeg)
Lalduhoma chuan, “Tun kum kal mek, nikum April atanga vawiin thlenga sorkarin GPF kan pekchhuah tawh zat chu Rs. 25,892 lakh a tling tawh a. Kan sorkar hma pawha kan sawi ngam he thil vawiina kan ti thei hi kan lawm takzet a ni. Sorkar hmasa khan sorkar hnathawk pension 974 chiah a tihfel sak a, kan sorkar hnuah pension singhnih sangli chuang kan tihfel sak thei,” a ti. Sorkar hmasa leibat chungchang sawiin “Kum 2022-23 Budget session kan neihah Pu C. Lalsawivunga’n leiba chungchanga zawhna a siam chu, Chief Minister leh Finance Minister ni bawk Pu Zoramthanga chuan, “India ramah leiba tam ber pakhatna kan ni” tiin a chhang a. Kan GSDP atang chhutin a zahve aia tam leiba kan nei. ZPM sorkar hnuah sum enkawl thiamna avangin sorkar laipui chuan Rs. 35,000 lakh min pe a. 16th Finance Commission-in kum 5 lo awm tura sum kan dawn dan tur min ruahman sakah India ram puma a chang tam ber 5-na kan ni,” a ti.
Pu Duhoma chuan, “Delhi malsawmna Pathianin min pe a, keini hnam te tak te hi India ram lal ber Prime Minister hriat kan ni. Tuna kan leibat zat hi SASCI avangtein a lang tam lo thei lova, a lan tam hi kan duh zawk. Sorkar hmasaah khan RLB Grant, VC te chan tur kum 2021-22 chhunga 1st Installment Rs. 3,450 lakh an haichhuak a, a bak an haichhuak tawh lo. Kan sorkar hnuah Khawtin hmasawnna tur kan ngaih pawimawh avangin kum 2021-22 2nd instalment atanga tun financial year thlenga hman tur Rs. 36,200 lakh kan haichhuak a, heng zawng zawng hi kan VC te kutah a lut vek dawn. MNF hunlaia VC te dawn tur kha ZMP sorkar hnuaiah VC ten a double-in an dawng dawn a ni,” a ti. AMC hnuaia ULB Grant chungchang sawiin, “Kum 2024-25 khan Rs. 2,976 lakh kan nawrchhuak a. Hei hi AMC-ten an ngawih bopui veng veng a, March 18 khan kan hrechhuak chauh a, MNF AMC-te khan Aizawl an lo vei lo hle a ni. A lapse loh nan Rs. 2,876.88 lakh kan haichhuak leh hman a, Nikum hmasaa mi kan haichhuak a, tuna mite kutah a lut a, tunah kan hmang thei dawn ta chauh a ni. Kum 2025-26 Grant nawrchhuah leh a ngai a, Rs. 3053.20 lakh lapse tur a awm. Tun ni hnih lek la awm chhung hian nawrchhuah kan tum leh mek a ni. Ngaihsak loh avanga hetianga a liam ringawt tur hi a pawi kan ti a, kan ui a, theihtawp kan chhuah a ni,” a ti.
Pu Lalduhoma chuan, “Solid Waste Management Centre (SWMC), Tuiriala paihna tur siam nan AMC-in JCB 3 nei sa renga mimal JCB hawhin Rs. 1.26 crore an seng a, thil mak tak a ni. SIPMIU-in a thlawnin AMC hnenah tripper 50 leh pik up 4 a thlawnin an pe a. October, 2022-a an neih kha a kum lehah hralh an duh ta mai a. Cheng nuai 24 chuanga an neih kha cheng nuai 5 awrhin an hralh leh. Thil dik lo hi kan do tur a ni a. AMC Sports Complex, Bawngkawn chungchangah mi 16 hnena hna inpek chungchang thlengin thil dik tawk lo tam tak a awm mek niin a lang. Mizoram khawpui berah kalphung hlui kaihhruai sorkar AMC a la ding hi kalphung tharah chuan sorkar lai thawhpui thei tur AMC kan thlan ngei a ngai tawh a, AMC tha zawk tih hi kan auhla tur a ni a ti,” a ti bawk.
Vawiin chhung inkhawm hi Pu PB Lalsawmliana, Secretary General chuan a kaihruai a; Upa PC Lianngura, Secretary, Upa Committee chuan hunserh hmangin; March 25, 2026, Zemabawk West Local Council inthlana ZPM atanga thlan tlin mi pali- Lalremchhunga, David Lalsiamliana, Vanneihthanga leh Lalengmawii-te lawmpuina hun hman an ni bawk.
ZPM zawm thar H Lalthianghlima, ITI chuan, “MZP President ni chungin Congress, MNF leh ZPM ka hrawn hman a, eiru lo sorkar leh felfai ber nia ka ngaih ZPM party hi lung si takin ka zawm a, Mizorama party zawng zawng zingah hruaitu nei tha ber a ni bawk. Aizawl khawpui hmangaihtu kan nih chuan AMC inthlan lo awm turah MNF hi thlan tlin leh chi an ni lo,” tiin an telna pawla hruaitu lawk tak tak ZPM zawm tharten thusawina hun an hmang bawk a ni.
Vawiin Thawhtanni (30th March, 2026)-a ZPM zawm thar te –
1. H Lalthianghlima, ITI, Ex-President, MZP
2. Vanlalpara Hrahsel, Dawrpui Vengthar, Gen.Secy (District Congress Committee)
3. Sandy Lalchuangliana, Ex-Secretary, MZP
4. Lalmuankima, Chite, Ex-Asst.Secy, G&S, J.Thankima College
5. Lalramenga Ralte, Tlangnuam, Ex-Secy i/c School Edn.MZP
6. Lalthawmmawia, Kanan Veng, Advocate
7. Samuela Lalnunsanga, Chite, MZP Sub. Hqrs. OB
8. PC Vanlalruatkima, Vaivakawn, MPCC EM & Intelectual Cell Member + 10 voters
9. Lalzikpuii, Dinthar, LC Member term 3, MNF Women Front + Unit President + 43 voters
10. Lalsangzuali, Tuikual South, LC Members term 3 + MNF Women Front Secretary +100 voters
11. Zodinsanga, Thakthing, Secretary, MNF General Hqrs.
12. Lallbiakzuala, Zonuam
13. Khawlrinpuia, Kulikawn, MNF NCM
14. Lalzirliana, Falkland East H/S Headmaster pension
15. Lalzarliana, Chaltlang, Ex - BJP hruaitu
PRESS RELEASE
ZPM General Headquarters, Mizoram: Aizawl
PR No. ZPM-02/02A/2026/25
Dated Aizawl, the 30th March, 2026
ZPM AUHLA CHU AMC THA ZAWK A NI – PU LALDUHOMA
(ZPM-AH MI THAR THAHNEM TAK LAWMLUH AN NI)
Vawiin chawhma dar 11:00 khan ZPM chuan Party Office-ah chhung inkhawm hun kan hmang a, thusawitu Pu Lalduhoma, ZPM Leader & Chief Minister chuan, “Opposition kan nih laia kan lo vahvaihpui leh innghahna tam tak chu kan kutah tih theih turin a lo thleng a, Pathian thuin, “Ka thlarau zawkin le” a tih angin he sorkar-ah hian Pathian Thlarau hnathawh a thleng mek a, Assam Rifle sawnchhuah chungchangah te leh Territorial Army din tur chungchangah pawh Zerubabela hunlai ang mai khan thlarau hnathawh a lo thleng mai a ni,” tiin ram pum huap tlawmngai pawl (MZP, MTF etc.)-a nihna pawimawh tak tak chelh leh party hrang hrang atangin ZPM zawm thar mi 15 a lawmlut a. Heng lawmluh tharte hian an awmna veng atangin mi thahnem tak ZPM party-ah membership fee pein an luhpui a ni.
Pu Lalduhoma chuan, “Tun kum kal mek, nikum April atanga vawiin thlenga sorkarin GPF kan pekchhuah tawh zat chu Rs. 25,892 lakh a tling tawh a. Kan sorkar hma pawha kan sawi ngam he thil vawiina kan ti thei hi kan lawm takzet a ni. Sorkar hmasa khan sorkar hnathawk pension 974 chiah a tihfel sak a, kan sorkar hnuah pension singhnih sangli chuang kan tihfel sak thei,” a ti. Sorkar hmasa leibat chungchang sawiin “Kum 2022-23 Budget session kan neihah Pu C. Lalsawivunga’n leiba chungchanga zawhna a siam chu, Chief Minister leh Finance Minister ni bawk Pu Zoramthanga chuan, “India ramah leiba tam ber pakhatna kan ni” tiin a chhang a. Kan GSDP atang chhutin a zahve aia tam leiba kan nei. ZPM sorkar hnuah sum enkawl thiamna avangin sorkar laipui chuan Rs. 35,000 lakh min pe a. 16th Finance Commission-in kum 5 lo awm tura sum kan dawn dan tur min ruahman sakah India ram puma a chang tam ber 5-na kan ni,” a ti.
Pu Duhoma chuan, “Delhi malsawmna Pathianin min pe a, keini hnam te tak te hi India ram lal ber Prime Minister hriat kan ni. Tuna kan leibat zat hi SASCI avangtein a lang tam lo thei lova, a lan tam hi kan duh zawk. Sorkar hmasaah khan RLB Grant, VC te chan tur kum 2021-22 chhunga 1st Installment Rs. 3,450 lakh an haichhuak a, a bak an haichhuak tawh lo. Kan sorkar hnuah Khawtin hmasawnna tur kan ngaih pawimawh avangin kum 2021-22 2nd instalment atanga tun financial year thlenga hman tur Rs. 36,200 lakh kan haichhuak a, heng zawng zawng hi kan VC te kutah a lut vek dawn. MNF hunlaia VC te dawn tur kha ZMP sorkar hnuaiah VC ten a double-in an dawng dawn a ni,” a ti. AMC hnuaia ULB Grant chungchang sawiin, “Kum 2024-25 khan Rs. 2,976 lakh kan nawrchhuak a. Hei hi AMC-ten an ngawih bopui veng veng a, March 18 khan kan hrechhuak chauh a, MNF AMC-te khan Aizawl an lo vei lo hle a ni. A lapse loh nan Rs. 2,876.88 lakh kan haichhuak leh hman a, Nikum hmasaa mi kan haichhuak a, tuna mite kutah a lut a, tunah kan hmang thei dawn ta chauh a ni. Kum 2025-26 Grant nawrchhuah leh a ngai a, Rs. 3053.20 lakh lapse tur a awm. Tun ni hnih lek la awm chhung hian nawrchhuah kan tum leh mek a ni. Ngaihsak loh avanga hetianga a liam ringawt tur hi a pawi kan ti a, kan ui a, theihtawp kan chhuah a ni,” a ti.
Pu Lalduhoma chuan, “Solid Waste Management Centre (SWMC), Tuiriala paihna tur siam nan AMC-in JCB 3 nei sa renga mimal JCB hawhin Rs. 1.26 crore an seng a, thil mak tak a ni. SIPMIU-in a thlawnin AMC hnenah tripper 50 leh pik up 4 a thlawnin an pe a. October, 2022-a an neih kha a kum lehah hralh an duh ta mai a. Cheng nuai 24 chuanga an neih kha cheng nuai 5 awrhin an hralh leh. Thil dik lo hi kan do tur a ni a. AMC Sports Complex, Bawngkawn chungchangah mi 16 hnena hna inpek chungchang thlengin thil dik tawk lo tam tak a awm mek niin a lang. Mizoram khawpui berah kalphung hlui kaihhruai sorkar AMC a la ding hi kalphung tharah chuan sorkar lai thawhpui thei tur AMC kan thlan ngei a ngai tawh a, AMC tha zawk tih hi kan auhla tur a ni a ti,” a ti bawk.
Vawiin chhung inkhawm hi Pu PB Lalsawmliana, Secretary General chuan a kaihruai a; Upa PC Lianngura, Secretary, Upa Committee chuan hunserh hmangin; March 25, 2026, Zemabawk West Local Council inthlana ZPM atanga thlan tlin mi pali- Lalremchhunga, David Lalsiamliana, Vanneihthanga leh Lalengmawii-te lawmpuina hun hman an ni bawk.
ZPM zawm thar Pu H Lalthianghlima, ITI chuan, “MZP President ni chungin Congress, MNF leh ZPM ka hrawn hman a, eiru lo sorkar leh felfai ber nia ka ngaih ZPM party hi lung si takin ka zawm a, Mizorama party zawng zawng zingah hruaitu nei tha ber a ni bawk. Aizawl khawpui hmangaihtu kan nih chuan AMC inthlan lo awm turah MNF hi thlan tlin leh chi an ni lo,” tiin an telna pawla hruaitu lawk tak tak ZPM zawm tharten thusawina hun an hmang bawk a ni.
Sd/-
(BRIAN LALNUNHLIMA)
Secretary
Media & Publicy Dept.
ZPM Gen. Hqrs.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: