ONLINE-AH TLAWMNA NUN NEI RAWH

_Thil Pawimawh Sawihona_

By Rick Warren 

March 3, 2026

“Mi â chu a ât dan angin chhâng suh, Amah ang i lo ni hlauh dah ang e.” Thufingte 26:4 

Online ah hian thil ṭha lo a tam hle mai a. Social media ah phei chuan rilru ṭha lo put leh inhnialna atthlaka tel a awl hle a. Mi an nihna ang anga va sawi phawng mai hi awl tak a ni.  

Bible chuan, “Nimahsela zawhna atthlak te, Dan thua insualna te chu hawisan zel rawh; chung chu thil sawt lo leh engmah lo a ni si a.” (Tita 3:9).         

Pathian chuan inhnialna atthlaka tello turin a ti che a, online-a inhnialna te hi a tel vek a ni. Midang hnialpui chak zek zek mi engemawzat an awm a ni. Inhnialna tur an zawng a ni. Chung mite inhnialna chu atthlak mai a ni a, engmah an tidanglam thei chuang lo a ni. Bible chuan inhnialna chunhchang hetiang hian a sawi a: “Meiling chu meihawl tivamtu leh thing chu mei tialhtu a ni angin an hmang mi chu insualna tialhtu a ni.” (Thufingte 26:21).

Thil a punlun zelna turin ti suh. “Mi â chu a ât dan angin chhâng suh, amah ang i lo ni hlauh dah ang e.” (Thufingte 26:4). Anmahni thangah awk suh!          

Miin an sawidan che hian awmzia engmah a nei lo va, i hlimna tur dal theihna chhan engmah an nei lo che a ni. Chung ai chuan Isuan i  ngaih pawimawh zawk tur hetiang hian a sawi a ni: “Ka hrilh a che u, miten thu lawi lo an sawi apiang, chu thu chu Rorel niah chuan an sawi fiah a la ṭul ang.” (Matthaia 12:36).         

Rorelna ni ah chuan, phone emaw online emaw hmanga ka thusawi zawng zawngte hi sawifaih a la ṭul dawn a ni. Chuvangin thil i post dawn reng rengin chu chu i ngaihtuah hmasa tur a ni.

Bible-in Thufingte 13:10 ah chapona chuan inhauna mai a tichhuak a. (Thufingte 13:10). Inhnialna awmna chhan chu chapona vang a ni. Mi chapo leh mi chapo an intawh chiah hian inhnialna a lo chhuak ṭhin a ni.

I online hmain Pathian hnenah inngaihtlawmna thinlung dil hmasa ṭhin rawh. Mei i hmachhawn hunah i mamawh dawn a, a hun takah hmangaihna ṭawngkam i chhuah theihnan i mamawh a ni.

Ngaihtuah zui atan

* Social media thianghlim zawka khawih i duh chuan i insiamṭhat hmasak a ṭul dawn a ni. Vawiinah hian danglamna thlen turin engnge i tih theih?

* Hmaichhana i sawi ngam loh tur online hmanga i sawi ngam si a awm em? Engvangin nge chutianga hmai hnih neia i awmna chhan nia i hriat le?

* Tunlai chanchin inhnialna boruak sangtak i hmachhawn dan tur Pathianin engtinnge a sawi nia i rin le?

*ISUA KRISTA HNENAH TLAWMNA NUN NEI TURIN I INHLAN THEI EM?*

He ṭawngṭaina mawlte hmang hian ṭawngṭai rawh “Lalpa, misual ka ni a, ka sualna ka rawn puang e. I ngaihdamna ka rawn dil a che. Isua Krista chu i fapa a ni tih ka pawm a. Ka sualna avangin a thi a, i kai tho leh a ni tih ka pawm e. Ka chhandamtu atan ka pawm che a, vawiin aṭang hian Lalpa chu zui turin ka inpe e. Ka nun min hruai la, i duhzawng ti turin min pui ang che. Isua hmingin ka dil a che. Amen.”

Isua pawm tura i ṭawngṭai thei anih chuan email min rawn thawn la, chanchin min hrilh ang che Rick@PastorRick.com. Isua nena nun bul i ṭan theihnana ṭul leh pawimawh lehkhabu a thlawnin ka pe ang che.

*[Lettu: Sangpuia]*