Aizawl | March 2, 2026: ZPM General Headquarters Aizawl chuan vawiin khan an party office-ah chhung inkhawm an hmang a, Rev Dr K Thanzauva ZPM Party Consultant chuan thusawiin, ‘ZPM a ka tel ve chhan hi corruption chungchang a tha zawnga hma la thei an nih ka beisei vang a ni a, tun dinhmunah kan Chief Minister leh Minister te an fihlim hi keini chauhin kan sawi lova, corruption chungchang zir bing thin Center For Media Studies (CMS) in a tarlan danin India ram state zingah eiruk tlemna ber zingah kan tel tawh a ni’, a ti.
Rev Dr K Thanzauva chuan thusawi zawmin, “UT kan nih tawp lamah khan kan Budget chu Nuai 440 vel chauh a ni, tunah chuan Vaibelchhe 17000 a chuang ta, hemi bakah hian thil tamtak a lo luang lut a, Central sorkar in sum min pek hi management thiam chuan state hmasawnna tak tak a thleng thei a ni. Party- a lut si lovin MNF leh Congress sorkar te kha ka thawhpui ve ve a, ngun takin thil ka ngaihtuaha corrupt lo party din a ngai a nih hi ka ti ta a, mi thahnemngaite nen hma kan la a, ZPM hi a lo piang ta a ni. Kan Healthcare system lo tha ta te hi ka lawm em em a, ram danga kan hmuh thin ang leh kan lo awh rilruk ve em em chu kan hmang ve thei ta reng mai a, thil chhinchiah tlak tak a ni. PWD Minister, corruption tel lova hnathawh ka duh ti ngei khan hma an la tak taka kawngpui tha deuh kan nei ta te hi a hmuhnawm hle a ni. ZPM sorkar lai taka Rail lo lut te hi amak hle in ka hria, malsawmna a keng tel a ni. Sorkar hmasaten Assam Rifles te Aizawl khawpui laili atanga sawnchhuah tumin hma an la a, an chhuah hun tak tak chu kan sorkar lai anni leh zel te hi Pathian hian min va duhsak em em ve maw le ka ti thin a ni. Ka mimala ka lo vei em em Academic Calendar tih danglam a lo ni dawn ta te hi a lawmawm ka ti a, Mizo hnam zia nen a inmil thlap tawh dawn a, kan hunpui Krismas pawh hlim takin kan hmang thei tawh dawn a ni,” a ti.
ZPM Consultant chuan, ‘’Zirnaah hian harhthar lehna kan mamawh hle, Mizo thalaite hi kan duh tak tak chuan infiamnaah te, zaiah te pawh All India-ah hian kan lang mai. Central service ni tur hian tih tak takna kan neih thar leh a ngaiin ka hria, kan coaching center te pawh intuaithar leh zual kan ngai. Arunachal Pradesh ka tlawha an School zawng zawngah CBSE syllabus an lo hmang vek a, chuta ka thil rawn hawn chu Mizoramah pawh hian kan District Headquarters tinah hian Kohhran leh Sorkar tangkawpin CBSE Syllabus hmang School din theih nise ka duh hle a ni. Churachandpur ka tlawh leh a, All India-ah Central service tling tam ber District an ni a, Kuki hnam peng pakhat Haokip hnam ringawtin IAS leh IPS an neih zat khi Mizoram puma IAS leh IPS aiin an tam daih zawk a ni. Heng thil a thlen theihna chhan hi coaching center an neih that piah lamah zirna hi beih tak takin an bei tih ka han hmu a, zing dar 5 rik hmain zirlaiten coaching center an thleng hman a ni. Mizoram thalaite hi nawmchen kan uar ta lutuk niin ka hria a, mahni tan chauh ni lo he hnam hmangaihna thinlung pu chungin zirnaah i kir leh ang u. Kerala ram pawh zirna lama an san reng theihna chhan chu Christian mission hmanga zirna an vawngnun tlat theih vang a ni a, Mizoramah hian Minister pakhatin a tih danglam ngawt theih a ni tawh lo, kan za vaia kan tan tlan a ngai a ni. Ram leh hnam hmangaihna tak tak atangin hma la i la, kan politician te pawh hian Patriotic tak tak rilru pu se, India ram hmarchhak kil atang hian hma kan sawn leh theih ka ring tlat a ni. Building ropui tak tak te pawh mamawh tho mah i la, system tha hi kan mamawhber a ni a. Kan Healthcare system te hi tha reng se la, kan Education system te hi tha chho zel se, State corrupt lo ber zingah min tarlang duh a nih chuan kan system a that zel chuan chanchintha hi sawi lo mah i la, he ram atang hian chanchintha hian India ram a thleng tho tho dawn a ni” a ti.
Vawiin chhung inkhawm hi Er.Lalhmingliana PAC member chuan a kaihhruaia, Upa C Lalengliana ZPM Upa Committee Sr.Vice President chuan hunserh a hmang a, Party President Pu Lalliansawta leh party hruaituten inkhawm hi min uap a, party mi thahnemtak chhung inkhawmah hian an tel a ni.
PR.No.ZPM-02/02A/2026/20
Dated 2nd March, 2026
PRESS RELEASE
(ZPM General Headquarters, Aizawl)
Kan Healthcare system lo tha ta te hi ka lawm em em a, ram danga kan hmuh thin ang leh kan lo awh rilruk ve em em chu kan hmang ve thei ta reng mai a, thil chhinchiah tlak tak a ni
-Rev Dr K Thanzauva
Dated Aizawl, 2nd March.2026 ; Vawiin hian ZPM General Headquarters chuan chhung inkhawm party office ah kan hmang a, Rev.Dr K Thanzauva ZPM Party Consultant chuan thusawiin, ‘ZPM a ka tel ve chhan hi corruption chungchang a tha zawnga hma la thei an nih ka beisei vang a ni a, tun dinhmunah kan Chief Minister leh Minister te an fihlim hi keini chauhin kan sawi lova, corruption chungchang zir bing thin Center For Media Studies (CMS) in a tarlan danin India ram state zingah eiruk tlemna ber zingah kan tel tawh a ni’, a ti
Rev. Dr K Thanzauva chuan thusawi zawmin, “UT kan nih tawp lamah khan kan Budget chu Nuai 440 vel chauh a ni, tunah chuan Vaibelchhe 17000 a chuang ta, hemi bakah hian thil tamtak a lo luang lut a, Central sorkar in sum min pek hi management thiam chuan state hmasawnna tak tak a thleng thei a ni. Party- a lut si lovin MNF leh Congress sorkar te kha ka thawhpui ve ve a, ngun takin thil ka ngaihtuaha corrupt lo party din a ngai a nih hi ka ti ta a, mi thahnemngaite nen hma kan la a, ZPM hi a lo piang ta a ni. Kan Healthcare system lo tha ta te hi ka lawm em em a, ram danga kan hmuh thin ang leh kan lo awh rilruk ve em em chu kan hmang ve thei ta reng mai a, thil chhinchiah tlak tak a ni. PWD Minister, corruption tel lova hnathawh ka duh ti ngei khan hma an la tak taka kawngpui tha deuh kan nei ta te hi a hmuhnawm hle a ni. ZPM sorkar lai taka Rail lo lut te hi amak hle in ka hria, malsawmna a keng tel a ni. Sorkar hmasaten Assam Rifles te Aizawl khawpui laili atanga sawnchhuah tumin hma an la a, an chhuah hun tak tak chu kan sorkar lai anni leh zel te hi Pathian hian min va duhsak em em ve maw le ka ti thin a ni. Ka mimala ka lo vei em em Academic Calendar tih danglam a lo ni dawn ta te hi a lawmawm ka ti a, Mizo hnam zia nen a inmil thlap tawh dawn a, kan hunpui Krismas pawh hlim takin kan hmang thei tawh dawn a ni,” a ti.
ZPM Consultant chuan, ‘’Zirnaah hian harhthar lehna kan mamawh hle, Mizo thalaite hi kan duh tak tak chuan infiamnaah te, zaiah te pawh All India-ah hian kan lang mai. Central service ni tur hian tih tak takna kan neih thar leh a ngaiin ka hria, kan coaching center te pawh intuaithar leh zual kan ngai. Arunachal Pradesh ka tlawha an School zawng zawngah CBSE syllabus an lo hmang vek a, chuta ka thil rawn hawn chu Mizoramah pawh hian kan District Headquarters tinah hian Kohhran leh Sorkar tangkawpin CBSE Syllabus hmang School din theih nise ka duh hle a ni. Churachandpur ka tlawh leh a, All India-ah Central service tling tam ber District an ni a, Kuki hnam peng pakhat Haokip hnam ringawtin IAS leh IPS an neih zat khi Mizoram puma IAS leh IPS aiin an tam daih zawk a ni. Heng thil a thlen theihna chhan hi coaching center an neih that piah lamah zirna hi beih tak takin an bei tih ka han hmu a, zing dar 5 rik hmain zirlaiten coaching center an thleng hman a ni. Mizoram thalaite hi nawmchen kan uar ta lutuk niin ka hria a, mahni tan chauh ni lo he hnam hmangaihna thinlung pu chungin zirnaah i kir leh ang u. Kerala ram pawh zirna lama an san reng theihna chhan chu Christian mission hmanga zirna an vawngnun tlat theih vang a ni a, Mizoramah hian Minister pakhatin a tih danglam ngawt theih a ni tawh lo, kan za vaia kan tan tlan a ngai a ni. Ram leh hnam hmangaihna tak tak atangin hma la i la, kan politician te pawh hian Patriotic tak tak rilru pu se, India ram hmarchhak kil atang hian hma kan sawn leh theih ka ring tlat a ni. Building ropui tak tak te pawh mamawh tho mah i la, system tha hi kan mamawhber a ni a. Kan Healthcare system te hi tha reng se la, kan Education system te hi tha chho zel se, State corrupt lo ber zingah min tarlang duh a nih chuan kan system a that zel chuan chanchintha hi sawi lo mah i la, he ram atang hian chanchintha hian India ram a thleng tho tho dawn a ni” a ti.
Vawiin chhung inkhawm hi Er.Lalhmingliana PAC member chuan a kaihhruaia, Upa C Lalengliana ZPM Upa Committee Sr.Vice President chuan hunserh a hmang a, Party President Pu Lalliansawta leh party hruaituten inkhawm hi min uap a, party mi thahnemtak chhung inkhawmah hian an tel a ni.
Sd/-
(EDDIE LALHMANGAIHZUALA)
Secretary, Media & Publicity Department
ZPM General Headquarters, Aizawl
PR.No.ZPM-02/02A/2026/20
Dated 2nd March, 2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: