"hmeichhia leh naupangte hi kan humhalh a, an laka nungchang mawi lo taka lantirtute chu a en liam mai mai dawn lo," - MZP
Aizawl | March 24, 2026: Mizo Zirlai Pawl (MZP) chuan Mizoram rawn tlawhtu (Tourist) hrang hrang lo pung chho mekah, khualpang zin leh thildanga Mizoram rawn tlawhtute hian thil an hriat ngai leh an fimkhurna tur awm niin a hria a. Mizo nunzia leh khawsakphung te an ngaihpawimawh leh zah a beiseiin a phut tlat a ni.
Hemi chungchanga hian MZP chuan vawiin khan thuchhuha siamin, "hnam dang (Tourist) Mizoram rawn tlawhte'n a social media leh thil dang danga thehdarh tur digital content an siamte hian Mizo hnam, sakhua leh khawtlang timualpho thei tur chu siam lo turin a chah a. Mimal in leh biak inahte video emaw thlalak pangngai emaw pawh nise, phalna nei lo chuan pawng lak mai mai lo tur leh Tourist Mizoram la rawn tlawh leh zel tur te pawhin, Mizo min hmuh dan a dik lo zawnga a hruai theihna tur thilah phei chuan fimkhur hle turin a hriattir a ni. Mipui nawlpui awm dan leh nunphung pangai aia uchuakin khawiah pawh awm lo turin a ngen a. A bikin sakhaw hmun leh biakinte hi zah a, Mizo hnam leh nunzia te zahin, Mizo mipuite mit ti kham lo zawnga awm turin khualzinte a chah a ni," an ti.
"Hmeichhia leh hmeichhe naupangte hi an thla emaw video emaw la a, mi ngaihdan hruai kawi thei tur zawnga pholan te hi MZP chuan a duh lo a. Khawlai ilo a hmuh remchan apiang kawm a, Mizo chanchin a hluhlang zawng leh kimchang lo thehdarh zui pawh a rem ti lo a ni. Mizo chanchin ngaihven leh hre chiang duh chuan thil hre zik tluak leh puitling deuhte atanga thil ngaihven hram hram turin khualzinte a ngen a ni,"
"Mizote hi chuan hmeichhia leh naupangte hi kan humhalh a, an laka nungchang mawi lo taka lantirtute chu a en liam mai mai dawn lo a, a tul dan ang zelin khawtlang angin emaw dan hmangin hma kan la zel dawn a ni,"
"Mizoram rawn tlawhtute chuan hei hi a hre reng tur a ni a, vantlang mithmuha mawi lo leh mit ti kham zawnga awm loh tur a ni. Tu pawh, eng hna thawk mi pawh Mizoram-ah chuan kan inzahtawn a, taxi driver, two-wheeler taxi driver leh service provider tu pawh zah pah lo taka tih mai mai MZP chuan kan remti lo a,"
"Mizoram-a chengte hian khawsakho leh nundan mawi danglam tak kan nei a, mite hmuh atan kan chhuang hle a. Min rawn tlawh pawp a, kan ram leilung mawi leh boruak thianghlim te rawn chhim duh tan kan rilru zau takin a inhawng a. Mikhual duat leh zah hnam pawh kan ni a, Tourism lama sorkar hmalakna pawh MZP chuan a thlawp hle a ni. Mahse, mikhual laka that kan chhuahnate leh mikhual kan lawm viau avanga hian min zuam phah tur a ni lo,"
"Mizoram rawn tlawh tur reng reng chuan Inner Line Permit (ILP)neih ngei ngei tur a ni a, Temporary ILP hi awlsam takin a lak theih bawk. Mahse, hei hi sumdawn phalna emaw, hnathawka inhlawh phalna emaw a ni lo tih hriat tur a ni. Chuvangin, Mizoram tlawhtute reng reng chuan ILP hi ngaihpawimawh tur a ni," tiin an thuchhuah chuan an tarlang bawk.
No. E-93/MZP-GHQ/ 2025-2027/19
Dated Aizawl the 24th March, 2026
MZP PRESS RELEASE
Mizo Zirlai Pawl(MZP) chuan Mizoram rawn tlawhtu(Tourist) hrang hrang lo pung chho mekah, khualpang zin leh thildanga Mizoram rawn tlawhtute hian thil an hriat ngai leh an fimkhurna tur awm niin a hria a. Mizo nunzia leh khawsakphung te an ngaihpawimawh leh zah a beiseiin a phut tlat a ni.
MZP chuan, hnamdang(Tourist) Mizoram rawn tlawhte'n a social media leh thil dang danga thehdarh tur digital content an siamte hian Mizo hnam, sakhua leh khawtlang timualpho thei tur chu siam lo turin a chah a. Mimal in leh biakinahte video emaw thlalak pangngai emaw pawh ni se, phalna nei lo chuan pawng lak mai mai lo tur leh Tourist Mizoram la rawn tlawh leh zel tur te pawhin, Mizo min hmuh dan a dik lo zawnga a hruai theihna tur thilah phei chuan fimkhur hle turin a hriattir a ni. Mipui nawlpui awm dan leh nunphung pangai aia uchuakin khawiah pawh awm lo turin a ngen a. A bikin sakhaw hmun leh biakinte hi zah a, Mizo hnam leh nunzia te zahin, Mizo mipuite mit ti kham lo zawnga awm turin khualzinte a chah a ni.
Hmeichhia leh hmeichhe naupangte hi an thla emaw video emaw la a, mi ngaihdan hruai kawi thei tur zawnga pholan te hi MZP chuan a duh lo a. Khawlai ilo a hmuh remchan apiang kawm a, Mizo chanchin a hluhlang zawng leh kimchang lo thehdarh zui pawh a rem ti lo a ni. Mizo chanchin ngaihven leh hre chiang duh chuan thil hre zik tluak leh puitling deuhte atanga thil ngaihven hram hram turin khualzinte a ngen a ni.
Mizote hi chuan hmeichhia leh naupangte hi kan humhalh a, an laka nungchang mawi lo taka lantirtute chu a en liam mai mai dawn lo a, a tul dan ang zelin khawtlang angin emaw dan hmangin hma kan la zel dawn a ni.
Mizoram rawn tlawhtute chuan hei hi a hre reng tur a ni a, vantlang mithmuha mawi lo leh mit ti kham zawnga awm loh tur a ni. Tu pawh, eng hna thawk mi pawh Mizoram-ah chuan kan inzahtawna, taxi driver, two-wheeler taxi driver leh service provider tu pawh zah pah lo taka tih mai mai MZP chuan kan remti lo a.
Mizoram-a chengte hian khawsakho leh nundan mawi danglam tak kan nei a, mite hmuh atan kan chhuang hle a. Min rawn tlawh pawp a, kan ram leilung mawi leh boruak thianghlim te rawn chhim duh tan kan rilru zau takin a inhawng a. Mikhual duat leh zah hnam pawh kan ni a, Tourism lama sorkar hmalakna pawh MZP chuan a thlawp hle a ni. Mahse, mikhual laka that kan chhuahnate leh mikhual kan lawm viau avanga hian min zuam phah tur a ni lo.
Mizoram rawn tlawh tur reng reng chuan Inner Line Permit (ILP)neih ngei ngei tur a ni a, Temporary ILP hi awlsam takin a lak theih bawk. Mahse, hei hi sumdawn phalna emaw, hnathawka inhlawh phalna emaw a ni lo tih hriat tur a ni. Chuvangin, Mizoram tlawhtute reng reng chuan ILP hi ngaihpawimawh tur a ni.
Sd/-
(C. LALHMINGSANGA)
General Secretary
Ph: +91 7005941431
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: