BTS haw runpui concert a pui - chhimtu an thahnem; inhnialna a tam

Aizawl | March 24, 2026: Kum 2010-a din, South Korean boy band BTS chuan tunhnai khan haw runpui concert an nei a, chhimtu an thahnem hle a, mi nuai hnih chuan an pungkhawm niin tarlan a ni a, hetihlai hian, korea media thenkhat erawh chuan, hei ai hian a tlem niin an tarlang thung!

Indian Express chuan, March 21 Inrinni-a BTS haw runpui concert chu mi 2,60,00 chuangin an chhim thu tarlangin, ram 190 velah live- a pekchhuah a ni a, South Korean history-a public concert-a punkhawm tam ber tum a nih thu a tarlang.

BTS chuan, March 21 zan khan an comeback album 'ARIRANG' pualin Gwanghwamun Square-ah free concert an nei a, kawtthler-a concert an ni si a, pungkhawm an tam deuh nge ni, mipui nunphung a tibuai a, sawisel a hlawh hial niin tarlan a ni a. Indulge Express chuan, "BTS Arirang tour faces criticism after overwhelming crowds disrupt daily life in central Seoul," tiin an tarlang hial! He hmuna chhimtu mipui zatah inhnialna a chhuak nasa hle a,mi nuai hnih leh sing ruk chuang an pungkhawm niin thu dawn a ni.

Mahse, Mahse, BTS haw runpui concert a pui - chhimtu an thahnem; inhnialna a tam - nuai 2 an chuang, an chuang lo!

Thu kal dan chu:

BTS chuan an comeback album "ARIRANG" pualin free concert Gwanghwamun Square-ah an nei nghal bawk a nih kha, khatah khan a chhimtu mipui zatah inhnialna a chhuak nasa hle a, khawthlang lam media leh k-media outlet hrang hrang ten an lo predict zat kha 250K (nuai hnih singnga) vel mipui pungkhawm turin anlo beisei a, he an lo rinlawk hi a dik ngei a ni tih kan rawn sawifiah dawn a ni.

A hmasa berin Gwanhwamun hi stadium emaw arena emaw a ni lova, an historical place zinga mi niin, a hungna bang te pawh a awm lem lova open air vek niin a hmun hma velah hian mipui 22k vel leng thei anga chhut a ni bawk. Mahse, BTS ten concert an neih dawn avang hian hemi Gwanhwa awmna kawtthler te nen ṭang kawpa an zauh hnuah mipui 100k vel thleng pawh leng tura ruahman a ni a, mahse hetah pawh helai hmun chan tuma kal an tam em avangin police duty lam pawn an khap seng bik lova, HYBE collector in a tarlan dangin mipui 104K vel an pungkhawm a ni.

BTS concert chhim tur hian tourist an ṭhahnem hle a, Gwanhwa leh a chhehvela leng lo pawh mipui tam tak an awm a, hengte avang hian Seoul Metropolitan Government chuan an rama city hall lian ber Seoul Plaza theater chhung leh a pawn lamah Big Screen-a enna hmun siam sakin hetah pawh a chhung hi mipui 28k leng a ni a, a pawn a entute nen phei chuan 60k an chuang daih a ni. Heng bakah hian Gwanhwa chhehvel veng Deoksugung leh Sungnyemun lamah te pawh big screen-a pekchhuah ni bawk.

BTS comeback concert vang hian S Korea ah khualzin nasa takin an punga, Korea Culture and Tourism Institute (KCTI) te chuan heng tourist te aṭang hian Won 1.4 Trillion, India ram pawisa a Tluklehdingâwn 88 chuang zet an ram hian a lakluh thu an report a, an ram economics pawhin nasa takin hma a sawn pui bawk a ni.

Heng zawng zawng thlir hian BTS te comeback hi K-media outlet leh khawthlang lam media te chuan "𝗦𝗼𝘂𝘁𝗵 𝗞𝗼𝗿𝗲𝗮-𝗮 𝘃𝗮𝘄𝗶𝗸𝗵𝗮𝘁𝗮 𝗺𝗶𝗽𝘂𝗶 𝗽𝘂𝗻𝗸𝗵𝗮𝘄𝗺 𝘁𝗮𝗺 𝗯𝗲𝗿 ṭ𝘂𝗺 𝗮𝗻𝗶" an ti hial a ni.

Hetih mek lai hian, HYBE stock tlakhniam chhanah BTS te hming lam rik te a lo ni lehzel a,kan hriat angin BTS comeback concert hi a free anih vangin HYBE tan engmah hlawk a awm hran lova tuna an stock tlakhniam chhanah pawh hian BTS nen inkungkaihna pakhat mah a awm lo bawk. Tunhnaiah Enhypen member Heesung chuan an group chhuahsanin a solo career a chhunzawm tur thuin min deng dawta, heng aṭang te hian Belift Lab leh HYBE te chuan demna leh hmingchhiatna a tawk nasa reng a, an stock pawhin tlakhniam lam apan chak em em rênga, mahse BTS te comeback hnuah an stock price in ngawi rawn awh ṭankn, post picture-a kan hmuh ang khian vawiin thlengin an stock price rate a pung zel zawk a ni.