Aizawl | March 24, 2026: Mizoram sorkarin April 1, 2026 aṭanga kalpui ṭan a tum Mizoram Universal Health Scheme (MUHCS) 2.0 ah Mizoram Civil Pensioners Association (MCPA) an lungawi lo.
MCPA chuan MUHCS 2.0 ah hian a hma aia dinhmun chhe zawka dah nia an inhriat avangin an lungawilo a, an lungawilohna chungchang sawiho turin March ni 28, 2026 (Inrinni) chawhma dar 11 hian Vanapa Hall-ah Emergent Special Assembly an ko.
Nimina MCPA thuchhuahin a tarlan danin, "MUHCS 2.0 atana Pensioner / Family Pensioner te dinhmun thar a rawn ti chhuak a, kan MUHCS hman mek aia dinhmun chhe zawk daiha min dah chu Pensioner / Family Pensioner ten hriatthiam har kan tiin kan lungawilo tlang hlawm hle a ni tih MCPA Branch hrang hrang atang leh Whatsapp Group kaltlang a member te ngaihdan tarlan atangin a hriat theih," an ti a.
MCPA chuan, "Hemi chungchangah hian MCPA General Headquarters Office Bearers Emergent Meeting pawh Dated 23.03.2026(Monday) chhunah neih a ni a. He Meeting hian MUHCS 2.0 hmanga Pensioner / Family Pensioner dinhmun tha lo taka min dah, min siam that sak hma chu MUHCS 2025 hi min hman tir hrih tura Sawrkar ngen a rel," tiin an atrlang bawk.
MIZORAM CIVIL PENSIONERS’ ASSOCIATION
General Headquarters, Opposite Tennis Court, Aizawl, Mizoram
(Regn. No. S.R. 16 of 1989). Ph. 2322041
email_: mcpa2015@gmail.com
(Affiliated to Bharat Pensioners’ Samaj, New Delhi)
(Affiliation No : M-3648)
No. MCPA.5/2014 Aizawl, the 23 March 2026
EMERGENT SPECIAL ASSEMBLY KOHNA
Government of Mizoram, Finance Department (Economic Affairs) chuan Notification No. D.12015/1/2025-FEA Dated 20.03.2026 hmangin Mizoram Universal Health Care Scheme 2.0 atana Pensioner / Family Pensioner te dinhmun thar a rawn ti chhuak a, kan MUHCS hman mek aia dinhmun chhe zawk daiha min dah chu Pensioner / Family Pensioner ten hriatthiam har kan tiin kan lungawilo tlang hlawm hle a ni tih MCPA Branch hrang hrang atang leh Whatsapp Group kaltlang a member te ngaihdan tarlan atangin a hriat theih a.
Hemi chungchangah hian MCPA General Headquarters Office Bearers Emergent Meeting pawh Dated 23.03.2026(Monday) chhunah neih a ni a. He Meeting hian MUHCS 2.0 hmanga Pensioner / Family Pensioner dinhmun tha lo taka min dah, min siam that sak hma chu MUHCS 2025 hi min hman tir hrih tura Sawrkar ngen a rel a.
Hmalak chhoh zel dan tur te leh thil pawimawh sawiho turin a hnuaia hun leh hmun tarlanah hian MCPA General Headquarters chuan MCPA Emergent Special Assembly a ko va, MCPA Member a tam thei ang ber tel turin kan in sawm e.
A hun: Dated 28.03.2026(Inrinni) Chawhma dar 11:00
A hmun : Vanapa Hall, Tuikual South
(PROF LIANZELA) (F LALRINAWMA)
President General Secretary
9862324657 9436155636
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: