MNF hian ram rotling tak tak sawisen loh kan buaipui a, kan din tawh a, ZPM sorkar hi kan kuhmumah an par," - "sorkar hmasa thil tih that, anmahni tih ang vek maia an sawi pawlh vek mai hi chu a fel lo," ~ Dr Thangtea

Aizawl | March 30, 2026: Mizo Hnam Run chhung inkhawm chu vawiin khan an nei a, MNF President leh Ex CM Zoramthanga chuan AMC election 2026 Manifesto a tlangzarh. MNF Sr Vice President, Ex Minister Dr R Lalthangliana, MLA chuan he hunah hian thusawiin, "Aizawl-ah hian mifing leh fel tak tak, thil awmze man thiam leh hria an tam, ZPM sorkar hian min bawl mai mai tum tawh suh se. State capital Aizawl atanga Thenzawla sawn tumna chu, document hmuhtur nen a awmreng laiin, Peace City, tiin an sawi leh daih a.

MNF SR vice President chuan, "Assembly House-ah nikum maiah uluk takin sorkar Bill putluh a ni a, chumi putluh tawh chu a thiattu tur kha chu  assembly chu a ni ngei mai a, mahse, kha in a a thiah hma khan CM Lunglei va kal hian a thiat nia mawle, Cabinet meeting pawh a awm lo reng reng," a ti a, "sorkar hmasa thil tih that, anmahni tih ang vek maia an sawi pawlh vek mai hi chu a fel lo," a ti bawk.

"AMC inthlan hi an zuam vaklo a ni ang, term zawh hnuah pawh corporator-te kut phuarsak siin inthlan hun an pawtsei a. Mipuiin oil kan leina chhiah chawi tlingkhawm hmangin kawng an cheitha a, hei hi tutetan pawha thil harsa lo, lemchanna chikhat mai a ni. Tun tum AMC election lo awm turah hian MNF ten candidate kan duhtui a, Aizawl khawpui hmasawnna atan hna tamtak, rotling kan lo thawh tawh avangin beiseina sang tak kan nei a ni," a ti. 

Dr. Thangtea chuan, Assam Rifles khawpui chhung atanga sawnchhuah chungchang hi MNF sorkar pian hmasak ber, Pu Laldenga CM na hnuaia buaipui tan daih tawh kha a ni a. Khatih hunlaia Revenue Minister, Pu Tawnluia hmalaknain Zokhawsanga an insawnna tur ram buaipui a ni tawh a. MNF General Assembly vawi 25 na, Oct ni 21 - 22, 1987 ah, AR chhuahsan tur ram chu public purpose atan chauhva hmantur a ni, tiin kan lo rel daih tawh bawk a ni. AR sawnchhuak tur hian MNF in tha a thlah ngai lova, ZPM sorkar leh an insawnchhuah hun a innangfuh ta a ni, a ti. 

Dr. R. Lalthangliana, Dampa bialtu MLA chuan, hun engemaw chen a chawlh hnua Assembly House-ah mak tih deuh deuh ka nei a. Kan state budget aia kan leiba cheng vbch. 2,008.23 zeta a tam zawk tlat mai hi ka hriat vawikhatna a ni a. Chief Minister in House-a thu passed tawh, cabinet meeting-a sawihona pawh awmlova a ti danglam mai te kha a mak khawp mai. Sum tamtak kan hmuh thu leh kan tihthat vanga lawmman tamtham tak kan dawn thu CM in a sawireng laiin, SASCI a kan sum hmuhtur chu kan thenawm Manipur ten vbch 2400 an chan laiin, state dangte aia tlemzawk fe, vbch 100 chauh a ni lawi si a. Sorkar hmasate hmalakna ZPM te hian fak an hreh em em a. Vawikhat MLA ni a minister ni nghal deuhvek an nih avangin an veikhawr ve deuh pawh a ni ang a. Chutihrualin, Chief Minister hova thubelhchian dawllo leh dawtsawi an chin hi bansan se ka duh thu leh Assembly House chu thudik tak chauh sawina hmuntura ka ngaih thu House-ah pawh ka sawi a ni, a ti. 

Health Minister lo ni tawh, Dr. Thangtea chuan, MNF sorkar laia CM Pu Zoramthanga'n a ngaih pawimawh em em healthcare scheme kan duanfel vek tawh, a taka kan hman hmanloh chu, chhunhan pakhat pawh danglam mang lovin ZPM ten MUCHS tiin an hmang a, kan hmalakna an chhunzawm thei leh kan ruahmansa leh kan sum hman bang an rochun thei hi a lawmawm hle a ni. MNF hian ram rotling tak tak sawisenloh kan buaipui a, kan din tawh a, ZPM sorkar hi kan kuhmumah an par, a tih loh theihloh a ni, a ti. 

MNF Sr Vice President chuan, ZPM sorkar hnu reiloteah MNF in inthlan awm zawng zawng deuhthawah hnehna kan chang zel a. ZPM ten hnehna an chan ve chhun pawh, kan hlahthlemna awm tak chauhvah a ni. Lengpui scam pawh MNF ten CBI chhuitir kan huamin kan duh em em a, House-a ka bill putluh pawh ZPM ten min passed pui a ni. FCAA chungchangah pawh MNF kan ngawibo dawn lova, kan enliam theilo. MNF hi party danglam bik kan ni a, party dang nena tehkhin theih kan nilo. Martarte thisena din leh hnam thuthlunga lung phum kan ni. Thudiklo leh thildiklo kan tih a rem ve lova. Min hruaitu Pathian duhdan anga, lungrualtak leh taima taka, malsawmna dawng tlaka ke kan pen zel a tul a ni, a ti. 

Pu TC. Kaphmingthanga, Gen. Secy. MNF Gen. Hqrs. chuan inkhawm hi kaihruaiin, Pu H. Vanlalruata, Jt. Secy. MNF Gen. Hqrs. chuan hunserh a hmang a. Pu C. Lalmuanpuia, ex. MLA, Gen. Secy. chuan AMC 2026 election manifesto sawifiahna hun a hmang bawk.

Mizo National Front

General Headquarters

Mizoram : Aizawl

Press Release

AMC election 2026 manifesto tlangzarh a ni.

ZPM sorkar hian min bawl mai mai tum tawh suh se. 

_Dr. R. Lalthangliana, MNF Sr. Vice President 

Vau Thla vawiin ni 30, 2026 (Thawhtanni) chawhma dar 11:00 hian  Mizo Hnam Run chhung inkhawm neih a ni a. MNF President Pu Zoramthanga, ex. CM chuan AMC election 2026 Manifesto a tlangzarh. MNF Sr. Vice President, ex. Minister Dr. R. Lalthangliana, MLA chuan he hunah hian thusawiin, "Aizawl-ah hian mifing leh fel tak tak, thil awmze manthiam leh hria an tam, ZPM sorkar hian min bawl mai mai tum tawh suh se. State capital Aizawl atanga Thenzawla sawn tumna chu, document hmuhtur nen a awmreng laiin, Peace City, tiin an sawi leh daih a.

"AMC inthlan hi an zuam vaklo a ni ang, term zawh hnuah pawh corporator-te kut phuarsak siin inthlan hun an pawtsei a. Mipuiin oil kan leina chhiah chawi tlingkhawm hmangin kawng an cheitha a, hei hi tutetan pawha thil harsa lo, lemchanna chikhat mai a ni. Tun tum AMC election lo awm turah hian MNF ten candidate kan duhtui a, Aizawl khawpui hmasawnna atan hna tamtak, rotling kan lo thawh tawh avangin beiseina sangtak kan nei a ni," a ti. 

Dr. Thangtea chuan, Assam Rifles khawpui chhung atanga sawnchhuah chungchang hi MNF sorkar pian hmasakber, Pu Laldenga CM na hnuaia buaipui tan daih tawh kha a ni a. Khatih hunlaia Revenue Minister, Pu Tawnluia hmalaknain Zokhawsanga an insawnna tur ram buaipui a ni tawh a. MNF General Assembly vawi 25 na, Oct ni 21-22, 1987 ah, AR chhuahsan tur ram chu public purpose atan chauhva hmantur a ni, tiin kan lo rel daih tawh bawk a ni. AR sawnchhuak tur hian MNF in tha a thlah ngai lova, ZPM sorkar leh an insawnchhuah hun a innangfuh ta a ni, a ti. 

Dr. R. Lalthangliana, Dampa bialtu MLA chuan, hun engemaw chen a chawlh hnua Assembly House-ah mak tih deuh deuh ka nei a. Kan state budget aia kan leiba cheng vbch. 2,008.23 zeta a tam zawk tlat mai hi ka hriat vawikhatna a ni a. Chief Minister in House-a thu passed tawh, cabinet meeting-a sawihona pawh awmlova a ti danglam mai te kha a mak khawp mai. Sum tamtak kan hmuh thu leh kan tihthat vanga lawmman tamtham tak kan dawn thu CM in a sawireng laiin, SASCI a kan sum hmuhtur chu kan thenawm Manipur ten vbch 2400 an chan laiin, state dangte aia tlemzawk fe, vbch 100 chauh a ni lawi si a. Sorkar hmasate hmalakna ZPM te hian fak an hreh em em a. Vawikhat MLA ni a minister ni nghal deuhvek an nih avangin an veikhawr ve deuh pawh a ni ang a. Chutihrualin, Chief Minister hova thubelhchian dawllo leh dawtsawi an chin hi bansan se ka duh thu leh Assembly House chu thudik tak chauh sawina hmuntura ka ngaih thu House-ah pawh ka sawi a ni, a ti. 

Health Minister lo ni tawh, Dr. Thangtea chuan, MNF sorkar laia CM Pu Zoramthanga'n a ngaih pawimawh em em healthcare scheme kan duanfel vek tawh, a taka kan hman hmanloh chu, chhunhan pakhat pawh danglam mang lovin ZPM ten MUCHS tiin an hmang a, kan hmalakna an chhunzawm thei leh kan ruahmansa leh kan sum hman bang an rochun thei hi a lawmawm hle a ni. MNF hian ram rotling tak tak sawisen loh kan buaipui a, kan din tawh a, ZPM sorkar hi kan kuhmumah an par, a tih loh theihloh a ni, a ti. 

MNF Sr. Vice President chuan, ZPM sorkar hnu reiloteah MNF in inthlan awm zawng zawng deuhthawah hnehna kan chang zel a. ZPM ten hnehna an chan ve chhun pawh, kan hlahthlemna awm tak chauhvah a ni. Lengpui scam pawh MNF ten CBI chhuitir kan huamin kan duh em em a, House-a ka bill putluh pawh ZPM ten min passed pui a ni. FCAA chungchangah pawh MNF kan ngawibo dawn lova, kan enliam theilo. MNF hi party danglam bik kan ni a, party dang nena tehkhin theih kan nilo. Martarte thisena din leh hnam thuthlunga lung phum kan ni. Thudiklo leh thildiklo kan tih a rem ve lova. Min hruaitu Pathian duhdan anga, lungrualtak leh taima taka, malsawmna dawng tlaka ke kan pen zel a tul a ni, a ti. 

Pu TC. Kaphmingthanga, Gen. Secy. MNF Gen. Hqrs. chuan inkhawm hi kaihruaiin, Pu H. Vanlalruata, Jt. Secy. MNF Gen. Hqrs. chuan hunserh a hmang a. Pu C. Lalmuanpuia, ex. MLA, Gen. Secy. chuan AMC 2026 election manifesto sawifiahna hun a hmang bawk. 

Sd/-

(PETER CHHANGTE)

Secretary

Media & Publicity Department

Mizo National Front

Memo No. 459/2026

Dt. 30.03.2026