Aizawl | March 27, 2026: YMA Model Branch kumpuan hawnna chu nizan khan YMA Hall-ah neih a ni a, Kumpuan - Ruihhlo do hi Central YMA General Secretary Prof Malsawmliana'n a hawng a, ". . . hnam dang an neih chuan an fate hnam dang an ni tawh a, Mizo an ni tawh lo, tribal an ni thei tawh lo," a ti.
.jpg)
Kumpuan hawnna hun hi YMA Model Branch Kumpuan Committee Chairman C Malsawma, chuan a kaihruai a, Kristian Thalai Pawl (KTP) Model Branch Secretary Lalengmawii'n bible chhair leh tawngtaina hun a hmang a ni. YMA Model Branch Secretary Hmingthanmawia Varte chuan report a pe bawk.
Kumpuan hawnna hun hmanna hunah hian Cheraw mawi takin YMA member ten an kan a. A huho a zaina hun nuam tak hman thin bawk a ni.
Kumpuan hawngtu Prof Malsawmliana chuan YMA hi ruihhlo do turin kan tha tawk a ni a ti.
YMA kan chakna a chu khaw tinah veng tinah member engemaw zat sang tel zel kan awm a. Hei hi YMA ten a kan tih ve theih, Pathianin Mizo te min pek a nih avang hian Ruihhlo Do tur hian YMA te kan tha tawk a ni. Chumi tur chuan hun kal zelah YMA hi Mizo Society a ding nghet turin kan tih len zel a ngai a ni.
Hnam dang nena inneih pawlh chungchang sawiin, Mahni hnampui ngei nupui pasal nei-ah kan fate nihna a buai lo a. Amaherawhchu, hnamdang nena innei karah erawh chuan an fate nihna (identity) a buai a, an nihna a buai thin a ni. Hmeichhia ten hnam dang an neih chuan an fate hnam dang an ni tawh si a, Mizo an ni tawh lo a, tribal an ni thei tawh lo a ni. Chuvangin, kan fate nihna a buai lohna turin mahni hnampui nei turin kan inchah a ni a ti.
YMA ten Ruihhlo Do a thapui kan thawh chuan Ruihhlo hi a lo tawmin a kiam thin a ni a ti.
Kan ram leh hnamah ruihhlo hian nasa takin bu a khuar tawh avangin thapui thawhin YMA hian Ruihhlo Do hi Kumpuan atan kan puang leh a ni. Khua leh tui tha chuan khawtlang himna tur te, ram leh hnam himna tur te, mite tana thatna tur leh thenawm khawveng tana thatna tur thil tam tak a tih a ngai a ni. Khua leh tui tha in kan tihtur chu kan mawhphurhna kan hriat a ngai a. Khawtlang himna tur leh he ram himna hian thil tam tak tihtur a awm. Chung zingah chuan kan thalaite ruihhlo avanga an thih mek lai leh chhungkaw tam tak ruihhlo avanga an th a, hlimni hmel an hmuh loh lai hian keini enge kan mawhphurhna? Chung ho chhanchhuak tur chuan thil tha kan tih a ngai a ni. Khawtlangin ruihhlo kan duh lo a, a zuartute pawh kan duh lo a ni tih kan lantirna tur chuan ram dan bakah Khawtlang dan te pawh kan neih ve a ngai a ni,: a ti bawk.
YMA Model Branch a Kumpuan hawngtu tur Prof Malsawmliana hi Khuallam nena an lo hmuak a. Sawma hi CEC atangin R Lalchhandama, Thangnghilhlova, PC Lalthianghlima leh PC Lalthanhlira ten an tawiawm a ni.
YMA Model Branch hi April 11, 1978 khan din niin kum 2028 hian Golden Jubilee an lawm dawn a. Lawmna tur ruahmanna pawh an kalpui mek a ni. Model Branch YMA ah hian Member 1170 (Mipa 561, hmeichhia 609) an awm a, Section 3 ah an inthen a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: