Aizawl | March, 2026: ZPM General Headquarters chuan Vawiin chawhma dar 11 khan party office-ah chhung inkhawm hun an hmang a. Spokesperson Laltluangkima, chuan thu sawiin, “State Transport Authority-ah hian member ka ni ve a, 'Aizawlah Taxi Permit in pe dawn em?' tih hi zawhna kan dawn tam ber a ni a. STA chuan uluk takin kan zir chiang a, la pek rih loh tha kan ti a, CM pawhin tha ti,” a ti a. District Headquarters bakah Thenzawl khua chu Two Wheeler taxi neih theihna hmun - 'domain' nei an ni a.
Heng; Thingsulthliah, Zokhawthar, Thingsai, Bairabi, Lengpui, Sangau, Bungtlang S, W. Phaileng, Zawlnuam, Sesawng, Suangpuilawn, Phuaibuang, Darlawn, Kawnpui leh Ratu te pek belh an nih thu a sawi a. “Online Booking System Aizawlah kalpui tum a ni a, a hming atan ‘ZOTAXI’ tih niin, engkim peih fel vek tawh, hawn mai theih a nih thu leh Bus te chi, khawi kipa kal thei buatsaih tum mek a ni bawk,” a ti.
Laltluangkima chuan, “Opposition-ho mangang hian rei lo te atana mi awih tur leh an awih loh tawp tur pawh ni se, dawta min beih hi an hreh lo tih kan hriat a ngai. Kan CM Pu Lalduhoma hian beihna a tawk tam khawp mai a, dawt puarpawlengin an bei thin. Mahse, thu dik chu a lo lang leh thin. Tin, March ni 5, 2026 khan Vanapa Hall kawtah MNF-ho chuan Dr. Vanlalthlana, Education Minister chu bang turin an kar a. Dr. Mathlana hian tih dik loh a nei lo a, a bang dawn lo. MNF hun laia college chei thatna contract zawng zawng kha restricted tender deuh vek a ni zawk si a, an zah loh dan em em hi chu kan lo zak zawk a ni,” a ti a. “Budget Session neih meka Dampa bialtu MLA Dr. R. Lalthangliana’n, ‘Budget aia tam leiba neih hi ka hre khat. Budget estimate aia tam leiba neih hi a serious’ a tih kha a dik thawkhat a. Ram hruaitute pawh ni se budget estimate aia leiba nei tam ram an la hre ngai lo a nih chuan kan la hawi zau tawk lo a ni ang. India ram state dang, Punjab, Himachal Pradesh, Arunachal Pradesh leh a dang pawh an awm. Tin, kan leiba ti sangtu chu SASCI a ni a, leiba tha mi a ni. Corrupt tur ringawta leiba ngah ang chu a tha lo. MNF Healthcare chuan Synod Hospital sum Cheng Vaibelchhe khat an ba ral thak a nih kha. ZPM chu MNF ang kan ni lo,” a ti.
Spokesperson chuan, “Eptuho chuan AMC inthlan dawn vangin Aizawl khawpui kawngpui an siam an ti a. AMC huam chhung chauh kan siam lo, ram pum huapin kan siam mek zel a ni. Kawngpui tha hi a titu nih ve duhin, ‘hengte chu kan cess pek atanga siam a ni’ an ti thul, ‘ATL Road siamna tura sum dahkham lo punga siam’ an ti thul. Sorkar suma siam a ni a, sorkar chu mipui a ni a, mipuiah kan tel ve vek alawm,” a ti bawk.
PRESS RELEASE
(ZPM General Headquarters, Aizawl)
Aizawl, 9th March, 2026: Vawiin chawhma dar 11 khan ZPM General Headquarters chuan party office-ah chhung inkhawm hun kan hmang a. Pu Laltluangkima, Spokesperson chuan thu sawiin, “State Transport Authority-ah hian member ka ni ve a, 'Aizawlah Taxi Permit in pe dawn em?' tih hi zawhna kan dawn tam ber a ni a. STA chuan uluk takin kan zir chiang a, la pek rih loh tha kan ti a, CM pawhin tha ti,” a ti a. District Headquarters bakah Thenzawl khua chu Two Wheeler taxi neih theihna hmun - 'domain' nei an ni a.
Heng; Thingsulthliah, Zokhawthar, Thingsai, Bairabi, Lengpui, Sangau, Bungtlang S, W. Phaileng, Zawlnuam, Sesawng, Suangpuilawn, Phuaibuang, Darlawn, Kawnpui leh Ratu te pek belh an nih thu a sawi a. “Online Booking System Aizawlah kalpui tum a ni a, a hming atan ‘ZOTAXI’ tih niin, engkim peih fel vek tawh, hawn mai theih a nih thu leh Bus te chi, khawi kipa kal thei buatsaih tum mek a ni bawk,” a ti.
Pu Laltluangkima chuan, “Opposition-ho mangang hian rei lo te atana mi awih tur leh an awih loh tawp tur pawh ni se, dawta min beih hi an hreh lo tih kan hriat a ngai. Kan CM Pu Lalduhoma hian beihna a tawk tam khawp mai a, dawt puarpawlengin an bei thin. Mahse, thu dik chu a lo lang leh thin. Tin, March ni 5, 2026 khan Vanapa Hall kawtah MNF-ho chuan Dr. Vanlalthlana, Education Minister chu bang turin an kar a. Dr. Mathlana hian tih dik loh a nei lo a, a bang dawn lo. MNF hun laia college chei thatna contract zawng zawng kha restricted tender deuh vek a ni zawk si a, an zah loh dan em em hi chu kan lo zak zawk a ni,” a ti a. “Budget Session neih meka Dampa bialtu MLA Dr. R. Lalthangliana’n, ‘Budget aia tam leiba neih hi ka hre khat. Budget estimate aia tam leiba neih hi a serious’ a tih kha a dik thawkhat a. Ram hruaitute pawh ni se budget estimate aia leiba nei tam ram an la hre ngai lo a nih chuan kan la hawi zau tawk lo a ni ang. India ram state dang, Punjab, Himachal Pradesh, Arunachal Pradesh leh a dang pawh an awm. Tin, kan leiba ti sangtu chu SASCI a ni a, leiba tha mi a ni. Corrupt tur ringawta leiba ngah ang chu a tha lo. MNF Healthcare chuan Synod Hospital sum Cheng Vaibelchhe khat an ba ral thak a nih kha. ZPM chu MNF ang kan ni lo,” a ti.
Spokesperson chuan, “Eptuho chuan AMC inthlan dawn vangin Aizawl khawpui kawngpui an siam an ti a. AMC huam chhung chauh kan siam lo, ram pum huapin kan siam mek zel a ni. Kawngpui tha hi a titu nih ve duhin, ‘hengte chu kan cess pek atanga siam a ni’ an ti thul, ‘ATL Road siamna tura sum dahkham lo punga siam’ an ti thul. Sorkar suma siam a ni a, sorkar chu mipui a ni a, mipuiah kan tel ve vek alawm,” a ti bawk.
Vawiin chhung inkhawm hi Pu KT Rokhaw, Ex MLA, PAC member chuan kaihruaiin, Pu HL Chhinga, Jt. Secy, Upa Committee chuan hunserh a hmang.
Sd/-
(ZIRSANGLIANI MANGPA)
Jt. Secretary, Media & Publicity Department,
ZPM General Headquarters, Aizawl
PR No. ZPM-02/02A/2026/22
Dated 9th, March, 2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: