MSU-in College zirtirtu an thiamnain a tlin lo te contract Feb 28-a tawp tur lawmawm ti; "tling lo chunga college zirtirtu nih tum tlat chu thil zahthlak a ni," ~ MSU

Aizawl | Feb 17, 2026: Mizo Students’ Union (MSU) General Headquarters, Aizawl hruaitute chuan College zirtirtu an thiamnain a tlin lo te contract Feb 28-a tawp tur lawmawm an ti a, "tling lo chunga college zirtirtu nih tum tlat chu thil zahthlak a ni," tiin an sawi bawk.

Mizo Students’ Union (MSU) General Headquarters, Aizawl hruaitute chuan College zitirtu qualified lo te chungchangah tukin khan Higher & Technical Education (H&TE) Minister Dr Vanlalthlana chu a chenna inah an hmu.

MSU hruaitute hian nikum lam atanga hma an lo lak tawhna; zirlai thahnem tak nena college zirtirtu qualify lo te ban an nih theih nana kawng hial zawh a, hma an lakna kalzel ah High Court in a stay order a chuah avanga tun thlenga qualify lo ten zirtirna an la pe chu pawi an tih thu sawiin, heng zirtirtu qualify lo te hi an contract period February 28, 2026-a tawp tawh turah extend a nih tawh loh tur thu notification a tichhuak chu lawmawm an ti a, qualify lo chunga college zirtirtu nih tum tlat chu thil zahthlak a nih thu leh heng Unqualified Asst. Professor te pawh hian zirlaite hmangaihna vangin harsatna siam lova tawp zui ngam turin MSU President B Lalkhawngaihzuala chuan a chah nghal bawk.

Tin, Unqualify te contract a tawp veleh zirlai ten an tawrh loh nan an aiawh tur a hma thei ang bera lak a nih theih nan Minister hnenah hian an ngen nghal bawk a ni.

Tin, MSU hruaitute chuan Dan ang thlapa RUSA kaltlanga Asst. Proffessor lak ten tun thlenga an dikna chanvo hmu lova hun an la hmang chu pawi an ti a, hei vang hian tun dinhmuna MPSC-in Asst. Professor-a lak turah pawh a tam zawk in application an thehlut a ni tih hriat a ni a, RUSA kaltlanga Asst. Professor-te hi tun hnalak ah hian an tlin chuan an post hi an kalsan a ngai dawn a, chutihrualin an post kalsan ah erawh an aiawh tur lak a nih theih dawn loh avangin hei hi thil pawi tak, zirlaite harsatna thlen thei  a ni a, MPSC-in Asst. Professor a lak tur te interview a kalpui hma ngei a RUSA kaltlanga Asst. Professor lak  te hi Mizoram sawrkar hnuaiah tih ngheh an nih vat theih na turin MSU hruaitute chuan H&TE Minister hi an ngen bawk a ni.

Heng bakah hian MSU hruaitute chuan zirlaite Study tour fund cheng  nuai 50 awm mek chu indaihlohna a nasat avangin tihpun a nih ngei theihna Assembly session-ah theihtawp chhuah turin an ngen bawk.

No.B.101/MSU-GHQ/2024–2026/74 Dated Aizawl, the 17th February, 2026

PRESS RELEASE

Mizo Students’ Union (MSU) General Headquarters, Aizawl hruaitute chuan College zitirtu qualified lo te chungchangah tukin zingkar khan Higher & Technical Education Minister chu a chenna inah an hmu.

Ni 17 Febuary, 2026 zingkar khan MSU General Headquarters hruaitute chuan Higher & Technical  Education Minister Dr. Vanlalthlana chu a chenna In ah an hmu a, MSU hruaitute hian nikum lam atanga hma an lo lak tawhna; zirlai thahnem tak nena college zirtirtu qualify lo te ban an nih theih nana kawng hial zawh a, hma an lakna kalzel ah High Court in a stay order a chuah avanga tun thlenga qualify lo ten zirtirna an la pe chu pawi an tih thu sawiin, heng zirtirtu qualify lo te hi an contract period 28 February, 2026-a tawp tawh turah extend a nih tawh loh tur thu notification a tichhuak chu lawmawm an ti a, qualify lo chunga college zirtirtu nih tum tlat chu thil zahthlak anih thu leh heng Unqualified Asst. Professor te pawh hian zirlaite hmangaihna vangin harsatna siam lova tawp zui ngam turin Pu B.Lalkhawngaihzuala chuan a chah nghal bawk. Tin, Unqualify te contract a tawp veleh zirlai ten an tawrh loh nan an aiawh tur a hma thei ang bera lak anih theih nan Minister hnenah hian an ngen nghal bawk a ni.

Tin, MSU hruaitute chuan Dan ang thlapa RUSA kaltlanga Asst. Proffessor lak ten tun thlenga an dikna chanvo hmu lova hun an la hmang chu pawi an ti a, hei vang hian tun dinhmuna MPSC-in Asst. Professor-a lak turah pawh a tam zawk in application an thehlut a ni tih hriat a ni a, RUSA kaltlanga Asst. Professor-te hi tun hnalak ah hian an tlin chuan an post hi an kalsan a ngai dawn a, chutihrualin an post kalsan ah erawh an aiawh tur lak a nih theih dawn loh avangin hei hi thil pawi tak, zirlaite harsatna thlen thei  a ni a, MPSC-in Asst. Professor a lak tur te interview a kalpui hma ngei a RUSA kaltlanga Asst. Professor lak  te hi Mizoram sawrkar hnuaiah tih ngheh an nih vat theih na turin MSU hruaitute chuan H&TE Minister hi an ngen bawk a ni.

Heng bakah hian MSU hruaitute chuan zirlaite Study tour fund cheng  nuai 50 awm mek chu indaihlohna a nasat avangin tihpun a nih ngei theihna Assembly session-ah theihtawp chhuah turin an ngen bawk.

Sd/-

(ZODINSANGA)

General Secretary

Memo No.B.101/MSU-GHQ/2024–2026/74: Dated Aizawl, the 17th February, 2026

Copy to:

1)The News Editor, AIR/DDK/LPS/ZONET chanchintharah News Item anga min puanzarsak tûrin.

2)The News Editor, ___ i chanchinbuah News Item anga min târ lansak tûrin.

3)Guard File