"kan thu thuin kan kal dawn tia tham lo taka mipui min tawng khum zel dawn a nih chuan an MLA te hi assembly ah hian an ṭhu tawh lo ang," ~ MPYCC Sr VP

Aizawl | Feb 17, 2025: Mizoram Pradesh Youth Congress Committee (MPYCC) chuan vawiin chhun dar 12:30 khan Vanapa Hall kawtah Electric bill sang lutuk dodal nan an pungkhawm.

He huna thu sawitu MPYCC Senior Vice President Ngurdingpuia Pachuau chuan, "kan thu thuin kan kal dawn tia tham lo taka mipui min tawng khum zel dawn a nih chuan an MLA te hi assembly ah hian an ṭhu tawh lo ang," a ti a. 

"tun hnai leh nikum tawp lam atang khan ZPM sorkarin uchuak taka mipuite min rawn lawkna nei miah lova electric bill tisang a, vawiin ni-ah mipuite lungngaia kan rum lai hian, mipuite ngenna avanga an thlavang hauh a ngai ta hi vanduaithlak kan ti tak zet a ni. Mizoram sorkarkin electric bill uchuak taka a tih pubm mek hian nasa takin mipui min barakhaih a, hmun hrang hrangah bill sang uchuak tak avangin mipui kan rum mek a, kan eng chhit leh bill chawi a inmil lo nasa a ni, mipuite hi ZPM sorkar hian min sorkar fu mek a ni. 

"ZPM sorkar hian bill chi hrang hrang hmangin mipui min rawk mek a ni.," a ti bawk.

Hemi chungchangah hian MPYCC chuan thuchhuah siamin, "ZPM Party chuan kum 2023 MLA inthlan dawn khan ZPM a sorkar chuan Electric Bill kan ti sang ve dawn lo tiin mipuiah an inzuar a. ZPM an sorkar hnu ni 11.12.2023 (Thawhtanni) khan Power & Electricity Minister Pu F Rodingliana chuan a Pisa luah lutin Department hotute a kawm a, kum 5 chhunga Power-a intodelh an tum thu leh kum 5 chhungin Electric bill tihsan a nih loh tur thu a sawi a. Thenzawl Solar Power Plant hawnnaah pawh Chief Minister Pu Lalduhoma chuan Electric Bill an tihsan loh tur thu a sawi bawk," a ti a.

"ZPM Party hian Lal hrim hrim an duh avangin khawvel leh India ramah Mizoram aia kum za tam tak lo kal tawhte dinhmun hmangin sorkar kal tawhte an teh a, chumi hmanga ti ve lo tur angin an inzuar a ni. Delhi-ah kum 2014-a AAP in sorkarna an siam khan an intiam angin mipui phurrit chhawk nan Electric Bill nasa takin an tihniam a. Hydel Project Mega Watt-1 pawh la siam chhuak lo ZPM Sorkar kan hrawn mek hian sorkar kal tawhte ngainep zawng leh engmah ti lo anga an sawi thin hi Congress Thalai chuan pawi a tiin; Kawlphetha (Power) lamah an ka ang ve tawh lo turin a duh  a ni,"

"State Sorkar dang mipui tana hamthatna tur ngaihtuaha theihtawpa an hmanhlel laiin, ZPM sorkar chuan Electric Bill leh Bill dang reng reng tihsan loh an intiamna bawhchhiain an nawmchenna atan nasa takin Electric Bill an tisang hi mipui zah lohna leh palzutna dik takah Congress Thalai chuan a ngai a ni,"

"Hetianga mipui harsatna sutkianna pawh awm lova, Power lama Bulb pakhat chhitna pawh la din eih lo ZPM sorkarin Mizoram Rohlu kan neih chi hrang hrang hralh zawnga hma a la a, Tuirial Hydel Project te pawh hralh a tum leh zel hi mahni nawmchenna atana chhungkaw Pa berin inchhung bungrua a hralh nen thuhmun reng a ni. Congress Thalai chuan mipui tawrhna thlen zawnga ZPM sorkar a kal zel dawn chuan na takin a do zel dawn a ni tih a hriattir," tiin an tarlang.

MIZORAM PRADESH YOUTH CONGRESS COMMITTEE

No. MPYCC/Mz-B/2025-2026/85

Dated: Aizawl the 17th February, 2026

PRESS STATEMENT

ZPM Party chuan kum 2023 MLA inthlan dawn khan ZPM a sorkar chuan Electric Bill kan ti sang ve dawn lo tiin mipuiah an inzuar a. ZPM an sorkar hnu ni 11.12.2023 (Thawhtanni) khan Power & Electricity Minister Pu F Rodingliana chuan a Pisa luah lutin Department hotute a kawm a, kum 5 chhunga Power-a intodelh an tum thu leh kum 5 chhungin Electric bill tihsan a nih loh tur thu a sawi a. Thenzawl Solar Power Plant hawnnaah pawh Chief Minister Pu Lalduhoma chuan Electric Bill an tihsan loh tur thu a sawi bawk.

ZPM Party hian Lal hrim hrim an duh avangin khawvel leh India ramah Mizoram aia kum za tam tak lo kal tawhte dinhmun hmangin sorkar kal tawhte an teh a, chumi hmanga ti ve lo tur angin an inzuar a ni. Delhi-ah kum 2014-a AAP in sorkarna an siam khan an intiam angin mipui phurrit chhawk nan Electric Bill nasa takin an tihniam a. Hydel Project Mega Watt-1 pawh la siam chhuak lo ZPM Sorkar kan hrawn mek hian sorkar kal tawhte ngainep zawng leh engmah ti lo anga an sawi thin hi Congress Thalai chuan pawi a tiin; Kawlphetha (Power) lamah an ka ang ve tawh lo turin a duh  a ni.

State Sorkar dang mipui tana hamthatna tur ngaihtuaha theihtawpa an hmanhlel laiin, ZPM sorkar chuan Electric Bill leh Bill dang reng reng tihsan loh an intiamna bawhchhiain an nawmchenna atan nasa takin Electric Bill an tisang hi mipui zah lohna leh palzutna dik takah Congress Thalai chuan a ngai a ni.

Hetianga mipui harsatna sutkianna pawh awm lova, Power lama Bulb pakhat chhitna pawh la din eih lo ZPM sorkarin Mizoram Rohlu kan neih chi hrang hrang hralh zawnga hma a la a, Tuirial Hydel Project te pawh hralh a tum leh zel hi mahni nawmchenna atana chhungkaw Pa berin inchhung bungrua a hralh nen thuhmun reng a ni. Congress Thalai chuan mipui tawrhna thlen zawnga ZPM sorkar a kal zel dawn chuan na takin a do zel dawn a ni tih a hriattir e.

Issued by: Mizoram Pradesh Youth Congress Committee