MPSC-in MCS (Combined Competitive) Exam 2025 Result siam tha; MCS a lang Samuel Chinsonmung paihin, MIS panel list atangin Lalremsiami tlingah puang!

Aizawl | Feb 17, 2026: MPSC-in MCS (Combined Competitive) Exam - 2025 Final Result siam tha; MCS a lang Samuel Chinsonmung paihin, MIS panel list ami Lalremsiami tlingah puang!

Mizoram Civil Services (Combined Competitive) Examinations - 2025 Final Result siam thain vawiin tlai dar 5:29 khan an website-ah an dah chhuak.

13-naa awm Samuel Chinsonmung S/o N Neihsial, ZMA Road 2, Vengnuam, New Lamka, Manipur, 795128 chu paih a ni a, a ni hia mark 965.80 hmuin MCS atana lak a ni.

Ani an paih chiah hian, 14-naa awm Lalhruaitluanga S/o J Lalruata 7, New Ngharchhip, Ngharchhip, Mizoram, 79657 chu 13naah chhoin, ani hian mark 960.50 hmuin MCS atana lak a ni sa hrim hrim bawk.

Jr. Grade of Mizoram Information Service : Panel list ami Lalremsiami D/o Lalvuana, M-93, Armed Veng, Aizawl, Mizoram, 796008 chu MIS ah a rawn tling thar a, mark 936.64 hmuin, list-ah 29na a rawn ni ta a ni.

Hemi bakah hian, list-ah 20-na ni ta, result hmasaa lits 21na nia MIS atana tling GS Zoremtluangi D/o Lalnunenga, H/N-1 13, Electric Veng, Khawzawl, Mizoram, 796310 chu marck 949.38 hmuin MFAS atan dah a ni.

Ani hi result hmasa-ah MIS atan a tling a, tuna a tharah MFAS atan a tling a, reesult hmasa-ah MFAS-ah panel list-ah a awm a ni.

GS-i hi Mizoram Health Service Jr. Grade interview result vawiina chhuakah a tling bawk niin thu dawn a ni.

Mizoram Public Service Commission-in thuchhuah a siam danin, MPSC chuan Mizoram Civil Services (Combined Competitive) Examinations - 2025 Final Result chu February ni 9, 2026 khan Notification No MCS/1/2025-MPSC(PE) dt.9.2.2026 hmangin a lo tichhuak tawh a. Mizoram Sawrkar-ah recommendation thehluh tum a nih lai mek in hemi kaihhnawihah hian thil thleng thar (development thar) a awm avangin Mizoram Public Service Commission chuan vawiin thlengin recommendation a thehlut ta rih lo a ni.

A tira hriat tel loh information than a awm avangin candidate zinga pakhat chu technical ground-in a tling lo tih hmuh chhuah a ni a. Mizoram Civil Services (Combined Competitive) Examinations - 2025 Final Result, Mizoram Public Service Commission in a tihchhuah tawh chu ennawn a, siam that (recast) a lo tul ta a Result hi ennawn a, siam thatna tihchhuah a nih veleh ni 9.2.2026-a Final Result tarchhuah tawh chu a thiat/sut nghal dawn a ni," tiin result an siamthat chhan hi MPSC chuan thuchhuah siamin an lo tarlang tawh a ni.