Aizawl | Feb 17, 2026: Mizoram Baptist Mipa Pawl (MBMP) Inkhawmpui S Vanlaiphaia neih zawh takah, nimin tuka palai haw lamte lirthei chu Hnahthial DTO hmalaknain endik a ni a, lirthei che vel a tih khaihlak nasat avangin hotu sang zawk leh bialtu MLA te an in rawl hnuah tih tawp niin, he thil thleng hian sawi zui a hlawh hle.
Zonet JB tarlan danin, Mizoram Baptist Kohhran hnuaia Mizoram Baptist Mipa Pawl (MBMP) chuan Feb 13 - 15 chhung khan inkhawmpui hi an nei a, nimin zinga an haw chu Tuipui South (Tuipui D tia hriat thin) atanga National Highway pawhnaah DTO hnuaia thawktute'n lirthei an lo endik a, he thil hian sawi zui a hlawh nasa hle a, kawngpui a zim avang leh lirthei an inhnawh tawng vangin thuneitute leh MLA inrawlh hnuah tihtawp a ni.
Thudawnnain a tarlan danin, lirthei endik leh dan zawm chu tih ngei ngei tur a ni a, mahse, he thil hi chu MBMP palaite bitumna nia ngaih theih a nih thu sawiin, an kal lamah duty awm si lova, haw lamah office kai hma atanga duty an awm chu mak an tih thu an sawi.
Thudawnnain a tarlan zel danin, MBMP Inkhawmpui 2023, Hnahthiala neih turah pawh khan, Hnahthial DC atang hian thuchhuak dengkhawng tak an lo chhuah khum tawh bawk a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: