JP Career Point-in MCS (Combined Competitive) Exam-a an zirlai hlawhtling 10 te chawimawina hun hmang

Aizawl | Feb 12, 2026: JP Career Point Coaching Centre Zarkawt, Aizawl te chuan ni 11.02.2026 (Nilaini), zan dar 7:00 khan Mizoram Public Service Commission (MPSC) in Mizoram Civil Services (Combined Competitive) Exam 2025 result a tihchhuah taka an zirlai tling thar mi 10 - MCS-4, MPS-3, MIS-2 leh MF&AS-1 te chawimawina hun Hotel Regency Conference Hall, Zarkawt ah an hmang.

He hun hi Cabinet Minister Dr Vanlalthlana'n khuallian niin a hmanpui a, Officer tling thar te fuihna thu sawiin, lawmpuina thuziak a hlan.

Aizawl Theological College (ATC) Assistant Professor Rev Dr KM Vanlalpeka'n hunserh hmangin, JP Career Point Director Israel Lalremruata'n an coaching din chhan, kalphung leh Prelims atanga Mains exam report tlangpui a pe bawk.

MPSC Ex-Chairman JC Ramthanga (IAS Rtd) in fuihna thu sawiin a telpui bawk a, officer tling tharte atang an hlawhtlinna zinkawng ngaihnawm tak tak ngaihthlak ho a ni bawk.

JP Career Point hi kum 2013 -ah din niin state dang a coaching centre tha ber ber te el pha turin state pawn atangin faculty experience nei tha te chah lut a, Mizoram a zirtirna kalpui hmasa ber leh awm chhun an ni a. Combined Civil Services Exam mai bakah MPSC B (Gazetted & Non - Gazetted) Exam, Bank PO, Clerical, SSC atan te coaching class kalpuina hmun a ni.

Tun thleng hian JP Career Point hian Mizoram Combined Civil Services Exam bikah an zirlai hlawhtlinna chang MCS - 38, MPS - 19, MF&AS - 16 leh MIS - 2 (Total: 79) te an nei tawh a ni.

Kum 2025 chhung khan an zirlai mi 210 in a hnuai a tarlan hna lak exam hrang hrang paltlangin hna thar an hmu bawk.

APEX BANK, Jr. Grade Mizoram Health Service (MHS), Mizoram Engineer Services (MES), Nursing Officer, Mizoram Judicial Services (MJS), Forester, Forestry, Forest Guard, Jr. Grade Mizoram Forest Service, Field Assistant of Statistic (FAS), Excise & Narcotics Constable, Mizoram Civil Services, Lower Division Clerk (LDC), Assistant Sub-Inspector of Police (Ministerial), State Tax Officer, Cooperative Audit Officer, Fisheries Extension Officer, Jr. Grade Mizoram Horticulture Service, Jr. Grade Mizoram Animal Husbandry & Veterinary Services, Surveyor, Sub-Inspector of Excise & Narcotics, Stenographer, Common Recruitment Examination (Group B Non- Gazetted), Combined Upper Divisional Clerk (UDC), Lecturer (VSE), Sub-Inspector & Receptionist (Food & Civil Supplies & Consumer Affairs), Inspector (Excise & Narcotics Dept.), Mizoram Cooperative Apex Bank (Assistant Grade-I & Jr. Management Grade-1.

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]