HSA-in Sinlung Hills pawn lam mi thawktu lak an duh lo; SHC kawtah an pungkhawm

Aizawl | Feb 12, 2026: Sinlung Hills Council hnuaia office Peon tur lakna ah Area mi pakhat mah lak an ni loh avangin Hmar Students Association (HSA) Joint Headquarters, Aizawl chuan Hmar hnam thisena kan lei SHC (Sinlung Hills Council) hi area pawn lam miten an palzut ni a hriat anih vangin HSA memberte an pungkhawm a, Chawhma dar 11:00 khan Sinlung Hills Council Chief Executive Member (CEM) Ricky Lalremsanga leh HSA hruaitute.hi an inbia a, lehkha pein, an punkhawm hi an ṭin rih a ni.

HSA hian GAD Principal Secretary-ah SHC hna laka an lungawi lohna hi an thlen a, a copy hi Mizoram Chief Minister leh SHC CEM hnenah an pek bakah, Adviser to CM (Political) Lalmuanpuia Punte hnenah an pe bawk a ni. Adviaer to CM (Political) hi amah hmuin.SHC hna lak tura an lung awi loh dan leh Sinlung Hills huam chhunga mi ngei lak an duh thu an sawipui a ni.

HSA lehkha hi Mizoram chhunga Joint Headquarters pathum - Aizawl, Kolasib leh Sinlung Hills hruaituten hming an ziah hnan a ni.

Sinlung Hills Council hnuaia office Peon tur lakna-ah Area mi pakhat mah lak an ni loh avangin Hmar Students Association (HSA) Joint Headquarters, Aizawl chuan Hmar hnam thisena lei SHC hi area pawn lam miten an palzut ni a hriat anih vangin, tukin dar 9:30 khan SHC kawtah an pungkhawm a ni.