Feb 6-ah hmarchhak huap Rimawi hmanga HIV / AIDS laka invenna leh inzirtirna, 'Red Fest' buatsaih dawn!

Aizawl | Feb 2, 2026: Hmarchhak huap-a timawi hmanga HIV/AIDS darh zel tur laka invenna leh inzirtirna, Multi-Media Campaign (Red Fest) chu Feb 6 hian LPS Arena, Falkland Aizawlah neih a ni dawn.

Hemi chungchangah hian Mizoram State AIDS Control Society (MSACS) hotute’n Aizawl Press Club-ah thuthar thehdarh tute kawmin, MSACS director Dr Jane L ralte chuan, Multi-Media Campaign (Red Fest) hi kum dangah pawh hmarchhak state hrang hrangah huaihawt tawh thin a ni a. Kumin hian Mizoram in a thleng dawn a, Health & Family Welfare Dept. Minister Lalrinpuii chu khuallian a ni dawn a, State tin atangin Project Director leh State AIDS Control Society Officials te bakah NACO atangin Additional Secretary & Director General leh High Officials ten an hmanpui dawn a ni," a ti.

National AIDS Control Organization (NACO) leh Mizoram State AIDS Control Society bultumin tun kar Zirtawpni khian North East Multi-Media Campaign (Red Fest) chu Mizoramin a thleng dawn a. He hunah hian hmar chhak State pariat -Arunachal, Assam, Meghalaya, Manipur, Mizoram, Nagaland, Sikkim leh Tripura state atanga zaimi kalkhawm ten rimawi hmangin mipui an awi dawn a, hemi ni hian MSACS buatsaihin Mizo zaithiam hrang hrangte’n HIV/AIDS dona lam hla an sak chu tlangzarh a ni dawn bawk a ni. Red Fest ah hian hmar chhak State hang hrang hnam ziarang pho chhuah a ni dawn a, state tin atanga State AIDS Control Society te'n HIV chungchang zirtirna hmanraw hrang hrang stall an buatsaih dawn bawk a ni.