1st NE Ju-Jitsu C'Ship-ah Mizo thalaite an che tha

Aizawl | Feb 2, 2026: January ni 31 atanga February ni 2 chhunga Guwahati, Assam-a 1st North East Ju-Jitsu Cahmpionship neih zawh takah Ju-Jitsu Association of Mizoram (JAM) chuan Mizoram aiawh turin athlete 5 leh coach 1 a tir a, Gold Medal 6 leh Bronze medal 3 an rawn hawn.

L-R: HMS Dawngzuala, Francis Lalremruata, Lalhmangaihzuala, Ju-Jitsu Association of India National President Vinay Kumar Joshi, Nazareth Lalthazuala, Lalchhuanawmi, Lalawmpuia

Ju-Jitsu hnuaiah hian fighting style chi 3-ah inelna - Ne-Waza (Brazilian Jiu-Jitsu), Contact Fighting (MMA Rules) leh Fighting System (Semi Contact striking leh Grappling) a awm a.

Fighter te hi JAM hian team entry fee, accomodation and food a tumsak vek bakah SPES Martial arts Academy-in kal man a tumsak bawk a ni tih JAM General Secretary C Lalrinpuia'n a sawi.

Ju-Jitsu Association of Mizoram (JAM) Logo

Ju-Jitsu hi khawvela Martial arts thang chak berte zing ami niin kum naupang ber atanga upa ber thleng pawha zir theih, self defense leh MMA atan pawha tangkai berte zing ami a ni a, ram thenkhatah phei chuan police leh school curriculum-ah compulsory-a dah hial a ni.

Mizoramah pawh hruaitute thahnemngaihna-in national leh regional tournament ah intirh ziah a ni a, India ramah 𝗠𝗶𝗻𝗶𝘀𝘁𝗿𝘆 𝗼𝗳 𝗦𝗽𝗼𝗿𝘁𝘀 𝗿𝗲𝗰𝗼𝗴𝗻𝗶𝘇𝗲𝗱 𝗴𝗮𝗺𝗲 𝗮 𝗻𝗶𝗵 𝗯𝗮𝗸𝗮𝗵 𝗢𝗖𝗔 𝗽𝗮𝘄𝗺 𝗻𝗶𝗶𝗻 𝗔𝘀𝗶𝗮𝗻 𝗚𝗮𝗺𝗲𝘀-𝗮𝗵 𝗵𝗶𝗮𝗹 𝗺𝗲𝗱𝗮𝗹 𝗴𝗮𝗺𝗲-ah telh a ni tawh a, India rama BJJ black belt 10 ai tlem awm zingah Mizoram-in pakhat kan nei ve hial. Mizoram lamah pawh MSSC hnuaiah affiliation dil mek a nih thu leh thalaite ngaihsaktu sorkar hian a pawm ve vat an beisei thu JAM President Rothuamliana chuan a sawi.

MIZORAM TEAM

1) 𝗡𝗮𝘇𝗮𝗿𝗲𝘁𝗵 𝗟𝗮𝗹𝘁𝗵𝗮𝘇𝘂𝗮𝗹𝗮, 𝗭𝗲𝗺𝗮𝗯𝗮𝘄𝗸 𝗘 - Team Coach

2) 𝗛𝗠𝗦 𝗗𝗮𝘄𝗻𝗴𝘇𝘂𝗮𝗹𝗮, 𝗗𝗮𝘄𝗿𝗽𝘂𝗶 -𝟳𝟳 𝗸𝗴𝘀

GOLD: Ne Waza (BJJ ) & Contact Fighting (MMA)

3) 𝗟𝗮𝗹𝗮𝘄𝗺𝗽𝘂𝗶𝗮, 𝗟𝗲𝗻𝗴𝗽𝘂𝗶 -𝟲𝟵 𝗸𝗴𝘀

GOLD: Ne Waza (BJJ) & BRONZE: Contact Fighting (MMA)

4) 𝗟𝗮𝗹𝗵𝗺𝗮𝗻𝗴𝗮𝗶𝗵𝘇𝘂𝗮𝗹𝗮, 𝗥𝗲𝗽𝘂𝗯𝗹𝗶𝗰 -𝟲𝟮 𝗸𝗴𝘀

GOLD: Ne Waza (BJJ) & Contact Fighting (MMA)-Male

5) 𝗙𝗿𝗮𝗻𝗰𝗶𝘀 𝗟𝗮𝗹𝗿𝗲𝗺𝗿𝘂𝗮𝘁𝗮, 𝗥𝗲𝗽𝘂𝗯𝗹𝗶𝗰 -𝟱𝟲 𝗸𝗴𝘀

BRONZE: Contact Fighting (MMA)

5) 𝗟𝗮𝗹𝗰𝗵𝗵𝘂𝗮𝗻𝗮𝘄𝗺𝗶, 𝗗𝗮𝘄𝗿𝗽𝘂𝗶 𝗩𝗲𝗻𝗴𝘁𝗵𝗮𝗿 -𝟱𝟮 𝗸𝗴𝘀

BRONZE Ne Waza (BJJ) & GOLD: Fighting System (Semi-Contact)