Indian Budget hmasa ber chu kum 1860 khan James Wilson, Scottish Economist leh politician ni bawkin a pharh a, kum 1950 thleng Rajtrapati Bhavan-ah chhut (print) thin a ni. Mahse, a hun hmaa lo putru (leak) a awm avangin Govt Press, Minto Road, Delhi ah chhut a ni ta zawk a, kum 1980 atang phei chuan Govt Press hi N' Block a dah ngheh a ni ta.
Kum 1955 thleng khan Indian Budget hi English a chhut a ni a, 1966 atangin English leh Hindi in an chhu ṭan. Moraji Desai khan vawi 10 zet Budget a pharh a, amah khum thei an la awm lo.
Union Budget hi British ho kalphung ang deuhin kum 2000 thleng khan tlai lam dar 5 ah chiah pharh thin a ni a, Finance Minister Yashwant Sinha khan ti danglamin kum 2001 atangin chhun dar 11 ah an pharh ṭan.
Kum 2017 khan Finance Minister Arun Jaitley rawtna angin February ni 1 ah pharh ṭan a ni a, hemi hma hi chuan February zirtawpni hnuhnung berah pharh thin a ni.
Tichuan, kumin February ni 1 hi Sunday (Pathianni) a nih tak avangin kum 1860 atanga Indian / Union Budget pharh tawh chu a vawikhatna atan SUNDAY ah pharh a lo ni ta a ni.
A budget chungchang hi chu remchang a la chip atan dah ila, Sunday a nih avang nge khawvel news lian dang (US / Iran / Europe / Russia / Ukraine / China..) tam lai a nih vang zawk financial institution tam tak chu kum dang ai chuan an ri hluah lo deuh niin a lang.
Pathiannia Budget pharh hi a la pawi viau thei a, tunlai khawvel kalphungah a pawi lem lo thei bawk. Nakin zelah engtin nge ni ang? February Sunday hmasa ber apiangin tihte hi awm ta se, kan la buai phili viau thei ang em? tih te ngaihtuahnaah a awm ve vang vang mai. 🤔🤔
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: