Aizawl | Jan 29, 2026: MPCC general Secretary leh Spokesperson Lalbiakzama chuan vawiin khan Aizawl Press Club-ah thuthar thehdarhtute kawmin, naktuka MPCC-in Aizawl khawpuia kawng an zawh chhan tur a sawi.
MPCC chuan, IAF hnena ram hralh, Kristian nekchepna hluar leh MGNREGA nuai bo' duh loh avangin kawng an zawh dawn thu a sawi a.
1. Dik lo taka Lengpui airport ram bul IAF hnena hralh duh lohna avangin
2. India rama Kristian te nekcheona hluar chho mek avangin
3. MGNREGA (ni 100 inhlawhna) nuai bo duh loh avangin
tih te chu an kawng zawh chhan tur a ni.
PRESS STATEMENT OF
MPCC GENERAL SECRETARY & SPOKESPERSON LALBIAKZAMA,
29.01.2026
Tunlai Mizoram a mipuite bengverh leh ngaihven hlawh ber chu Lengpui ram Indian Air Force kuta hralh chungchang hi a ni a. Hemi chungchangah hian rorel lai ZPM leh MNF-te inkarah inpuhmawhna leh inhnialna a tam hle mai. Keini MPCC-te chu Chanchinbu leh Social Media a\anga kan thil lo hriatte hian min barakhaih takzet a. He thilah hian thil inthup, Sum tam tak diklo taka insemna a awm niin a lang a. He ram in leisak naah hian a hralhtu aia sum lo tel tam zawk an awm ni ngeiin a lang bawk, tin, dan palzut chunga hetiang lo remtihpui leh hmanhmawh taka tihpuitling puitu awm ngei ni a langte hi hriatchian a chakawm a, tin, heng ramte hi a hralha hralh tawp nge kum bithliah neia hman tir tihte pawh hriat a chakawm. Chuvangin heng thilte hi a buaipuitu ‘FACILITATOR’ Mizoram Sorkar hian mipuite min hrilhfiah kan phut tlat a ni.
He thil fel lo, Party pahnihte kara inpuh tawnna leh thil chianglo awmte hi Sorkar hian mipuite a hrilhfiah dawn nge ngawihbo pui a tum dawn. MPCC chuan he thil hi chiang taka mipuite hnena puangzar turin Sorkar hi a phut a, thil diklo titu an awm a nih chuan chhuichhuah a, dan anga hrem ngei a phut tlat bawk a ni.
**
MGNREGA chungchang hi ADCC President Pu Lalhmingthanga khan P.C. nei in chiang takin a sawifiah tawh a, thil pahnih khat lek kan zeh ve duh chu:
MGNREGA thlakna VB G-RAM-G chungchang sawihona ah ni 100 ai ah ni 125 te chu a \ha zawk em em a lawm tih ngaihdan a awm a, a lan dan mai ah chuan a \hat hmel zawk hle a ni. Mahse an kalpui tum dan hi belchiang teh ang.
MGNREGA-ah chuan ni 100 kuthnathawktute inhlawhna tur kha thutiam delhkilh ( guarantee) ani a, dan thar ah hian guarantee lam sawi rik a ni tawh lo.
MGNREGA-ah chuan hnam hnufualte tan khuarel chhiat tawh leh harsatna thlen thulhah ni 50 thleng in hlawhna hi pawhsei theih a ni. Dan tharah chuan ni 125 bak belh theihna a awmlo.
MGNREGA-ah chuan hlawh hi central sorkarin 100% a tum a, dan thar ah chuan keini N.E State ten 10% kan tum ve anga, State lian dangte chuan 40% an tum thung ang. Mizoram ang pukchawpa sorkar kal ve hram hram hian 10% kan pe ve thei zel ang em? Nge Central Scheme tamtak 10% kan tum theih loh vanga zuzi ta ang hi kan hmabak dawn.
MGNREGA-ah chuan State-ten Demand kan siam angin Central Sorkarin sum a rawn pechhuak a, dan tharah hi chuan Central in awm tawk a tih ang a pe chhuak tawh thung dawn. BJP sorkar hian MGNREGA hnuaiah pawh hian an lal lohna State-te nasa takin a hrek tih kan hria a, he dan thar hi inhrekna hmarua tangkai takah an hmanglo ang tih hi sawi ngam a har hle ani, hunin a la rawn hril zel ang chu.
***
Kan sawi tawh \hin angin kum 2014 BJP-te Central a an rawn sorkar a\ang khan India ramah Muslim leh Christian-te cheksawlhna leh nek chepna a rawn hluar chho nasa em em a. Muslim-te phei chu a khat tawkin an vawhlum deuh reng ti ila kan tisual tam awmlo e.
Christian-te pawhin nekchepna leh cheksawlhna kan tuarin kan tawng tam ta malh malh hle mai, kum 2014 atanga tun thleng hian a let sarih in a pung hman a ni.
Nikum 2025 Chrismas vuakvet a thil thlengte kha kan hre tlang vek ang chu. Kan ram Prime Minister biakinah mass hmanga a inkhawmlai khan a \huihhruai hote kil tinah an che chhuak a. Biakin a inkhawm hmun tamtak ah tibuai in, pastor leh kohhran hruaitute hnehsawh tak tak in an cheksawlh a. Hmun tamtakah Chrismas denchen a cheimawina an siamte an tih chhiatsak a nih kha.
Hmanni lawk a Christian Pastor pakhat an sawisak duhdan phei kha chuan rilru a khawihna tak zet mai. A zahthlak thei ang berin an sawisa a, bawngek barh lui in vai pathian thu an chham luih tir anih kha. Rinna a kan unaute tawrhna hi kan ngawihpui mai mai chuan a titu te nen enge kan danglamna ? ‘ silence is complicit’ an tia ni lawm ni?
An dan pangai ang a Central BJP sorkar hotute an ngawi tlat thei hian India ramah Minority- te tan dikna rorel ‘justice’ a awm tawhlo tih a tilang a. ‘Injustice anywhere is a threat to justice everywhere’ Martin Luther King Jr. a tih kha i hre reng ang u. Tun ang zel anih hi chuan a punlun tawlh tawlh dawn tih hi a chiang a ni.
India Constitution Art. 25 in dikna chanvo min pek min palzut sakna hi ti hian kan sepui ruah tawrh ngawt ngawt mai dawn em ni ? Nge ngaiah kan neih tawh mai dawn? India ram Democracy, mitin te dikna chanvo humhim sak anih na ramah kan la awm ani lawm ni?
Hetianga Christian-te kan Constitutional Right palzut sak kan ni hi MPCC chuan pawi a ti in a dem a, tun hnuah thleng tawhlo se kan ti tak zet a ni.
A chhan chu engpawh nise, kan hmuh leh hriat angin, kan State sorkar hotute leh kan aiawh a India Parliament a thu kan MP-te au chhuak ngamlo mahsela, keini Christian ram ti a in chhal thinte hian kan dikna chanvo humtur hian aw kan chhuah ve a hun tawh ani lawm ni? A thu a kan la beihlet theih lai hian tan ila ang u. Heng thilthlengte kan duhloh zia lantir in naktuk 30.01 2026 hian MPCC chuan kawngzawh a huaihawt dawn a, hetah hian Christian tawh phawt chu min rawn \awiawm turin kan sawmin kan ngen che u a ni.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: